San Marcos 2:19 - Alacatlatzala Mixtec New Testament

¹⁹ Ta nda̱kuii̱n ta̱Jesús, káchí ra saá: ―Tá yóo ñii ta̱a ta̱ tonda̱ꞌa̱, ta ndiꞌi ni̱vi na yóo viko̱ tonda̱ꞌa̱ yóꞌo xíxi na, ta o̱n ki̱ví koo soꞌon na, saá chi yóo ka̱ ta̱yóꞌo xíꞌin na.

San Marcos 2:19 הפניות הצלבה

San Mateo 9:15

Ta nda̱kuii̱n ta̱Jesús, káchí ra saá: ―Tá yóo ñii ta̱a ta̱ tonda̱ꞌa̱, ta ndiꞌi ni̱vi na yóo viko̱ yóꞌo xíxi na, ta o̱n ki̱ví kuchuchú ini na, saá chi yóo ka̱ ta̱yóꞌo xíꞌin na. Ta ki̱vi̱ ña va̱xi o̱n kóo ka̱ ra xíꞌin na. Ta saá kía̱ koo soꞌon na.

San Marcos 2:18

Nafariseo xíꞌin na ndíko̱n sa̱ta̱ ta̱Juan yóo soꞌon na. Ta ki̱xaa̱ sava ni̱vi no̱o̱ ta̱Jesús, ta ni̱nda̱ka̱ to̱ꞌon na ra: ―Kua̱ꞌa̱ ní yichi̱ yóo soꞌon na ndíko̱n sa̱ta̱ ta̱Juan, ta yóo soꞌon nafariseo. Ta naxíka xíꞌin mi̱i ún, ¿nda̱chun nda̱ ñii ki̱vi̱ o̱n vása yóo soꞌon na?

San Marcos 2:20

Ta ki̱vi̱ ña va̱xi o̱n kóo ka̱ ra xíꞌin na. Ta saá kía̱ koo soꞌon na.