San Marcos 10:2 - Alacatlatzala Mixtec New Testament

² Ta sava nafariseo ki̱xaa̱ na no̱o̱ ra ña koto ndoso ñaꞌá na, ta ni̱ka̱ꞌa̱n na xíꞌin ra: ―¿Án yóo yichi̱ ñii ta̱a sandakoo va̱ꞌa ra ñásíꞌí ra?

San Marcos 10:2 הפניות הצלבה

San Juan 8:6

Saá ni̱nda̱ka̱ to̱ꞌon na ta̱Jesús chi ndúkú na ña nakava ra kua̱chi, ña̱kán kuchiño na taxi na kua̱chi xa̱ꞌa̱ ra no̱o̱ nachiño. Ta ta̱Jesús o̱n vása ní‑ndakuii̱n ra yuꞌu̱ na, ta chi̱ndee ra no̱o̱ ra, ta xíꞌin nduku ndaꞌa̱ ra, ki̱xáꞌá ra táa ra no̱o̱ ñoꞌo̱.

San Mateo 23:13

Ta ni̱ka̱ꞌa̱n tuku ta̱Jesús xíꞌin nafariseo ta xíꞌin na sánáꞌa nda̱yí Ndios, káchí ra saá: ―¡Ñii ki̱vi̱ xo̱ꞌvi̱ ní ndóꞌó, nafariseo xíꞌin na sánáꞌa nda̱yí Ndios! ¡Na o̱vi̱ yuꞌu̱ kúu ndó! Chi nákasi ndó yichi̱ ña o̱n yaꞌa nani̱vi ña ki̱ꞌvi na yichi̱ no̱o̱ xáꞌnda chiño Ndios. Ta ni mi̱i ndó, o̱n xi̱in ndó ki̱ꞌvi ndó yichi̱ yóꞌo.

1 Corintios 10:9

Ta saá o̱n váꞌa koto ndoso yó Jesucristo án ndixa saxo̱ꞌvi̱ ra mi̱i yó xa̱ꞌa̱ ña o̱n váꞌa kéꞌé yó. Saá chi kua̱ꞌa̱ ní naxi̱i̱ síkuá yó xi̱to ndoso na Ndios xi̱na̱ꞌá, ta ni̱xiꞌi̱ kua̱ꞌa̱ ní na ke̱ꞌé saá, chi tíko̱o̱ xati̱ xa̱xi rí na ta ni̱xiꞌi̱ na.

San Juan 11:57

Ta nafariseo xíꞌin nasu̱tu̱ náꞌno no̱o̱ najudío xa siꞌna xa̱ꞌnda chiño na no̱o̱ ni̱vi, káchí na saá: ―Tá yóo ni̱vi na xíni̱ míkía̱ yóo ta̱Jesús, ta nayóꞌo xíni̱ ñóꞌó ndato̱ꞌon na xíꞌin nachiño náꞌno ña kuchiño tiin na ra ―káchí nanáꞌno yóꞌo, xa̱ꞌnda chiño na.

San Juan 11:47

Ta nafariseo xíꞌin nasu̱tu̱ náꞌno no̱o̱ najudío ka̱na na ni̱vi na kúu nachiño náꞌno, na na̱ní Junta Suprema, ta na̱kutáꞌan na. Ta saá ki̱xaa̱ na, ta káꞌa̱n na xíꞌin táꞌan na, káchí na saá: ―¿Yukía̱ keꞌé yó vitin? Chi ta̱Jesús yóꞌo kéꞌé ra kua̱ꞌa̱ ní milagro.

San Juan 7:48

Chi nda̱ ñii nanáꞌno ñoo yóꞌo, ta nda̱ ñii mi̱i ndi̱ nafariseo o̱n vása kándixa ndi̱ ra.

San Juan 7:32

Ta nafariseo xi̱ni̱ so̱ꞌo na ña nda̱to̱ꞌon ni̱vi xa̱ꞌa̱ ta̱Jesús. Ta saá nafariseo yóꞌo xíꞌin nanáꞌno no̱o̱ nasu̱tu̱ ti̱ꞌví na napolicía na ndáa veꞌe ño̱ꞌo káꞌno ña ko̱ꞌo̱n na tiin na ta̱Jesús.

San Lucas 16:14

Tá xi̱ni̱ so̱ꞌo nafariseo to̱ꞌon yóꞌo, ta ni̱xaku̱ ndaa na ta̱Jesús, chi kútoo ní na si̱ꞌún.

San Lucas 11:39

Ta ta̱Jesús ni̱ka̱ꞌa̱n ra xíꞌin ra: ―Ndóꞌó nafariseo nákata ndó sa̱ta̱ vaso xíꞌin sa̱ta̱ ko̱ꞌo̱. Ta ini mi̱i ndó chútú ní ñakuíꞌná xíꞌin ña o̱n váꞌa.

San Lucas 7:30

Ta nafariseo xíꞌin inka̱ namaestro na xíni̱ va̱ꞌa nda̱yí Ndios ña ni̱taa ta̱Moisés, ni̱‑xiin na nakiꞌin na ñava̱ꞌa ña chi̱tóni̱ Ndios xa̱ꞌa̱ na, chi ni̱‑xiin na taxi na sakuchu ta̱Juan na.

San Lucas 6:7

Ta ndóo sava nafariseo xíꞌin na sánáꞌa nda̱yí Ndios, nándukú na ndasaá chikaa̱ na kua̱chi sa̱ta̱ ta̱Jesús. Ta xíto naní na yukía̱ keꞌé ta̱Jesús, án sandaꞌa ra ta̱yóꞌo, chi ki̱vi̱ yi̱i̱ ña nákindée na kúu ña.

San Lucas 5:30

Ta nafariseo xíꞌin na sánáꞌa nda̱yí Ndios, xi̱ni na yu kúu ni̱vi ndóo xíxi xíꞌin ta̱Jesús. Ta saá ni̱ka̱ꞌa̱n na xíꞌin naxíka xíꞌin ta̱Jesús siꞌa: ―O̱n vása va̱ꞌa ñayóꞌo. ¿Nda̱chun xíxi ndó xíꞌin ni̱vi na káya si̱ꞌún xa̱ꞌa̱ nagobierno, xíꞌin inka̱ na kánóo to̱ꞌon ña o̱n váꞌa xa̱ꞌa̱? ―káchí na.

San Marcos 8:15

Ta ni̱ka̱ꞌa̱n ta̱Jesús xíꞌin na: ―Koto va̱ꞌa ndó, o̱n nakiꞌin ndó levadura nafariseo, xíꞌin levadura ta̱Herodes ―káchí ra.

San Marcos 8:11

Ta nafariseo ki̱xaa̱ na no̱o̱ ta̱Jesús. Ta káꞌa̱n na to̱ꞌon kuáchí xíꞌin ra ña kóni na koto ndoso na ra, káchí na saá: ―Keꞌé ún ñii milagro ña kunda̱a̱ ini ndi̱ tá ndixa Ndios ti̱ꞌví yóꞌó.

San Mateo 22:35

Ñii ta̱fariseo yóꞌo kúu ñii ta̱a ta̱ xíni̱ va̱ꞌa nda̱yí ña ni̱taa ta̱Moisés, ta ni̱nda̱ka̱ to̱ꞌon ra ña koto ndoso ra ta̱Jesús, káchí ra saá:

San Mateo 19:3

Ta sava nafariseo ki̱xaa̱ na no̱o̱ ra ña koto ndoso ñaꞌá na, ta ni̱ka̱ꞌa̱n na xíꞌin ra: ―¿Án yóo yichi̱ ñii ta̱a sandakoo va̱ꞌa ra ñásíꞌí ra xa̱ꞌa̱ ña káchí ini mi̱i ra?

San Mateo 16:1

Ta nafariseo xíꞌin nasaduceo ki̱xaa̱ na no̱o̱ ta̱Jesús. Ta kóni koto ndoso na ra, káchí na saá xíꞌin ra: ―Keꞌé ún ñii milagro ña kunda̱a̱ ini ndi̱, tá ndixa Ndios ti̱ꞌví yóꞌó.

San Mateo 15:12

Ta naxíka xíꞌin ra ki̱xaa̱ na no̱o̱ ra, ta ni̱nda̱ka̱ to̱ꞌon na ra: ―¿Án xíni̱ ún ña ni̱saa̱ ní nafariseo ña xíni̱ so̱ꞌo na to̱ꞌon ña ni̱ka̱ꞌa̱n ún xíꞌin na?

San Mateo 9:34

Ta nafariseo na xi̱ni yukía̱ ni̱ndoꞌo ta̱ñíꞌí, káchí na saá: ―Ta̱yóꞌo táva ra níma̱ ndiva̱ꞌa xíꞌin ndee̱ ñandiva̱ꞌa káꞌno ña ndíso chiño xíꞌin ndiꞌi ñandiva̱ꞌa ―káchí na.

San Marcos 10:1

Ta ta̱Jesús ke̱e ra ñoo Capernaum ta kua̱ꞌa̱n ra estado Judea ta ni̱xaa̱ ra inka̱ táꞌví yuꞌu̱ yu̱ta Jordán. Tuku na̱kutáꞌan kua̱ꞌa̱ ní ni̱vi no̱o̱ ra, ta nda̱tán yóo chiño kéꞌé ra ndiꞌi saá ki̱vi̱, tuku sánáꞌa ra ni̱vi.

San Marcos 10:3

Ta nda̱kuii̱n ta̱Jesús, káchí ra saá: ―¿Yukía̱ káꞌa̱n nda̱yí Ndios ña ni̱taa ta̱Moisés xi̱na̱ꞌá?