San Lucas 9:33 - Alacatlatzala Mixtec New Testament

³³ Tá xa yatin ko̱ꞌo̱n na o̱vi̱ yóꞌo, ta ni̱ka̱ꞌa̱n ta̱Pedro xíꞌin ta̱Jesús: ―Tata Maestro, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías. Ni̱ka̱ꞌa̱n ta̱Pedro saá chi o̱n vása kúnda̱a̱ ini ra yukía̱ káꞌa̱n ra.

San Lucas 9:33 הפניות הצלבה

2 Corintios 4:6

Kui̱ya̱ xi̱na̱ꞌá ní Ndios xa̱ꞌnda chiño ra, ka̱chí ra saá: “No̱o̱ naa ní, ná koo ña yéꞌe”, saá ka̱chí ra. Ta vitin mi̱i Ndios yóꞌo kúu ta̱a ta̱ sánayeꞌe níma̱ yó, ta ña yéꞌe yóꞌo táxi ña xíni yó ndee̱ káꞌno ña livi yéꞌe ña káku no̱o̱ Ndios. Saá chi xíni yó Jesucristo, ta̱a ta̱ kómí mi̱i ndee̱ káꞌno ña livi yéꞌe Ndios.

San Juan 14:8

Ta inka̱ ta̱xíka xíꞌin ta̱Jesús, na̱ní ra Felipe, ni̱ka̱ꞌa̱n ra, káchí ra saá: ―Tata, sanáꞌa ún ndi̱ꞌi̱ ndasaá kuchiño koni ndi̱ Yivá yó Ndios, ta ñayóꞌo kuiti kúu ndiꞌi ña xíni̱ ñóꞌó ndi̱.

San Lucas 5:5

Ta nda̱kuii̱n ta̱Simón, káchí ra saá: ―Tata Maestro, xa ni̱kisa chiño ndi̱ niño ñoó, ta nda̱ ñii tia̱ká o̱n vása ní‑tava ndi̱. Ta vitin tuku sakana niꞌni ndi̱ ñono̱, chi saá xa̱ꞌnda chiño ún no̱o̱ ndi̱.

San Marcos 10:38

Ta ni̱ka̱ꞌa̱n ta̱Jesús xíꞌin na: ―O̱n vása kúnda̱a̱ ini ndó yukía̱ ndúkú ndó no̱o̱ i̱ xa̱ꞌa̱ mi̱i ndó. ¿Án ndixa kúndeé ndó xo̱ꞌvi̱ ní ndó nda̱tán xo̱ꞌvi̱ yi̱ꞌi̱?

San Mateo 17:14

Ta ki̱xaa̱ ta̱Jesús xíꞌin naxíka xíꞌin ra no̱o̱ nákutáꞌan kua̱ꞌa̱ ní ni̱vi, ta ñii ta̱a ki̱xaa̱ yatin ra no̱o̱ ta̱Jesús, ta xi̱kuxítí ra no̱o̱ ra.

San Mateo 17:4

Ta ni̱ka̱ꞌa̱n ta̱Pedro xíꞌin ta̱Jesús: ―Tata, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías ―káchí ta̱Pedro xíꞌin ra.

San Lucas 9:34

Tá káꞌa̱n ka̱ ta̱Pedro, ta no̱o ñii vi̱ko̱ chée nda̱ no̱o̱ ñíndichi ra xíꞌin nata̱a yóꞌo, ta ni̱saꞌvi ndiꞌi na ti̱xin vi̱ko̱, ta ni̱yi̱ꞌví ní na.

San Lucas 9:49

Ta ni̱ka̱ꞌa̱n ta̱Juan xíꞌin ta̱Jesús: ―Tata Maestro, xi̱ni ndi̱ ñii ta̱a táva ra níma̱ ndiva̱ꞌa. Xáꞌnda chiño ra no̱o̱ níma̱ ndiva̱ꞌa xíꞌin nda̱yí ún, káchí ra. Ta ni̱ka̱ꞌa̱n ndi̱ xíꞌin ra sandakoo ra ña kéꞌé ra saá, chi o̱n si̱ví ta̱ ndíko̱n sa̱ta̱ ún xíꞌin ndi̱ kúu ra ―káchí ra xíꞌin ta̱Jesús.