San Lucas 7:45 - Alacatlatzala Mixtec New Testament

⁴⁵ ta o̱n vása ní‑chindeé ún yi̱ꞌi̱ xíꞌin ña chíto ún no̱o̱ i̱. Ta ñáyóꞌo chíto ñá xa̱ꞌa̱ i̱, nda̱ ni̱ki̱ꞌvi i̱ veꞌe ún ta̱nda̱ vitin o̱n vása sándakoo ñá chíto ñá xa̱ꞌa̱ i̱.

San Lucas 7:45 הפניות הצלבה

Romanos 16:16

Ta ndiꞌi ndóꞌó, nañani yó xíꞌin náki̱ꞌva̱ yó, chindeé táꞌan ndó ta xíꞌin ñato̱ꞌó ní ini ndó chi̱to ndó no̱o̱ táꞌan ndó. Ndiꞌi ni̱vi na kándixa Jesucristo ta nákutáꞌan na kua̱ꞌa̱ ní ñoo, nayóꞌo tíꞌví na to̱ꞌon ña chindeé na ndóꞌó.

1 Tesalonicenses 5:26

Ta xíꞌin ñato̱ꞌó ní ini ndó, chi̱to ndó no̱o̱ táꞌan ndó, saá chindeé táꞌan ndó.

1 Corintios 16:20

Ndiꞌi nañani yó xíꞌin náki̱ꞌva̱ yó na táku̱ ñoo yóꞌo tíꞌví na to̱ꞌon ña chindeé na ndóꞌó. Ta va̱ꞌa ndiꞌi ndóꞌó chindeé táꞌan ndó, ta xíꞌin ñato̱ꞌó ní ini ndó chi̱to ndó no̱o̱ táꞌan ndó.

San Mateo 26:48

Ta ta̱Judas xa siꞌna ni̱ka̱ꞌa̱n ra xíꞌin na ndasaá nakoni na ta̱Jesús, káchí ra siꞌa: ―Ta̱a ta̱ chindeé i̱ xíꞌin ña chi̱to i̱ no̱o̱ kúu ta̱Jesús. Ta tiin ndó ra ―káchí ra xíꞌin na.

Efesios 6:4

Ta ndóꞌó na kúu yivá siꞌí, o̱n keꞌé ndó ni o̱n ka̱ꞌa̱n ndó ña kúu ña sasaa̱ ini sa̱ꞌya ndó. Nda̱ víka̱, vivíi sakuaꞌno ndó sa̱ꞌya ndó, sanáꞌa ndó na ñanda̱a̱, nasita ndó na no̱o̱ ña o̱n váꞌa, ta ndato̱ꞌon ndó xíꞌin na ndasaá xíni̱ ñóꞌó kundiko̱n na yichi̱ Jesucristo.