San Lucas 5:27 - Alacatlatzala Mixtec New Testament

²⁷ Ta saá ta̱Jesús ke̱e ra kua̱ꞌa̱n ra, ta xi̱ni ra ñii ta̱a na̱ní ra Leví, yóo ra kísa chiño ra no̱o̱ káya ra si̱ꞌún xa̱ꞌa̱ nagobierno ñoo Roma. Ta ni̱ka̱ꞌa̱n ta̱Jesús xíꞌin ta̱Leví, káchí ra saá: ―Naꞌa kundiko̱n ún sa̱ta̱ i̱ ―káchí ra xíꞌin ra.

San Lucas 5:27 הפניות הצלבה

San Marcos 3:18

inka̱ ra na̱ní Andrés; inka̱ ra na̱ní Felipe; inka̱ ra na̱ní Bartolomé; inka̱ ra na̱ní Mateo; inka̱ ra na̱ní Tomás; inka̱ ra na̱ní Jacobo, sa̱ꞌya ta̱Alfeo; inka̱ ra na̱ní Tadeo; inka̱ ra na̱ní Simón ta̱ kúu ta̱ ndíko̱n partido na̱ní ña cananeo;

San Mateo 10:3

inka̱ ra na̱ní Felipe; inka̱ ra na̱ní Bartolomé; inka̱ ra na̱ní Tomás; inka̱ ra na̱ní Mateo, ta̱yóꞌo xi̱kuu ta̱ na̱kaya si̱ꞌún xa̱ꞌa̱ nagobierno; inka̱ ra na̱ní Jacobo, sa̱ꞌya ta̱Alfeo kúu ra; inka̱ ra na̱ní Lebeo ta inka̱ ki̱vi̱ ra kúu Tadeo;

San Juan 1:43

Ta ni̱ti̱vi inka̱ ki̱vi̱, ta xáni si̱ni̱ ta̱Jesús ko̱ꞌo̱n ra ñoo estado Galilea. Ta ke̱e ra kua̱ꞌa̱n ra, ta ni̱xaa̱ ra ñoo yóꞌo, ta na̱níꞌi ra ta̱Felipe. Ta ni̱ka̱ꞌa̱n ra xíꞌin ra, káchí ra saá: ―Naꞌa, kundiko̱n ún sa̱ta̱ i̱ ―káchí ta̱Jesús xíꞌin ta̱Felipe.

San Juan 12:26

Ndiꞌi ni̱vi na kóni kasa chiño no̱o̱ i̱, xíni̱ ñóꞌó kundiko̱n na yichi̱ i̱, ta saá nda̱tán yóo ña kéꞌé i̱, saá keꞌé na. Ta Yivá i̱ Ndios kasa to̱ꞌó ra ndiꞌi ni̱vi na kúu na kísa chiño no̱o̱ i̱.

San Lucas 18:22

Tá xi̱ni̱ so̱ꞌo ta̱Jesús ña nda̱kuii̱n ra, ta ni̱ka̱ꞌa̱n tuku ra xíꞌin ra: ―Kúma̱ni̱ inka̱ chiño kasa ndivi ún. Kua̱ꞌa̱n ún si̱kó ún ndiꞌi ñakuíká kómí ún, ta saníꞌi ún si̱ꞌún ndaꞌa̱ ni̱vi nandáꞌví. Ta saá kukomí ún ñakuíká ndinoꞌo xíꞌin Ndios ñoyívi ni̱no. Tá ndi̱ꞌi ke̱ꞌé ún ñava̱ꞌa yóꞌo, ta kixi ún kundiko̱n ún yi̱ꞌi̱ ―káchí ta̱Jesús xíꞌin ra.

San Mateo 16:24

Ta ni̱ka̱ꞌa̱n ta̱Jesús xíꞌin naxíka xíꞌin ra: ―Ndiꞌi ni̱vi na kóni kundiko̱n yi̱ꞌi̱ xíni̱ ñóꞌó sandakoo na ndiꞌi ña káchí ini mi̱i na, ta kuso̱kó na tón cruz mi̱i na ta kundiko̱n na sa̱ta̱ i̱.

San Mateo 8:22

Ta ni̱ka̱ꞌa̱n ta̱Jesús xíꞌin ra, káchí ra saá: ―Ni̱vi na o̱n vása ndinoꞌo táku̱ no̱o̱ Ndios, va̱ꞌa sandúxu̱n na natáꞌan na nandi̱í. Ta yóꞌó, xíni̱ ñóꞌó kundiko̱n ún yi̱ꞌi̱ ―káchí ta̱Jesús xíꞌin ra.