San Lucas 23:8 - Alacatlatzala Mixtec New Testament

⁸ Ta ta̱Herodes kúsii̱ ní ini ra ña xíni ra ta̱Jesús, chi xa naꞌá ní kóni ní ra koni ra ta̱Jesús. Saá chi xa xi̱ni̱ so̱ꞌo ta̱Herodes kua̱ꞌa̱ ní to̱ꞌon ña káꞌa̱n ni̱vi xa̱ꞌa̱ ta̱Jesús, ta kóni ra ta̱Jesús keꞌé ra ñii milagro ñava̱ꞌa no̱o̱ ra.

San Lucas 23:8 הפניות הצלבה

San Marcos 6:14

Ta ta̱rey Herodes xi̱ni̱ so̱ꞌo ra ña kánóo va̱ꞌa to̱ꞌon xa̱ꞌa̱ ta̱Jesús xa̱ꞌa̱ ndiꞌi ñava̱ꞌa ña ke̱ꞌé ra. Ta ni̱ka̱ꞌa̱n ra saá: ―Ta̱yóꞌo kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra, ña̱kán kómí ra ndee̱ kéꞌé ra ndiꞌi milagro yóꞌo vitin ―káchí ra.

San Mateo 14:1

Ta ki̱vi̱ yóꞌo ta̱rey Herodes, ta̱ xáꞌnda chiño no̱o̱ nañoo estado Galilea, xi̱ni̱ so̱ꞌo ra ndiꞌi ñava̱ꞌa ña ke̱ꞌé ta̱Jesús,

Hechos 8:19

Ta xa̱ꞌa̱ ñayóꞌo, ni̱ka̱ꞌa̱n ta̱Simón xíꞌin naapóstol, káchí ra saá: ―Vitin níꞌi i̱ si̱ꞌún ña chaꞌvi i̱ ndóꞌó, tá taxi ndó ndee̱ ndaꞌa̱ i̱ ña ñii ki̱ꞌva saá chiso i̱ ndaꞌa̱ i̱ si̱ni̱ ni̱vi ta saá ni̱vi yóꞌo nakiꞌin na Níma̱ Ndios ―káchí ra xíꞌin naapóstol.

San Lucas 4:23

Ta saá ni̱ka̱ꞌa̱n ta̱Jesús xíꞌin na: ―Kúnda̱a̱ ini i̱ ndí kóni ndó ka̱ꞌa̱n ndó xíꞌin i̱: “Ndotor, kasa ta̱ta̱n xíꞌin mi̱i ún.” Saá chi xi̱ni̱ so̱ꞌo ndó xa̱ꞌa̱ ñava̱ꞌa ke̱ꞌé i̱ ñoo Capernaum, ta vitin kóni ndó ña ñii ki̱ꞌva saá keꞌé i̱ ñava̱ꞌa ñoo i̱ yóꞌo ―káchí ra xíꞌin na.

San Marcos 8:34

Ta saá ka̱na ta̱Jesús ndiꞌi ni̱vi va̱xi na no̱o̱ ra, ta ka̱na ra naxíka xíꞌin ra, ta ni̱ka̱ꞌa̱n ra xíꞌin na: ―Ndiꞌi ni̱vi na kóni kundiko̱n yi̱ꞌi̱ xíni̱ ñóꞌó sandakoo na ndiꞌi ña káchí ini mi̱i na, ta kuso̱kó na tón cruz mi̱i na ta kundiko̱n na sa̱ta̱ i̱.