San Lucas 23:6 - Alacatlatzala Mixtec New Testament

⁶ Tá xi̱ni̱ so̱ꞌo ta̱Pilato ñayóꞌo, ta ni̱nda̱ka̱ to̱ꞌon ra na, ni̱ka̱ꞌa̱n ra saá: ―¿Án ta̱ñoo estado Galilea kúu ta̱yóꞌo? ―káchí ra.

San Lucas 23:6 הפניות הצלבה

Hechos 5:37

Ta saá ni̱yaꞌa loꞌo kui̱ya̱, ta saá ni̱to̱nda̱a kui̱ya̱ ña nda̱níꞌi na censo, ta ni̱xi̱yo inka̱ ta̱a xi̱naní ra Judas. Ta̱yóꞌo ke̱e ra ñoo estado Galilea, ta xi̱kuu ra ñii ta̱káꞌno, ta kua̱ꞌa̱ ní ni̱vi xi̱ndiko̱n na sa̱ta̱ ra. Ta saá ki̱xaa̱ ñii ki̱vi̱, ta xa̱ꞌni na ta̱Judas yóꞌo, ta saá tuku ndiꞌi nata̱a na xi̱ndiko̱n sa̱ta̱ ra, ni̱xi̱ta̱ níꞌnó ndiꞌi na.

San Lucas 13:1

Mi̱i ki̱vi̱ yóꞌo, sava ni̱vi ke̱e na kua̱ꞌa̱n na, ta ni̱xaa̱ na no̱o̱ ta̱Jesús. Ta saá ki̱xáꞌá na káꞌa̱n na xíꞌin ra: ―Sava na estado Galilea na ñóꞌo yéꞌé veꞌe ño̱ꞌo káꞌno ña nákaa̱ ñoo Jerusalén, xa̱ꞌni na kiti̱ tí sóko̱ na ndaꞌa̱ Ndios. Ta ta̱gobernador Pilato xa̱ꞌnda chiño ra no̱o̱ natropa kaꞌni na ndiꞌi ni̱vi yóꞌo. Ta saá ni̱i̱ ni̱vi na ni̱xiꞌi̱ yóꞌo xíꞌin ni̱i̱ kiti̱ tí xa̱ꞌni na na̱sa̱ka̱ ña ―káchí na xíꞌin ta̱Jesús.

San Mateo 26:69

Ta yóo ta̱Pedro ke̱ꞌe veꞌe ta̱káꞌno no̱o̱ nasu̱tu̱, ta ki̱xaa̱ ñii ñaꞌa̱ ñá kísa chiño no̱o̱ naveꞌe yóꞌo, ta ni̱ka̱ꞌa̱n ñá xíꞌin ta̱Pedro, káchí ñá saá: ―Saá tuku yóꞌó kúu ún ñii ta̱ ni̱xika xíꞌin ta̱Jesús, ta̱ ki̱xi estado Galilea ―káchí ñá.

San Lucas 23:5

Ta tuku tuku ndeé ka̱ ni̱ka̱ꞌa̱n na xíꞌin ta̱Pilato saá: ―Xíꞌin to̱ꞌon ña sánáꞌa ta̱yóꞌo sásaa̱ ra ni̱vi ndiꞌi saá ñoo estado Judea ña kani táꞌan na xíꞌin nagobierno. Ki̱xáꞌá ra ñoo estado Galilea sásaa̱ ra ni̱vi, ta̱nda̱ ñoo Jerusalén yóꞌo sásaa̱ ra ni̱vi xíꞌin to̱ꞌon ña o̱n váꞌa káꞌa̱n ra.

San Lucas 23:7

Tá ku̱nda̱a̱ ini ta̱Pilato ndí ta̱Jesús kúu ñii ta̱a ta̱ñoo estado Galilea, ta ni̱ka̱ꞌa̱n ra: ―Ta ta̱rey Herodes kúu ta̱ ndíso chiño kasa nani kua̱chi yóꞌo ―káchí ta̱Pilato. Ta saá ti̱ꞌví ta̱Pilato ta̱Jesús kua̱ꞌa̱n ra no̱o̱ ta̱Herodes, chi ta̱Herodes yóo ra ñoo Jerusalén ki̱vi̱ yóꞌo.