San Lucas 15:18 - Alacatlatzala Mixtec New Testament

¹⁸ Ta vitin ndikó i̱ noꞌo̱ i̱ no̱o̱ yivá i̱, ta ka̱ꞌa̱n i̱ xíꞌin ra siꞌa: Tata, ni̱ki̱ꞌvi i̱ kua̱chi no̱o̱ Ndios ta ni̱ki̱ꞌvi i̱ kua̱chi no̱o̱ mi̱i ún.

San Lucas 15:18 הפניות הצלבה

San Lucas 15:21

Ta saá ki̱xáꞌá sa̱ꞌya ra káꞌa̱n ra xíꞌin yivá ra: “Tata, ni̱ki̱ꞌvi i̱ kua̱chi no̱o̱ Ndios, ta ni̱ki̱ꞌvi i̱ kua̱chi no̱o̱ mi̱i ún. Ña̱kán o̱n vása kómí ka̱ i̱ nda̱yí kuu i̱ sa̱ꞌya ún”, káchí ra xíꞌin yivá ra.

San Lucas 18:13

Ta inka̱ ta̱a ta̱ káya si̱ꞌún xa̱ꞌa̱ nagobierno ñíndichi ra xíká loꞌo. Ta ki̱sa ni̱no̱ xíꞌin mi̱i ra no̱o̱ Ndios, ta ni o̱n xi̱in ra koto ra ñoyívi ni̱no, ta kuiti xíto ra no̱o̱ ñoꞌo̱. Ta kúchuchú ní ini ra nda̱ káni ra kándíká ra, ta ni̱ka̱ꞌa̱n ra xíꞌin Ndios siꞌa: “Tata Ndios, kundáꞌví ini ún koni ún yi̱ꞌi̱, vará ta̱ o̱n váꞌa kúu i̱”, káchí ra.

San Mateo 6:14

Ta káchí ka̱ ra saá xíꞌin na: ―Tá kasa káꞌno ini ndó xa̱ꞌa̱ ni̱vi na kéꞌé ñandiva̱ꞌa xíꞌin ndó, ta saá Yivá yó Ndios, ta̱ yóo ñoyívi ni̱no, kasa káꞌno ini ra xa̱ꞌa̱ ndó.

San Mateo 6:9

Ta tuku káchí ra saá: ―Tá káꞌa̱n ndó xíꞌin Ndios, saá kachí ndó: Tata Yivá yó, ta̱ yóo ñoyívi ni̱no, ná kanóo síkón ní ñato̱ꞌó ún.

San Mateo 3:6

Ta saá xi̱ni̱ so̱ꞌo na, ta ki̱xáꞌá na náꞌma na xa̱ꞌa̱ kua̱chi na. Ta ta̱Juan sa̱kuchu ra nayóꞌo yu̱ta Jordán.

San Mateo 7:11

Vará ndóꞌó kúu ndó ni̱vi na o̱n váꞌa, ta saá ni, táxi ndó ñava̱ꞌa ndaꞌa̱ sa̱ꞌya ndó. Ta Yivá yó Ndios, ta̱ yóo ñoyívi ni̱no, kúu ra ta̱ va̱ꞌa ní ka̱ no̱o̱ ni̱vi, ta ndixa taxi ra ñava̱ꞌa ndaꞌa̱ ndiꞌi ni̱vi na ndukú ña no̱o̱ ra.

San Lucas 11:2

Ta nda̱kuii̱n ta̱Jesús, ni̱ka̱ꞌa̱n ra: ―Tá káꞌa̱n ndó xíꞌin Ndios, saá kachí ndó: Tata Yivá yó, ta̱ yóo ñoyívi ni̱no, ná kanóo síkón ní ñato̱ꞌó ún. Ná kama kixaa̱ ki̱vi̱ kaꞌnda chiño ún no̱o̱ ndiꞌi ni̱vi. Nda̱tán yóo ñoyívi ni̱no kísa ndivi ndiꞌi na ña kóni ún, ñii ki̱ꞌva saá ñoyívi yóꞌo ná kasa ndivi ndiꞌi ni̱vi ña kóni ún.

San Lucas 15:17

Ta saá ki̱xaa̱ ñii ki̱vi̱ na̱kiꞌin si̱ni̱ ra ñava̱ꞌa, ta xáni ini ra saá: “Ndiꞌi namozo veꞌe yivá i̱ xíxi va̱ꞌa na, ta yi̱ꞌi̱, o̱n ko̱ó ña kuxu i̱, xa yatin yóo ña kivi̱ i̱ xíꞌin so̱ko.

San Lucas 15:19

Ña̱kán o̱n vása kómí ka̱ i̱ nda̱yí kuu i̱ sa̱ꞌya ún, ta va̱ꞌa ñii ki̱ꞌva tá kéꞌé ún xíꞌin namozo ún, saá keꞌé ún xíꞌin i̱ vitin”, xáni ini ta̱loꞌo yóꞌo.