San Lucas 13:2 - Alacatlatzala Mixtec New Testament

² Ta nda̱kuii̱n ta̱Jesús, káꞌa̱n ra xíꞌin na: ―¿Án xáni ini ndó ni̱vi na estado Galilea yóꞌo xi̱kuu ni̱vi na o̱n váꞌa ní ka̱ no̱o̱ inka̱ ni̱vi, ña̱kán ni̱xiꞌi̱ na saá?

San Lucas 13:2 הפניות הצלבה

San Juan 9:2

Ta naxíka xíꞌin ta̱Jesús ni̱nda̱ka̱ to̱ꞌon na ra, káchí na saá: ―Tata Rabí, ¿yukú na ndíso kua̱chi, xa̱ꞌa̱ ña ka̱ku ta̱yóꞌo kuáá nduchu̱ no̱o̱ ra? ¿Án yivá ra xíꞌin siꞌí ra, án mi̱i ra ndíso kua̱chi xa̱ꞌa̱ ña ka̱ku kuáá ra?

Hechos 28:4

Tá xi̱ni ni̱vi ña ti̱in tíko̱o̱ xati̱ yóꞌo ndaꞌa̱ ta̱Pablo, ta ni̱ka̱ꞌa̱n xíꞌin táꞌan na, káchí na saá: ―Ndixa ta̱yóꞌo kúu ra ñii ta̱a ta̱ o̱n váꞌa ta̱ xa̱ꞌni ni̱vi, ta xa̱ꞌa̱ ñayóꞌo ndios ña kísa to̱ꞌó yó ña na̱ní “ñanda̱a̱” o̱n taxi ka̱ ña kutaku̱ ta̱yóꞌo. Vará ku̱chiño ra ni̱ka̱ku ra no̱o̱ takuií mi̱ni, ta vitin ndios mi̱i yó yóꞌo chi̱tóni̱ ña kivi̱ ra ―káchí na, káꞌa̱n na xíꞌin táꞌan na.

San Lucas 13:4

¿Yukía̱ xáni si̱ni̱ ndó xa̱ꞌa̱ xa̱ꞌo̱n u̱ni̱ ni̱vi na ni̱xiꞌi̱ chi na̱kava torre ñoo Siloé sa̱ta̱ na? ¿Án xáni ini ndó na ni̱xiꞌi̱ yóꞌo xi̱kuu na ni̱vi o̱n váꞌa ní ka̱ no̱o̱ inka̱ nañoo Jerusalén?

San Lucas 13:1

Mi̱i ki̱vi̱ yóꞌo, sava ni̱vi ke̱e na kua̱ꞌa̱n na, ta ni̱xaa̱ na no̱o̱ ta̱Jesús. Ta saá ki̱xáꞌá na káꞌa̱n na xíꞌin ra: ―Sava na estado Galilea na ñóꞌo yéꞌé veꞌe ño̱ꞌo káꞌno ña nákaa̱ ñoo Jerusalén, xa̱ꞌni na kiti̱ tí sóko̱ na ndaꞌa̱ Ndios. Ta ta̱gobernador Pilato xa̱ꞌnda chiño ra no̱o̱ natropa kaꞌni na ndiꞌi ni̱vi yóꞌo. Ta saá ni̱i̱ ni̱vi na ni̱xiꞌi̱ yóꞌo xíꞌin ni̱i̱ kiti̱ tí xa̱ꞌni na na̱sa̱ka̱ ña ―káchí na xíꞌin ta̱Jesús.

San Lucas 13:3

Óꞌon, o̱n si̱ví na o̱n váꞌa ní ka̱ ni̱‑xikuu na no̱o̱ inka̱ ni̱vi. Ta mi̱i ndó, tá o̱n xi̱in ndó nandikó ini ndó ta sandakoo ndó ña o̱n váꞌa kéꞌé ndó, ta saá tuku ndiꞌi xa̱ꞌa̱ ndóꞌó.