San Lucas 13:18 - Alacatlatzala Mixtec New Testament

¹⁸ Ta ni̱ka̱ꞌa̱n ka̱ ta̱Jesús xíꞌin ni̱vi, káchí ra saá: ―¿Ndasaá yóo yichi̱ no̱o̱ xáꞌnda chiño Ndios? ¿Ndá cuento ndato̱ꞌon yó ña nandaxin yó xa̱ꞌa̱ ña?

San Lucas 13:18 הפניות הצלבה

San Lucas 17:21

Ña̱kán kía̱ nda̱ ñii ni̱vi o̱n kívi ka̱ꞌa̱n na: “Yóꞌo yóo ña”, ni o̱n kívi ka̱ꞌa̱n na: “Kaa̱ yóo ña.” Saá chi yichi̱ no̱o̱ xáꞌnda chiño Ndios xa ki̱xaa̱ ña, yóo ña ma̱ꞌñó ndó ―káchí ta̱Jesús xíꞌin nafariseo.

San Lucas 13:20

Saá tuku ni̱ka̱ꞌa̱n ra: ―¿Ndasaá yóo yichi̱ no̱o̱ xáꞌnda chiño Ndios? ¿Ndá cuento ndato̱ꞌon yó ña nandaxin yó xa̱ꞌa̱ ña?

San Marcos 4:26

Ta tuku ni̱ka̱ꞌa̱n ta̱Jesús xíꞌin ni̱vi: ―Nda̱tán ndóꞌo ndiki̱n ña xi̱ta níꞌnó ñii ta̱a ña chi̱ꞌi ra no̱o̱ ñoꞌo̱, saá yóo yichi̱ no̱o̱ xáꞌnda chiño Ndios.

San Mateo 13:24

Ta nda̱to̱ꞌon ta̱Jesús inka̱ cuento ña sanáꞌa ra ni̱vi, káchí ra saá: ―Nda̱tán yóo ñii ta̱a chíꞌi ra ndiki̱n trigo, saá yóo yichi̱ no̱o̱ xáꞌnda chiño Ndios.

San Lucas 7:31

Ta saá ki̱xáꞌá káꞌa̱n ta̱Jesús xíꞌin ni̱vi: ―¿Ndasaá yóo ni̱vi na ndóo ñoyívi yóꞌo vitin?