San Juan 9:4 - Alacatlatzala Mixtec New Testament

⁴ Vitin kúu ki̱vi̱ ndiví yéꞌe ño̱ꞌo, ta xíni̱ ñóꞌó yó kasa ndivi yó chiño Ndios, ta̱a ta̱ ti̱ꞌví yi̱ꞌi̱ kixaa̱ i̱. Saá chi va̱xi ña kuñoó, ta saá tá kixaa̱ ñanaa ní, ta nda̱ ñii ni̱vi o̱n kívi ka̱ kasa chiño na.

San Juan 9:4 הפניות הצלבה

San Juan 12:35

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Nda̱tán yóo ñoꞌo̱ ndinoꞌo yéꞌe, saá yóo i̱, ta saloꞌo kuiti ka̱ ki̱vi̱ yóo i̱ xíꞌin ndó. Xíni̱ ñóꞌó kundiko̱n ndó yichi̱ i̱ ña yéꞌe ndinoꞌo, ko̱to̱ ñii kama nakiꞌin yichi̱ ña naa ndóꞌó. Chi ni̱vi na xíka yichi̱ naa o̱n vása xíni̱ nayóꞌo míchí kua̱ꞌa̱n na.

Efesios 5:16

Saá chi vitin ki̱vi̱ táku̱ yó ñoyívi, yóo kua̱ꞌa̱ ní ni̱vi na kéꞌé ndiꞌi saá no̱o̱ ña o̱n váꞌa. Ta saá xíni̱ ñóꞌó ndukú ndó yichi̱ ndasaá keꞌé ndó ndiꞌi saá no̱o̱ ñava̱ꞌa.

San Juan 4:34

Ta nda̱kuii̱n ta̱Jesús, ni̱ka̱ꞌa̱n ra xíꞌin na, káchí ra saá: ―Ñaxíxi ndinoꞌo kúu ña kasa ndivi i̱ ta saxi̱no̱ i̱ ña kóni Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

Gálatas 6:10

Ta xa̱ꞌa̱ ñayóꞌo, ndiꞌi saá yichi̱ tá kuchiño keꞌé yó ñava̱ꞌa xíꞌin ni̱vi, ta saá va̱ꞌa ná keꞌé yó ña. Ta ña xíni̱ ñóꞌó ní ka̱ kúu ña keꞌé yó ñava̱ꞌa xíꞌin nañani yó ta xíꞌin náki̱ꞌva̱ yó na kándixa Jesucristo.

San Juan 17:4

’Ta vitin xa ki̱sa ndivi i̱ ndiꞌi chiño ña ta̱xi ún ndaꞌa̱ i̱, ta xa̱ꞌa̱ ñayóꞌo kua̱ꞌa̱ ní ni̱vi kasa káꞌno ní na yóꞌó.

Colosenses 4:5

Xíꞌin ñandíchí Ndios ña yóo si̱ni̱ ndó, vivíi kutaku̱ ndó xíꞌin ni̱vi na o̱n vása kándixa Jesucristo. Ta tá naníꞌi ndó yichi̱ ña ndato̱ꞌon ndó xíꞌin na, ta va̱ꞌa koni̱ ñóꞌó ndó yichi̱ yóꞌo, nda̱tán kóni Ndios.

San Juan 5:36

Ta yóo inka̱ ña ndákuii̱n xa̱ꞌa̱ i̱, ta ña káꞌno ka̱ ndáya̱ꞌví no̱o̱ to̱ꞌon ña ni̱ka̱ꞌa̱n ta̱Juan kúu ñayóꞌo. Saá chi chiño ña sa̱kuiso Ndios yi̱ꞌi̱ ña kasa ndivi i̱, chiño yóꞌo kúu ña ndákuii̱n xa̱ꞌa̱ i̱, chi chiño ña kísa ndivi i̱ sánáꞌa káxín ña no̱o̱ ndóꞌó ndí Yivá i̱ Ndios kúu ta̱a ta̱ ti̱ꞌví yi̱ꞌi̱ kasa ndivi i̱ ña kóni ra.

San Juan 10:32

Ta ta̱Jesús ni̱ka̱ꞌa̱n ra xíꞌin na: ―No̱o̱ ndóꞌó xa ke̱ꞌé i̱ kua̱ꞌa̱ ní milagro va̱ꞌa xíꞌin nda̱yí Yivá i̱. Ta vitin, ¿ndá ñava̱ꞌa ke̱ꞌé i̱ kúu ña kóni ndó kaꞌni ndó yi̱ꞌi̱ xa̱ꞌa̱? ―káchí ra xíꞌin na.

San Juan 10:37

Ta yi̱ꞌi̱, tá o̱n vása kéꞌé i̱ chiño va̱ꞌa, nda̱tán yóo ña kéꞌé Yivá i̱ Ndios, ta saá o̱n vása xíni̱ ñóꞌó kandixa ndó ndí to̱ꞌon nda̱a̱ káꞌa̱n i̱ xíꞌin ndó.

Hechos 4:20

Saá chi ndi̱ꞌi̱, o̱n kúchiño sandakoo ndi̱ káꞌa̱n ndi̱ xíꞌin ni̱vi xa̱ꞌa̱ ña xi̱ni ndi̱, ta xa̱ꞌa̱ ña xi̱ni̱ so̱ꞌo ndi̱ ―káchí na xíꞌin nachiño náꞌno yóꞌo.

San Juan 5:19

Ta ni̱ka̱ꞌa̱n ta̱Jesús xíꞌin na, káchí ra saá: ―Ña ndixa nda̱a̱ káꞌa̱n i̱ xíꞌin ndó ndí o̱n ko̱ó nda̱ ñii chiño kéꞌé i̱ xíꞌin nda̱yí mi̱i i̱, chi Yivá i̱ Ndios kúu ta̱a ta̱ táxi nda̱yí ndaꞌa̱ i̱ keꞌé i̱ ndiꞌi chiño, ta ndasaá kuiti kéꞌé i̱ chiño ña xíni i̱ kéꞌé Yivá i̱. Ta ñii ki̱ꞌva nda̱tán kéꞌé Yivá i̱, saá kéꞌé yi̱ꞌi̱, ta̱a ta̱ kúu Sa̱ꞌya ra.

San Juan 7:33

Ta ni̱ka̱ꞌa̱n ta̱Jesús xíꞌin ni̱vi: ―Ñii káni̱ loꞌo koo ka̱ i̱ xíꞌin ndó, ta saá ko̱ꞌo̱n i̱ ndikó i̱ no̱o̱ yóo ta̱a ta̱ ti̱ꞌví yi̱ꞌi̱ ki̱xaa̱ i̱.

San Mateo 20:7

Ta nda̱kuii̱n na: “Chi nda̱ ñii ni̱vi o̱n vása ní‑kaꞌa̱n xíꞌin ndi̱ kasa chiño ndi̱ xíꞌin na.” Ta saá ni̱ka̱ꞌa̱n ra xíꞌin na: “Ndóꞌó ko̱ꞌo̱n ndó kasa chiño ndó no̱o̱ ñoꞌo̱ i̱ no̱o̱ na̱taan i̱ tón uva, ta nakiꞌin ndó ña kúu yaꞌvi ndó.”

San Marcos 3:3

Ta ta̱Jesús ni̱ka̱ꞌa̱n ra xíꞌin ta̱a ta̱ yi̱chí ndaꞌa̱ siꞌa: ―Naꞌa kundichi ún ma̱ꞌñó no̱o̱ ndiꞌi ni̱vi yóꞌo.