San Juan 9:25 - Alacatlatzala Mixtec New Testament

²⁵ Ta nda̱kuii̱n ra, ni̱ka̱ꞌa̱n ra saá: ―O̱n vása loꞌo xíni̱ i̱ tá ta̱a ta̱ kéꞌé ña o̱n váꞌa kúu ra. Ta ñii la̱á ñandixa xíni̱ va̱ꞌa i̱ kúu ñayóꞌo: ta̱kuáá xi̱kuu i̱, ta vitin va̱ꞌa xíto i̱ ―káchí ra.

San Juan 9:25 הפניות הצלבה

1 Juan 5:10

Ta ndiꞌi ni̱vi na kándixa Jesucristo ta̱a ta̱ kúu Sa̱ꞌya Ndios, ta ini ñii ñii ni̱vi yóꞌo yóo to̱ꞌon ña ndákuii̱n xa̱ꞌa̱ ra. Ta ni̱vi na o̱n vása kándixa to̱ꞌon ña káꞌa̱n Ndios xa̱ꞌa̱ Jesucristo, ni̱vi yóꞌo kóni kachí na ndí Ndios kúu ta̱a ta̱ vatá, chi o̱n xi̱in na kandixa na ndí to̱ꞌon ña káꞌa̱n Ndios xa̱ꞌa̱ Sa̱ꞌya ra kúu ñanda̱a̱.

San Juan 9:30

Ta nda̱kuii̱n ra, ni̱ka̱ꞌa̱n ra xíꞌin na, káchí ra saá: ―Ndixa nákaꞌnda ini i̱ xíni̱ so̱ꞌo i̱ to̱ꞌon káꞌa̱n ndó, chi káꞌa̱n ndó o̱n vása xíni̱ ndó míchí ki̱xi ra, ta ta̱yóꞌo kúu ta̱a ta̱ sa̱ndaꞌa nduchu̱ no̱o̱ i̱.

San Juan 5:11

Ta nda̱kuii̱n ta̱a ta̱ ndu̱va̱ꞌa yóꞌo, ni̱ka̱ꞌa̱n ra xíꞌin na, káchí ra saá: ―Ta̱a ta̱ sa̱ndaꞌa yi̱ꞌi̱ ni̱ka̱ꞌa̱n ra xíꞌin i̱: “Ná kuiso ún xi̱to ún ta va̱ꞌa ko̱ꞌo̱n xáꞌá ún”, káchí ra xíꞌin i̱ ―saá káchí ra xíꞌin na.

San Juan 9:24

Ta saá tuku ka̱na nafariseo ta̱a ta̱ xi̱kuu ta̱kuáá, ta ni̱ka̱ꞌa̱n na xíꞌin ra: ―Va̱ꞌa kasa káꞌno ún Ndios xa̱ꞌa̱ ña va̱ꞌa xíto nduchu̱ no̱o̱ ún. Saá chi mi̱i ndi̱, xíni̱ ndi̱ ña ta̱Jesús yóꞌo kúu ta̱a ta̱ kéꞌé ña o̱n váꞌa ―káchí na xíꞌin ra.

San Juan 9:26

Ta tuku ni̱nda̱ka̱ to̱ꞌon na ra: ―¿Yukía̱ ke̱ꞌé ra xíꞌin ún? ¿Ndasaá yóo ña va̱ꞌa xíto nduchu̱ no̱o̱ ún vitin? ―káchí na.