San Juan 8:5 - Alacatlatzala Mixtec New Testament

⁵ Ta nda̱yí Ndios ña ni̱taa ta̱Moisés xi̱na̱ꞌá xáꞌnda chiño ña ndí xíni̱ ñóꞌó koon yó yu̱u̱ ndiꞌi náñaꞌa̱ ná kéꞌé saá, a̱nda̱ kivi̱ ná. Ta yóꞌó, ¿yukía̱ káchí ún xa̱ꞌa̱ ñayóꞌo? ―káchí na xíꞌin ra.

San Juan 8:5 הפניות הצלבה

San Mateo 5:17

Ta tuku káchí ta̱Jesús saá xíꞌin na: ―O̱n kani ini ndó ndí yi̱ꞌi̱ kóni i̱ sandiꞌi i̱ xa̱ꞌa̱ nda̱yí Ndios, ni o̱n kani ini ndó ndí yi̱ꞌi̱ kóni i̱ sandiꞌi i̱ xa̱ꞌa̱ to̱ꞌon Ndios ña ni̱taa naprofeta xi̱na̱ꞌá. O̱n si̱ví xa̱ꞌa̱ ñayóꞌo kúu ña ki̱xaa̱ i̱; yi̱ꞌi̱ va̱xi i̱ kasa ndivi i̱ to̱ꞌon ña ni̱ka̱ꞌa̱n Ndios.

San Mateo 1:19

Ta ta̱José, ta̱ kóni kuu yii̱ ñáMaría, ñii ta̱a va̱ꞌa ní ini kúu ra, ta ni̱‑xiin ra ndato̱ꞌon ra xíꞌin ni̱vi ña ñóꞌo sa̱ꞌya ñáMaría ta sakukaꞌan ra no̱o̱ ñá. Ta saá chi̱kaa̱ ini ra sandakoo seꞌé ra ñá, ña o̱n koni ndiꞌi ni̱vi ñayóꞌo.

San Juan 8:4

Ta saá nafariseo xíꞌin nata̱a na sánáꞌa nda̱yí ni̱ka̱ꞌa̱n na xíꞌin ta̱Jesús, káchí na saá: ―Tata maestro, na̱níꞌi ndi̱ ñáñaꞌa̱ yóꞌo táꞌan mi̱i kíꞌvi ñá kua̱chi xíꞌin ñii ta̱a ta̱ o̱n si̱ví yii̱ ñá kúu.