San Juan 6:9 - Alacatlatzala Mixtec New Testament

⁹ ―Ñii ta̱loꞌo yóꞌo níꞌi ra o̱ꞌo̱n si̱ta̱ va̱ꞌa ña ku̱va̱ꞌa xíꞌin cebada, ta níꞌi ra o̱vi̱ tia̱ká válí. Ta loꞌo ní kúu ña, ta o̱n kunani ña kuxu ndiꞌi ni̱vi ―káchí ta̱Andrés xíꞌin ta̱Jesús.

San Juan 6:9 הפניות הצלבה

San Lucas 9:13

Ta nda̱kuii̱n ta̱Jesús, ni̱ka̱ꞌa̱n ra xíꞌin naxíka xíꞌin ra: ―Mi̱i ndó taxi kuxu na ―káchí ra. Ta ni̱ka̱ꞌa̱n na saá: ―O̱n ko̱ó kua̱ꞌa̱ ñaxíxi. Yóo kuiti o̱ꞌo̱n si̱ta̱ va̱ꞌa ta o̱vi̱ kúu tia̱ká. ¿Án kóni ún ko̱ꞌo̱n ndi̱ ñoo sata ndi̱ ña kuxu ndiꞌi ni̱vi yóꞌo? ―káchí na xíꞌin ra.

San Marcos 6:38

Ta ni̱nda̱ka̱ to̱ꞌon ta̱Jesús na: ―¿Ndasaá si̱ta̱ va̱ꞌa kómí ndó? Kua̱ꞌa̱n ndó koto ndó ―káchí ra. Ta xi̱ni na ndasaá kúu ña yóo, ta ni̱ka̱ꞌa̱n na xíꞌin ra: ―O̱ꞌo̱n si̱ta̱ va̱ꞌa ta o̱vi̱ tia̱ká yóo.

San Mateo 14:17

Ta ni̱ka̱ꞌa̱n na saá: ―O̱n ko̱ó kua̱ꞌa̱ ñaxíxi. Yóo kuiti o̱ꞌo̱n si̱ta̱ va̱ꞌa ta o̱vi̱ kúu tia̱ká.

San Mateo 16:9

¿Án ta̱ꞌán kunda̱a̱ ini ndó? ¿Án na̱ndoso ndó ña ta̱ꞌví i̱ o̱ꞌo̱n si̱ta̱ va̱ꞌa xíxi na o̱ꞌo̱n mil ta̱a, ta ni̱ndo̱o kua̱ꞌa̱ ní ka̱ chikiva si̱ta̱ va̱ꞌa?

San Marcos 8:19

Tá ta̱ꞌví i̱ o̱ꞌo̱n si̱ta̱ va̱ꞌa ña xi̱xi o̱ꞌo̱n mil ni̱vi, ¿ndasaá chikiva sa̱kutú ndó si̱ta̱ va̱ꞌa ña ki̱ndo̱o ndoso na̱kiꞌin ndó? ―U̱xu̱ o̱vi̱ chikiva si̱ta̱ va̱ꞌa na̱kiꞌin ndi̱ ―káchí na, nda̱kuii̱n na.

2 Corintios 8:9

Xa xíni̱ ndó ndí Jesucristo kúu ra ta̱a ta̱ káꞌno ini, ta náꞌno ní ñava̱ꞌa ke̱ꞌé ra xíꞌin yó. Saá chi ta̱a ta̱ kómí ndiꞌi ñakuíká kúu ra, ta ki̱sa ndáꞌví xíꞌin mi̱i ra xa̱ꞌa̱ yó. Ta xa̱ꞌa̱ ña ki̱sa ndáꞌví xíꞌin mi̱i ra, vitin mi̱i yó ni̱vi na kándixa ra kómí yó ndiꞌi ñakuíká Ndios.

Apocalipsis 6:6

Ta saá xi̱ni̱ so̱ꞌo i̱ to̱ꞌon ña ni̱ka̱ꞌa̱n, ta ki̱xi to̱ꞌon yóꞌo ma̱ꞌñó ko̱mi̱ ñatáku̱ ña yóo yatin no̱o̱ yóo táyi̱ yi̱i̱ tón to̱ꞌó káꞌno. Ta ni̱ka̱ꞌa̱n ndoso ña no̱o̱ ni̱vi, ni̱ka̱ꞌa̱n ña, káchí ña saá: ―Xa nda̱a ní yaꞌvi trigo xíꞌin cebada vitin. Nda̱tán yóo yaꞌvi ña cháꞌvi na ñii ta̱a ta̱ ki̱sa chiño ñii ki̱vi̱, saá chaꞌvi ndó xa̱ꞌa̱ ñii kilo trigo án u̱ni̱ kilo cebada. Ta koto va̱ꞌa ndó, ta o̱n sati̱ví ndó ña aceite, ni o̱n sati̱ví ndó nduta̱ vino tíuva ―saá ni̱ka̱ꞌa̱n to̱ꞌon xi̱ni̱ so̱ꞌo i̱.

San Juan 11:32

Ta ni̱xaa̱ ñáMaría no̱o̱ yóo ta̱Jesús, ta xi̱kuxítí ñá xa̱ꞌa̱ ra, ta ni̱ka̱ꞌa̱n ñá xíꞌin ra, káchí ñá saá: ―Tata, tá ni̱xi̱yo ún xíꞌin ndi̱ yóꞌo, níkúu, ta o̱n kivi̱ ta̱ki̱ꞌva̱ i̱ ―káchí ñá.

San Juan 11:21

Ta ni̱xaa̱ ñáMarta no̱o̱ ta̱Jesús, ta ni̱ka̱ꞌa̱n ñá xíꞌin ra, káchí ñá saá: ―Tata, tá ni̱xi̱yo ún xíꞌin ndi̱ yóꞌo, níkúu, ta o̱n kivi̱ ta̱ki̱ꞌva̱ i̱.

San Juan 6:7

Ta nda̱kuii̱n ta̱Felipe, ni̱ka̱ꞌa̱n ra: ―Táná ko̱ꞌo̱n yó xíꞌin o̱vi̱ ciento si̱ꞌún denario, ta o̱n kunani si̱ꞌún yóꞌo ña sata yó vará nda̱ loꞌo ní ña kuxu ñii ñii ni̱vi, chi víꞌí ní ni̱vi kúu nayóꞌo ―káchí ta̱Felipe xíꞌin ta̱Jesús.

San Juan 6:11

Ta saá ki̱ꞌin ta̱Jesús o̱ꞌo̱n si̱ta̱ va̱ꞌa yóꞌo, ta ni̱ka̱ꞌa̱n ra xíꞌin Ndios, káchí ra saá: ―Tata Yivá yó Ndios, táxaꞌvi ún xa̱ꞌa̱ si̱ta̱ va̱ꞌa yóꞌo ―káchí ra. Ta saá ta̱xi ra ña ndaꞌa̱ naxíka xíꞌin ra, ña nataꞌví na ña kuxu ndiꞌi ni̱vi. Ta ñii káchí saá ke̱ꞌé ta̱Jesús xíꞌin o̱vi̱ tia̱ká válí, ta na̱ni rí xi̱xi ndiꞌi ni̱vi. Ta ndiꞌi ni̱vi yóꞌo xi̱xi na nda̱ ni̱xaa ini na.

San Juan 21:9

Tá ki̱xaa̱ na xíꞌin tón barco yuꞌu̱ takuií, ta no̱o na tón barco yóꞌo, ta xi̱ni na ñii ñoꞌo̱ xíxi̱ no̱o̱ kánóo ñii tia̱ká yátan rí, ta saá tuku xi̱ni na si̱ta̱ va̱ꞌa.

San Juan 21:10

Ta ni̱ka̱ꞌa̱n ta̱Jesús xíꞌin na, káchí ra saá: ―Taxi ndó loꞌo tia̱ká tí sa̱kán ta̱va ndó xíꞌin ñono̱ ña kuxu yó ―káchí ra xíꞌin na.

San Juan 21:13

Ta saá ta̱Jesús ti̱in ra si̱ta̱ va̱ꞌa, ta ta̱xi ra loꞌo ña ndaꞌa̱ ñii ñii na ni̱xika xíꞌin ra. Ta saá ta̱ꞌví ra tia̱ká, ta ta̱xi ra loꞌo rí ndaꞌa̱ ñii ñii na.