San Juan 19:41 - Alacatlatzala Mixtec New Testament

⁴¹ Ta yatin no̱o̱ xi̱takaa̱ ndaa ta̱Jesús ndaꞌa̱ tón cruz ni̱xi̱yo ñii jardín no̱o̱ ni̱xi̱yo ñii kavua̱ no̱o̱ va̱ꞌa ndu̱xu̱n ni̱vi. Ta kavua̱ yóꞌo kúu ña xa̱á, chi nda̱ ñii ni̱vi o̱n ta̱ꞌán ndu̱xu̱n na ini ña.

San Juan 19:41 הפניות הצלבה

San Lucas 23:53

Ta saá ni̱xaa̱ ra ta sa̱noo ra yi̱kí ko̱ñu ta̱Jesús ndaꞌa̱ tón cruz, ta xíꞌin ñii tiko̱to̱ va̱ꞌa chi̱súku ndaa ra yi̱kí ko̱ñu ta̱Jesús. Ta ni̱xa̱ꞌa̱n ra ta chi̱kaa̱ va̱ꞌa ra ña ini kavua̱ ña xa̱á, no̱o̱ nda̱ ñii ni̱vi o̱n ta̱ꞌán ndu̱xu̱n.

San Mateo 27:60

Ta ni̱xa̱ꞌa̱n ra ta chi̱kaa̱ va̱ꞌa ra yi̱kí ko̱ñu ta̱Jesús ini kavua̱ ña xa̱á ña sa̱kán ki̱sa va̱ꞌa ra ini. Ta saá na̱kasi ra yéꞌé kavua̱ yóꞌo xíꞌin ñii yu̱u̱ káꞌno, ta ke̱e ra kua̱noꞌo̱ ra.

San Juan 20:15

Ta ni̱ka̱ꞌa̱n ra xíꞌin ñá, káchí ra saá: ―Nana, ¿nda̱chun xáku ún? ¿Yu kúu na nándukú ún? ―káchí ra xíꞌin ñá. Ta xáni si̱ni̱ ñá ta̱yóꞌo kúu ta̱a ta̱ ndáa jardín, ta ni̱ka̱ꞌa̱n ñá xíꞌin ra: ―Tata, ¿án yóꞌó kúu ta̱a ta̱ na̱kiꞌin yi̱kí ko̱ñu ta̱ ni̱ndu̱xu̱n yóꞌo?, ta ka̱ꞌa̱n ún xíꞌin i̱ míchí ni̱xa̱ꞌa̱n ún chi̱nóo ún ña, ta ko̱ꞌo̱n i̱ nakiꞌin i̱ ña ta sandúxu̱n i̱ ña ―káchí ñá xíꞌin ra.

San Juan 19:42

Ta ini kavua̱ xa̱á yóꞌo sa̱ndúxu̱n na yi̱kí ko̱ñu ta̱Jesús, chi nákaa̱ kavua̱ yóꞌo yatin no̱o̱ yíta tón cruz. Ta kama ní ke̱ꞌé na saá, chi saloꞌo ní kúma̱ni̱ ta kixáꞌá ki̱vi̱ yi̱i̱ viko̱ Pascua, ta ki̱vi̱ nákindée najudío kúu ñayóꞌo.