San Juan 18:22 - Alacatlatzala Mixtec New Testament

²² Tá ndi̱ꞌi xi̱ni̱ so̱ꞌo ra ñayóꞌo, ta ñii ta̱policía ta̱ ndáa veꞌe ño̱ꞌo káꞌno, ta̱ kúu ta̱ ñíndichi yatin sii̱n ta̱Jesús, ka̱ni ra no̱o̱ ta̱Jesús xíꞌin xa̱ꞌnda̱ ndaꞌa̱ ra, ta ni̱ka̱ꞌa̱n ra xíꞌin ra: ―¿Nda̱chun ndákuii̱n ún saá yuꞌu̱ ta̱su̱tu̱ káꞌno? ―káchí ra.

San Juan 18:22 הפניות הצלבה

San Juan 19:3

Ta natropa yóꞌo ni̱ka̱ꞌa̱n na xíꞌin ra, káchí na saá ña kusiki na ra: ―¡Ná koo va̱ꞌa ta̱Rey no̱o̱ nañoo judío! ―káchí na, kúsiki na ta̱Jesús. Ta natropa yóꞌo tuku tuku káꞌa̱n na xíꞌin ra kúsiki na ra saá, ta xíꞌin xa̱ꞌnda̱ ndaꞌa̱ na ka̱ni na no̱o̱ ra.

San Marcos 14:65

Ta sava na ki̱xáꞌá na kúndaa na tási̱i yuꞌu̱ na no̱o̱ ra, ta na̱kasi na no̱o̱ ra ta káni na ra xíꞌin yi̱kí ndaꞌa̱ na, ta káchí na saá: ―Tá ta̱profeta ta̱ xíni̱ va̱ꞌa kúu ún, ta saá ka̱ꞌa̱n ún xíꞌin ndi̱, ¿yukú ndi̱ ka̱ni yóꞌó? ―káchí na xíꞌin ra. Ta napolicía xíꞌin xa̱ꞌnda̱ ndaꞌa̱ na ka̱ni na no̱o̱ ra.

San Juan 18:3

Ta saá ta̱Judas ki̱xaa̱ ra yóꞌo, ta ñii tiꞌvi natropa xíꞌin napolicía na ndáa veꞌe ño̱ꞌo káꞌno ki̱xaa̱ na xíꞌin ra. Sava nafariseo xíꞌin sava nanáꞌno no̱o̱ nasu̱tu̱ ti̱ꞌví na napolicía yóꞌo ña tiin na ta̱Jesús. Sava nayóꞌo níꞌi na candil no̱o̱ xíxi̱ ñoꞌo̱, sava na níꞌi na yito̱n no̱o̱ kánóo ñoꞌo̱ ña xíxi̱, ta sava na níꞌi espada.

San Juan 18:21

¿Nda̱chun ndáka̱ to̱ꞌon ún yi̱ꞌi̱ ndá to̱ꞌon kúu ña sa̱náꞌa i̱ ni̱vi? Va̱ꞌa ka̱ ná nda̱ka̱ to̱ꞌon ún ni̱vi na xi̱ni̱ so̱ꞌo ña sa̱náꞌa i̱, chi nayóꞌo xíni̱ na yu kúu ña ni̱ka̱ꞌa̱n i̱ xíꞌin na ―káchí ta̱Jesús xíꞌin ta̱su̱tu̱ káꞌno.