Hechos 21:21 - Alacatlatzala Mixtec New Testament

²¹ Ta najudío yóꞌo xa xi̱ni̱ so̱ꞌo na to̱ꞌon xa̱ꞌa̱ ún, chi sava ni̱vi káchí na ndí yóꞌó sánáꞌa ún ndáto̱ꞌon ún xíꞌin najudío na táku̱ ñoo xíyo ña o̱n kasa ndivi ka̱ na nda̱yí ña ni̱taa ta̱Moisés xi̱na̱ꞌá, ta sánáꞌa ún na ña o̱n kasa ndivi ka̱ na costumbre ña na̱ní circuncisión xíꞌin nata̱a sa̱ꞌya na, ta sánáꞌa ún na ña sandakoo va̱ꞌa na ndiꞌi costumbre ña kísa ndivi mi̱i yó najudío, saá ndáto̱ꞌon ún, káchí ni̱vi yóꞌo xa̱ꞌa̱ ún.

Hechos 21:21 הפניות הצלבה

Hechos 21:28

Ta ñii ndeé síso̱ na ndáꞌyi na, káchí na saá: ―Naꞌa ndó, natáꞌan yó nañoo Israel, chindeé ndó ndi̱ꞌi̱ ña ná tiin yó ta̱a yóꞌo, chi ta̱a ta̱ o̱n vása va̱ꞌa kúu ra. Saá chi kúu ra ta̱a ta̱ xíka ndiꞌi xiiña ta kándiva̱ꞌa ra xa̱ꞌa̱ nañoo yó, ta sánáꞌa ra ndiꞌi ni̱vi ndí ña o̱n váꞌa kúu ña kísa to̱ꞌó ka̱ na nda̱yí Ndios ña ni̱taa ta̱Moisés. Kándiva̱ꞌa ra xa̱ꞌa̱ veꞌe ño̱ꞌo káꞌno yóꞌo, ta vitin ki̱xaa̱ ra kísa kini ra ini veꞌe ño̱ꞌo yóꞌo, chi ta̱xi ra ni̱ki̱ꞌvi ni̱vi na o̱n vása kúu najudío ini veꞌe ño̱ꞌo yi̱i̱ yóꞌo ―káchí nayóꞌo, sásaa̱ na ini ni̱vi.

Hechos 28:17

Ta saá ni̱yaꞌa u̱ni̱ ki̱vi̱, ta ta̱Pablo ka̱na ra nata̱a na kúu nanáꞌno no̱o̱ najudío na táku̱ ñoo Roma xa̱ꞌa̱ ña kixaa̱ na no̱o̱ ra. Tá ki̱xaa̱ na na̱kutáꞌan na veꞌe no̱o̱ yóo ta̱Pablo, ta saá ki̱xáꞌá ra ndáto̱ꞌon ra xíꞌin na, káchí ra saá: ―Natáꞌan yó, kóni i̱ ña kunda̱a̱ ini ndó ndí yi̱ꞌi̱ o̱n vása ní‑keꞌé i̱ nda̱ ñii ña o̱n váꞌa xíꞌin nañoo yó najudío, ni nda̱ loꞌo o̱n vása ní‑chikaa̱ i̱ ni̱no̱ yichi̱ ña xi̱ndiko̱n naxi̱i̱ síkuá yó xi̱na̱ꞌá. Ta vará o̱n ko̱ó ña o̱n váꞌa ní‑keꞌé i̱ xíꞌin nañoo yó, ta sava nanáꞌno no̱o̱ najudío na táku̱ ñoo Jerusalén ti̱in na yi̱ꞌi̱, ta ta̱xi na yi̱ꞌi̱ ndaꞌa̱ nachiño ñoo Roma.

Hechos 16:3

Ta ta̱Pablo kóni ra ndí ta̱Timoteo ko̱ꞌo̱n ra xíꞌin na ñoo no̱o̱ ko̱ꞌo̱n na. Ta ta̱Pablo xíni̱ ra ndí kua̱ꞌa̱ ní najudío táku̱ na no̱o̱ kóni na ko̱ꞌo̱n na, ta saá xa̱ni si̱ni̱ ra ndí ta̱Timoteo xíni̱ ñóꞌó kasa ndivi ra costumbre ña na̱ní circuncisión. Saá chi najudío yóꞌo xíni̱ na ndí yivá ta̱Timoteo xi̱kuu ra ñii ta̱griego. Tá ndi̱ꞌi ki̱sa ndivi ta̱Timoteo ñayóꞌo, ta ke̱e ra kua̱ꞌa̱n ra xíꞌin na.

Hechos 21:22

Ta vitin, ¿yukía̱ koo keꞌé yó?, chi ni̱vi koni̱ so̱ꞌo na ndí xa ki̱xaa̱ ún ñoo Jerusalén yóꞌo.

1 Tesalonicenses 2:16

Ta saá najudío yóꞌo sási na no̱o̱ ndi̱ ki̱vi̱ ndáto̱ꞌon ndi̱ to̱ꞌon va̱ꞌa xa̱ꞌa̱ Jesucristo xíꞌin inka̱ ni̱vi na o̱n vása kúu najudío, saá chi o̱n xi̱in na ña saka̱ku Ndios nayóꞌo. Ta xa̱ꞌa̱ ña kéꞌé na ña o̱n váꞌa yóꞌo, sákuiso ka̱ na kua̱chi sa̱ta̱ mi̱i na, vará xa yóo kua̱ꞌa̱ ní kua̱chi ndíso na. Ta saá ñii ki̱vi̱ ña va̱xi, Ndios saxo̱ꞌvi̱ ní ra nayóꞌo xa̱ꞌa̱ ndiꞌi ña o̱n váꞌa ke̱ꞌé na.