Hechos 2:25 - Alacatlatzala Mixtec New Testament

²⁵ Ñayóꞌo yóo yuꞌú ña xíꞌin to̱ꞌon ña ni̱ka̱ꞌa̱n ta̱rey David kui̱ya̱ xi̱na̱ꞌá xa̱ꞌa̱ ta̱Jesús, chi ka̱chí ra saá: Ndiꞌi saá ki̱vi̱ xíto i̱ Ta̱a ta̱Káꞌno no̱o̱ i̱, yóo ra xíꞌin i̱, ta xa yóo tiꞌva ra chindeé ra yi̱ꞌi̱. Va̱ꞌa ndáa ra yi̱ꞌi̱ ña o̱n nakava i̱ keꞌé i̱ ña o̱n váꞌa.

Hechos 2:25 הפניות הצלבה

San Juan 16:32

Ta ya̱chi̱ ní kixaa̱ ña kui̱ta̱ níꞌnó ndiꞌi ndó, ta saá ñii ñii ndó noꞌo̱ ndó veꞌe mi̱i ndó. Ta sandakoo matóꞌón ndó yi̱ꞌi̱. Ta ndixa o̱n vása koo matóꞌón i̱ chi Yivá i̱ Ndios yóo ra xíꞌin i̱.

San Lucas 1:6

Ta̱Zacarías xíꞌin ñásíꞌí ra ñáElisabet ni̱vi nanda̱a̱ kúu na no̱o̱ Ndios, ta kándixa ndiꞌi na ña xáꞌnda chiño Ndios, ta inka̱ ni̱vi ni̱‑kuchiño naníꞌi na to̱ꞌon ña ka̱ꞌa̱n o̱n váꞌa na xa̱ꞌa̱ ta̱Zacarías xíꞌin ñásíꞌí ra.

Hechos 2:26

Ta saá kúsii̱ ní ini i̱ ta káꞌa̱n i̱ to̱ꞌon si̱i̱ ní. Vará ñii ki̱vi̱ kivi̱ i̱ nda̱tán ndiꞌi ni̱vi kivi̱ na, yóo va̱ꞌa ini i̱, ta o̱n vása kúchuchú ini i̱. Saá chi ndáa ini i̱ yóꞌó, Tata Ndios.