Hechos 17:7 - Alacatlatzala Mixtec New Testament

⁷ Ta ta̱Jasón yóꞌo va̱ꞌa na̱kiꞌin ra na, ta ta̱xi ra ña kíndo̱o na veꞌe ra. Ta ta̱Jasón xíꞌin ndiꞌi na nátaꞌan xíꞌin ra ndíso na kua̱chi chi yáꞌa ndoso na no̱o̱ nda̱yí ta̱rey César, ta̱káꞌno no̱o̱ yó, chi nayóꞌo káchí na ndí yóo inka̱ rey ta̱ kúu ta̱Jesús, ta̱a ta̱káꞌno no̱o̱ na ―káchí nata̱a o̱n váꞌa yóꞌo, táxi na kua̱chi xa̱ꞌa̱ ta̱Jasón ta xa̱ꞌa̱ na nátaꞌan xíꞌin ra.

Hechos 17:7 הפניות הצלבה

San Lucas 23:2

Ta ki̱xáꞌá na táxi na kua̱chi xa̱ꞌa̱ ta̱Jesús no̱o̱ ra, ni̱ka̱ꞌa̱n na, káchí na saá: ―Xi̱ni ndi̱ ta̱yóꞌo sánáꞌa ra nañoo yó ña sandakoo na yichi̱ va̱ꞌa. Káꞌa̱n ra xíꞌin na ña o̱n váꞌa taxi na kota ndaꞌa̱ ta̱rey César. Ta káꞌa̱n ra mi̱i ra kúu Cristo, ña kóni kachí mi̱i ra kúu ñii ta̱rey ―káchí na xíꞌin ta̱Pilato.

Hechos 16:21

Saá chi sánáꞌa na ni̱vi ña kundiko̱n na inka̱ yichi̱ ña o̱n vása yóo yuꞌú xíꞌin yichi̱ mi̱i yó nañoo Roma. Ta o̱n váꞌa kasa ndivi yó yichi̱ ña sánáꞌa nata̱a yóꞌo, chi ña yáꞌa ndoso no̱o̱ nda̱yí mi̱i yó nañoo Roma kúu ña ―káchí na, káꞌa̱n na xíꞌin nachiño.

San Juan 19:12

Tá xi̱ni̱ so̱ꞌo ta̱Pilato ñayóꞌo, ta saá ndu̱kú ra ndasaá koo kuchiño saña ra ta̱Jesús ko̱ꞌo̱n ndíka̱ ra. Ta najudío tuku tuku káꞌa̱n na xíꞌin ndiꞌi ndee̱ na, káchí na saá: ―Táná saña ún ta̱yóꞌo, ta saá o̱n si̱ví ka̱ ta̱migo ta̱rey César kúu ún, chi ndiꞌi ni̱vi na ndása rey xíꞌin mi̱i, nda̱tán ke̱ꞌé ta̱yóꞌo, kúu na ni̱vi na sáa̱ ini xíni ta̱rey César ―káchí najudío xíꞌin ta̱Pilato.

1 Pedro 2:15

Chi Ndios kóni ra kasa ndivi ndó ñava̱ꞌa, ta saá ni̱vi na naa ini xíꞌin ni̱vi na yáꞌa si̱ni̱ o̱n kuchiño na naníꞌi na to̱ꞌon ndiva̱ꞌa ka̱ꞌa̱n na xa̱ꞌa̱ ndó.

San Lucas 10:38

Kua̱ꞌa̱n ta̱Jesús xíꞌin naxíka xíꞌin ra, ta ni̱xaa̱ na ñii ñoo loꞌo. Ta ñii ñaꞌa̱ na̱ní ñá Marta na̱kiꞌin ñá na, ta ni̱ki̱ꞌvi na ini veꞌe ñá.

Hechos 17:5

Ta sava najudío na ni̱‑xiin kandixa ta̱Jesús, ki̱xáꞌá na kísa kuíni̱ na xíni na ta̱Pablo xíꞌin ta̱Silas. Najudío yóꞌo na̱kaya na sava nata̱a na kúu navago na o̱n váꞌa, ta chu̱ꞌu na nayóꞌo ña sasaa̱ na ini ni̱vi xa̱ꞌa̱ ña sakaku na kua̱chi káꞌno ñoo yóꞌo. Ta ñii síso̱ ndáꞌyi nata̱a yóꞌo ki̱xaa̱ na veꞌe ta̱Jasón nándukú na ta̱Pablo xíꞌin ta̱Silas, chi kóni na tiin ñaꞌá na ta tava ñaꞌá na ña kuñoo na naapóstol yóꞌo no̱o̱ ni̱vi na kúu na sáa̱ ini xíni ñaꞌá.

Hechos 17:8

Ta saá, xa̱ꞌa̱ ña xi̱ni̱ so̱ꞌo na to̱ꞌon yóꞌo, ki̱xáꞌá ndíꞌi ní ini nachiño ta ñii ki̱ꞌva saá ndíꞌi ní ini ni̱vi ñoo yóꞌo.

Santiago 2:25

Ta yóo inka̱ to̱ꞌon ña ndáto̱ꞌon xa̱ꞌa̱ ñii ñaꞌa̱ ñá na̱ní Rahab, kui̱ya̱ xi̱na̱ꞌá ni̱xi̱yo ñá ta xa̱ꞌa̱ si̱ꞌún ni̱ki̱si̱n ñá xíꞌin kua̱ꞌa̱ ní ta̱a. Ta Ndios ni̱ka̱ꞌa̱n ra ndí ndu̱u ñáñaꞌa̱ va̱ꞌa ndinoꞌo no̱o̱ ra xa̱ꞌa̱ ña chi̱ndeé ñá naIsrael; chi na̱kiꞌin va̱ꞌa ñá o̱vi̱ ta̱a ta̱ ni̱xa̱ꞌa̱n xíto naní ñoo Jericó. Saá chi ñáRahab ta̱an seꞌé ñá nata̱a yóꞌo ini veꞌe ñá, ta chi̱ndeé ñá na ni̱ka̱ku na no̱o̱ nañoo Jericó, ta saá ku̱chiño ndi̱kó na kua̱noꞌo̱ na no̱o̱ ndáti inka̱ nata̱a táꞌan na.