Hebreos 7:21 - Alacatlatzala Mixtec New Testament

²¹ Ta ki̱vi̱ inka̱ nata̱a na̱kuiso na ndu̱u nasu̱tu̱, ta Ndios o̱n vása ní‑kaꞌa̱n ra chínáꞌa ra xa̱ꞌa̱ nda̱ ñii nayóꞌo. Ta xíꞌin Jesucristo, Ndios ni̱ka̱ꞌa̱n ra chi̱náꞌa ra, ka̱chí ra saá: Yi̱ꞌi̱ kúu i̱ Ndios ta ndixa káꞌa̱n i̱ xíꞌin ún, ta nda̱ ñii ki̱vi̱ o̱n sama i̱ to̱ꞌon i̱ yóꞌo ña káchí saá: “Yóꞌó kúu ta̱su̱tu̱ ndiꞌi saá ki̱vi̱ ña va̱xi, nda̱tán ni̱xi̱yo ta̱su̱tu̱ Melquisedec”, ka̱chí Ndios xíꞌin Jesucristo.

Hebreos 7:21 הפניות הצלבה

Hebreos 7:17

Chi to̱ꞌon Ndios ña ni̱taa na xi̱na̱ꞌá káchí ña saá: Yóꞌó kúu ta̱su̱tu̱ ndiꞌi saá ki̱vi̱ ña va̱xi, nda̱tán ni̱xi̱yo ta̱su̱tu̱ Melquisedec, saá káchí to̱ꞌon Ndios.

Romanos 11:29

Saá yóo ña, chi Ndios nda̱ loꞌo o̱n vása násama ra to̱ꞌon ni̱ka̱ꞌa̱n ra. Tá Ndios xa chi̱tóni̱ ra saníꞌi ra ñava̱ꞌa ni̱vi, ta nda̱ ñii ki̱vi̱ o̱n vása kindaa ra ña ndaꞌa̱ na. Tá Ndios xa ka̱na ra ni̱vi kundiko̱n na ra, ta ña ka̱na ra yóꞌo ndiꞌi saá ki̱vi̱ ndáya̱ꞌví ña.

Hebreos 5:6

Ta inka̱ xiiña no̱o̱ to̱ꞌon Ndios ña ni̱taa na xi̱na̱ꞌá, káchí ña saá: Yóꞌó kúu ta̱su̱tu̱ ndiꞌi saá ki̱vi̱ ña va̱xi, ta nda̱tán ni̱xi̱yo ta̱su̱tu̱ Melquisedec, saá koo ún, ka̱chí Ndios.

Hebreos 7:20

Ndios ni̱ka̱ꞌa̱n ra chi̱náꞌa ra xa̱ꞌa̱ mi̱i ra ndí ndixa Jesucristo kúu ta̱su̱tu̱.

Hebreos 7:23

Ta xa xíni̱ yó ndí ni̱xi̱yo kua̱ꞌa̱ ní nasu̱tu̱ sa̱ꞌya ñani síkuá ta̱Leví, chi tá ñii ta̱yóꞌo ni̱xiꞌi̱ ra ta xa yóo inka̱ ta̱ na̱kuiso chiño no̱o̱ ra.

Hebreos 7:28

Nda̱yí ña ni̱taa ta̱Moisés káꞌa̱n ña yu kúu na kúchiño kuu nasu̱tu̱ náꞌno, ta ndiꞌi nata̱a na ni̱yaꞌa xi̱kuu su̱tu̱ náꞌno ta̱nda̱ ta̱a ta̱ kúu su̱tu̱ káꞌno vitin, nayóꞌo kúu na ni̱vi na vitá ini no̱o̱ ña o̱n váꞌa. Ta ndi̱ꞌi chi̱ndúꞌu̱ Ndios nda̱yí yóꞌo, ta saá ni̱ka̱ꞌa̱n ra chi̱náꞌa ra xa̱ꞌa̱ mi̱i ra ndí Sa̱ꞌya mi̱i ra kúu ta̱su̱tu̱ káꞌno ndiꞌi saá ki̱vi̱, ta kúu ra ta̱a ta̱ ndii ndinoꞌo, ta o̱n ko̱ó nda̱ loꞌo kua̱chi ndíso ra.