Rm 8:23 - Meta’

²³ Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Ikan feg

²³ Ane, kayi məyi ighi mbe ne Ŋwiye ya tangi mbe chwèmè. Mba ina ne beri Azwighi Ŋwiye ne Ŋwiye nàʼi ina icheg ineʼi mbègtog, tì we bə̀ chwèmè. Tì ya chwèmè ane ghɔ̀mɔ̀ gha Ŋwiye ghiyə tì yaʼ bɔn məd bə̀ zèri awa chì inga ngəʼ ijìm.

Rm 8:23 הפניות הצלבה

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Efesùs 1:14

Əzwî ə Zeŋɨ ze yɨ ənweenɨ nɨ chwiə ni tɨ̀ bɨrɨ kɔ berɨ ɨghɨ mbe nɨ Ŋwiə̀ kaʼ əmbɨ mbi bə̂d wò pè ənɨ wɨ̀ choʼ ətu mɨ̀mə̌d. Tɨ̀ yiirɨ ə Ŋwiə̀.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Gàlesìyà 5:5

Tɨ̀ wɨə kàŋə̀ wòmə̀ nɨ Ŋwìə̀ ghɨ tɨ̀ təm kùʼnɨ̀ ənjìm ɨchî nɨ tɨ̀ nuŋ fîŋ ɨgwɨ məd. Ɨ wɨə ghɨ̀ əne ənjìm Əzwî əməd.

Rm 7:24

Mə yɨə kaŋə wə̀d ŋgəʼ! À kɨə we bɨrɨ fe əmɨ rɨ ənɨ ə nyamnyod zɔ̂ nɨə ghɨ̀ ni mə̀ kwɨ ə?

Rm 8:19

Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

Lk 20:36

Chəi mbɨ bɨrɨ wɨrɨ kwɨ ɨmbə̀ʼ ɨghəm nɨ mbɨ yɨ əndəŋ əndəŋ mbɨ mbɨ̀aŋgɨrə̀. Mbɨ yɨə bə̀ ə bɔn Ŋwiə̀ ɨchî nɨ mbɨ zwemə.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

Lk 21:28

Ɨnû mbɔ̂ mɨ kɔ ghɨ̌, mbə̀ nɔ mbə ɨtu neŋ ɨkaŋ, ɨmbə̀ʼ ɨghəm nɨ nyùmə̀ we nɨ mbɨ bɨrɨ choʼ mbə ɨtu fə tiinɨ.”

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

2 Kɔrèn 7:5

Ka àbei ənɨ tɨ̀ nyaʼa pe ə Màsèdonià, chəi nyaʼa i ə̀zwììrɨ̀ ɨ na, àyɨə tɨ̀ wɨə nyaʼə zə ŋgəʼ ənɨ ɨkwɨ ɨnə̂njɨ̀ jìm. Tɨ̀ wɨə nyaʼə tàŋə̀ mbɨ ə bə̂d. Ɨbɔɔ nyaʼa bə̀ swi ɨŋga ta fîŋ.

Rm 5:3

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ,

Rm 5:11

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

1 Kɔrèn 1:7

Əne chəi mbə̀ kwaŋ ɨneʼe mɔʼɔ we nɨ Əzwî ə nàʼ ɨchî nɨ mbə̀ə wòm ənɨ tə fîŋ rɨjìm ni a Ə̀nùŋɨ̀sɨg Yeso Kristo wɨrɨ yeʼe.

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.