Rm 7:7 - Meta’

⁷ Tɨ̀ kɨə wo gha ni yè ə? Ni tɨkə yɨ ənû rɨbɔ̀ŋ ə? Chə̂! À kɨ nɨ chə nyaʼa i rɨkə, njɨ chəi mə̀ nyaʼa kyerɨ ənû rɨbɔ̀ŋ. Njɨ chəi mə̀ nyaʼa kyerɨ ənû nɨ feenɨ ɨghɨ wə̀d cherə ənɨ chəi nyaʼa i ɨŋga rɨkə ni, “Tɨrə̀ feenɨ e ɨghɨ wə̀d cherə.”

Ikan feg

⁷ Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.”

Rm 7:7 הפניות הצלבה

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

1 Kɔrèn 15:56

Mɨtɨg mbe nɨ ɨvɨ ə nɨŋə zwiirɨə bə̂d yɨ ɨnû rɨbɔ̀ŋ. Ɨnû rɨbɔ̀ŋ mbɨə nɨŋ ɨka rɨ ənɨ tɨkə rɨ Mose.

Rm 13:9

Ə zɨ ɨŋga tɨkə rɨ Mose ni, “Tɨrə̀ ni e əyi cherə kɨ̀ mbaŋə̀ cherə. Tɨrə̀ zwiirɨ e wə̀d. Tɨrə̀ jɨ e. Tɨrə̀ feenɨ e əghɨ ə wə̀d.” Tɨkə tɔ̂ mbɨ rɨkə cherə fə fɔtɨ ənɨ ɨkə we nɨ gha ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod.”

Rm 7:8

Àyɨə ənû rɨbɔ̀ŋ ə nyaʼa zə əpan chè ənjìm ɨkə we nɨ gha ni tɨ wə̀d feenɨ i ɨghɨ wə̀d cherə, əne ghɨ̀ ni mə berɨ tɨkwɨrɨ ɨchî jìm nɨ feenɨ ɨghɨ bə̂d. À mɨ yeʼ nɨ chəi rɨkə, njɨ ɨnû rɨbɔ̀ŋ fə bə̀ kwɨ.

1 Tèsàlonikà 4:5

Tɨ̀ wə̀d mɔʼɔ rəbɔʼ nən feenɨ i ənû nɨ ni əyi kɨ̀ mbaŋə̀ əku ɨchî nɨ bə̂d mbe nɨ chəi mbɨ kyerɨ ə Ŋwiə̀ ə ghɨ̀ə̀.

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

Rm 7:13

Əghɨ ze nɨ nyaʼa bɔŋ ə wa nyaʼa yeʼe ɨmbə̀ʼ zwiirɨ əmɨ ə? Chə̂! À yɨ ɨnû rɨbɔ̀ŋ nyaʼa ghɨ ni mə̀ che ənjìm ɨnû mbe nɨ nyaʼa bɔŋɨ ghɨ̀ mbe nɨ tɨ̀ mbɨ zwiirɨ əmɨ. Əne tɨ̀ we tɨ̀ rɨ̀ zə ni ɨnû rɨbɔ̀ŋ yɨ ɨnû rɨbɔ̀ŋ, bə̀ zə ni ənjìm rɨkə, ɨnû rɨbɔ̀ŋ wɨrɨ bə chè əbɔ.

Rm 7:11

ɨmbə̀ʼ ɨghəm nɨ ɨnû rɨbɔ̀ŋ nyaʼa zə əpan chè ənjìm ɨkə we, tambɨ əmɨ bə̀ zwiirɨ əmɨ.

Rm 7:5

Ənɨ tɨ̀ nyaʼə ghɨ̀ ɨnû rɨbɔ̀ŋ, tɨfeenɨ ɨnû rɨbɔ̀ŋ te nɨ nyaʼa ɨŋga na, nɨ tɨkə nyaʼə nɔ̀ɔ̀rɨ̀ə̀, tɨə nyaʼə fàʼ ɨŋga ta nyamnyod ɨ ghɨ ni tɨ̀ kwɨ.

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 4:1

À kɨə ye nɨ tɨ̀ rɨ̀ ghà ni Abràham, a mbǎʼ rəŋwe, nyaʼa berɨ ɨchî nɨ wɨ̀ nyaʼa nuŋ fîŋ ɨgun ə Ŋwiə̀ ə?

Ɨ̀fàʼì 20:33

Chəi mə̀ kweʼ feenɨ ə gôl, kɨ̀ ə sɨrɨvà, kɨ̀ ə ngywɨ̌ wə̀d mɔʼɔ.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Matìyò 5:28

Àyɨə mə wɨə ghà ɨ nən ni, wə̀d we nɨ neŋ əyi kɨ̀ mbaŋə̀ feenɨ, fə ni əməd ɨŋga i fîŋ.

Lk 20:16

Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Mə̀Hibrù 7:19

Chəi ɨkə nyaʼa ghɨ ni ənû ə mɔʼɔ ə bɔŋ màànɨ̀. Əne ɨnû mbe nɨ tɨ̀ nuŋ fîŋ ɨgun tɨ̀nîn ə bɔ̀ŋ chè mbe nɨ tɨ̀ nyaʼa be nùŋ fîŋ ɨgun. Tɨ̀ wɨə che ənjìm ɨnû mbe tindɨ ɨban ə Ŋwiə̀.