Rm 5:11 - Meta’

¹¹ Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

Ikan feg

¹¹ Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.

Rm 5:11 הפניות הצלבה

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Fìlipì 4:4

Mbə̀ ghaʼrɨ ɨghəm jìm ɨchî nɨ mbə̀ yeʼ ənɨ ɨfɔtɨ mbɨ Kristo. Mə yì ghà ɨ nən ni: Mbə ghaʼrɨ!

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

Kòlosè 2:6

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 3:1

Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

1 Kɔrèn 10:16

Toʼ ze nɨ tɨə nɔə rɨŋga ənɨ tɨə jɨg Ɨtarɨ Ə̀nùŋɨ̀sɨg, əne nàʼə̀ məben-əwe əmbɨ ə Ŋwiə̀, ka à wa kɨ i ni mbà mɨjìm mbɨə nɔ ənəm ə Kristo ə? Ŋgə̀ŋ ze nɨ tɨə bəʼrɨə bə̀ jɨgə, ka à wa kɨ i ni mbà mɨjìm mbɨə kurə nyamnyod Kristo ə?

Rm 11:15

Ɨchî nɨ Ŋwìə̀ nyaʼa ton mɨ̀mə̌d nyaʼa mɨ chwi ni wɨ̀ fə maanɨ taŋ mbɨ ə bə̂d rɨŋga ɨsɨg, njɨ kaʼ ɨchî nɨ wɨ̀ wɨrɨ ben mɨ̀mə̌d rɨ wa chwi i ni mbɨ fə kwɨ wɨrɨ zwemə ə?

Rm 2:17

À yeʼ àwɔ̀? À wɨə ghàə̀ ni tə yɨə Jû. À wɨə nuŋ e fîŋ yeʼ ɨgwɨ rɨkə rɨ Mose. À wɨə bə̀ goŋ ɨgɔ̂ ɨmbə̀ʼ ɨchî nɨ à kyerɨ ə Ŋwiə̀.

Jn 1:12

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

Lk 1:46

Mèri nyaʼa ghà ni, “Mɨ fîŋ zɨə yiirɨ Ə̀nùŋɨ̀sɨg;

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Rm 5:3

Ka àmei əne, tɨ̀ bɨrɨ bɨ goŋ ɨgɔ̂ ɨmbə̀ʼ ɨchî nɨ tɨə zəə ŋgəʼ, ɨmbə̀ʼ ɨghəm nɨ tɨ̀ kyerɨ ni ɨzə-ŋgəʼ wɨə ghɨ̀ ni bə̂d nyiʼ fîŋ,

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Rm 9:10

Kaʼi əjìm əze. Ənû ɨghabɨ əzɔ̂ ə nyaʼa bə̀ ghɨ̀ ənɨ ə Rèbekà ənɨ wɨ̀ nyaʼa bɔŋ ɨbum gywɨ mɨ̀ŋwìə̀ mbɨ ɨnom mɔʼ. Ɨnom we yɨə Aizìk nɨ yeʼ a mbǎʼ kyeŋ rəŋwe.

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.