Rm 4:15 - Meta’

¹⁵ ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Ikan feg

¹⁵ À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 4:15 הפניות הצלבה

Rm 5:13

Ɨnû rɨbɔ̀ŋ nyaʼa fə sɨ i ɨŋga ɨsɨg bɔŋ Ŋwìə̀ nyaʼa sɨə nàʼ rɨkə. Chəi mbɨə taŋgɨ ɨnû rɨbɔ̀ŋ ənɨ chəi rɨkə əŋgu.

Gàlesìyà 3:10

Ndɔ̀n zɨ ɨgun ə bə̂d mɨ̀jìm mbe nɨ zɨ ətu àmei nɨ ghɨ ɨnû mbe nɨ yeʼ ɨŋga rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ chəi wɨə nùŋ ɨnû jìm mbe nɨ yeʼ ɨŋga Ə̀ŋwàʼnɨ̀ rɨkə fɔrɨ ɨgwɨ we nɨ chəi wɨə bə̀ ghɨ̀ə̀.”

1 Kɔrèn 15:56

Mɨtɨg mbe nɨ ɨvɨ ə nɨŋə zwiirɨə bə̂d yɨ ɨnû rɨbɔ̀ŋ. Ɨnû rɨbɔ̀ŋ mbɨə nɨŋ ɨka rɨ ənɨ tɨkə rɨ Mose.

Gàlesìyà 3:19

Ŋwìə̀ nyaʼa nàʼ rɨkə ɨmbə̀ʼ ə yè ə? Wɨ nyaʼa yì rɨkə əbɔʼ fɨso ɨmbə̀ʼ ɨghəm nɨ bə̂d mbɨə nyaʼə gù ɨnû. Tɨkə nyaʼa berɨ yeʼ əŋgu pè ənɨ ə wan we nɨ Ŋwìə̀ nyaʼa kaʼi ɨnû mbe ɨ bɔ yeʼe. Ŋwìə̀ nyaʼa chè ənjìm mbɨ̀aŋgɨrə̀ nàʼ rɨkə te əmbɨ Mose ni wɨ̀ naʼ əmbɨ ə bə̂d. Əne wə̀d wɨ ɨŋga mɨgharə̀ Ŋwìə̀ mbɨ ə bə̂d.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

1 Jɔn 3:4

Wə̀d jìm we nɨə ghɨ̀ ənû rɨbɔ̀ŋ fə gù ɨkə, ɨmbə̀ʼ ɨghəm nɨ ənû rɨbɔ̀ŋ yɨ ənû nɨ gu ɨkə.

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Kòlosè 3:6

À yɨ ɨmbə̀ʼ ɨnû mbɔ̂ nɨ Ŋwìə̀ bɨrɨ sə ɨtəm əbɔʼ bə̂d mbe nɨ chəi mbɨə zuunɨ əməd.

Rm 1:17

Ɨkə̂n chɔ̀m wɔ̂ wɨə chwi ɨchî nɨ Ŋwìə̀ ə ghɨ̀ ni bə̂d təm kùʼnɨ̀ ənjìm ɨbenɨ. Ɨ wɨə kɔ rɨ ənɨ ɨchî nɨ bə̂d nuŋ fîŋ ɨgun ə Kristo bə̀ wò nwì àmei ənɨ ɨchî nɨ bə̂d nuŋ fîŋ ɨgun ə Kristo. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ ɨnû məd kùʼnɨ̀ bɨrɨ ten ənjìm ɨbenɨ.”

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.