Mə̀Hibrù 13:3 - Meta’

³ Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

Ikan feg

³ Mbə̀ ya kɔ̀ndɔ bəd mbe ne yaʼi inga nəb ndəŋ kwàʼ icheg ni gha mbə̰ ya bə̀ inga nəb ndəŋ tì inɔb. Mbə̀ ya bə̀ kɔ̀ndɔ bəd mbe ne mbe chə awɔb kwàʼ icheg ni gha mbə̰ ya bə̀ inga ngəʼ tì inɔb.

Mə̀Hibrù 13:3 הפניות הצלבה

Matìyò 25:36

mə nyaʼə rɨ̀sɔ̀ʼ ɨkyerɨ, mbə zɨ̀ ngywɨ̌ ɨgwɨ num, mə nyaʼə wɔ̀nə̀, mbə nèŋgɨ̀ əmɨ, mə nyaʼa ə nəb ndəŋ, mbə yeʼe neŋ əmɨ.'

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

1 Kɔrèn 12:26

Əsɨ ɨnyod ə mɔʼ ə mɨ yeʼə zəə ŋgəʼ, ɨsɨ ɨnyod jìm bɨrɨ bɨ zə ŋgəʼ mbɨ məd. Mbɨ mɨ nàʼ ɨwumnɨ əmbɨ əsɨ ɨnyod ə mɔʼ, ɨsɨ ɨnyod jìm bɨrɨ ghaʼrɨ mbɨ məd.

Kòlosè 4:18

Àyɨə mɔ̌, Pɔ̂l ŋwàʼnɨ̀ ə̀chàʼrɨ̀ zɔ̂ ənɨ mɨ əbɔ. Mbə̀ kɔndɨ ɨchî nɨ mbɨ kod əmɨ ənɨ mɨ̀kàrə̀. Ŋwìə̀ ghɨ ɨ̀chɔ̀m ənɨ ə nən.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

Matìyò 25:43

Ənɨ mə nyaʼə wə̀d rɨ̀sɔ̀ʼɔ̀, chəi mbə̀ nyaʼa nɨŋ əmɨ ɨŋga tə nəb, ənɨ mə nyaʼə rɨ̀sɔ̀ʼ ɨkyerɨ, chəi mbə̀ nyaʼa naʼ ngywɨ̌ ɨ num, ənɨ mə nyaʼə wɔ̀nə̀ bə̀ fɔrɨ ənɨ mə nyaʼa nyɨ ə ndəŋ, chəi mbə̀ nyaʼa yeʼe nèŋ əmɨ.'

Ɨ̀fàʼì 24:23

Ənɨ wɨ̀ nyaʼa gha əne, wɨ̀ nyaʼa ghà əmbɨ ətu ɨgwɨ mɨ̀sɔgyɨ̀ ɨkɨ fibɨ̀ ni wɨ̀ nɨŋ ə Pɔ̂l wò nəŋgɨ əməd, àyɨə wɨ̀ naʼ əpan ɨ bɔ ni wɨ̀ ghɨ ɨnû mbe nɨ wɨ̀ ghaʼi, fɔrɨ ni wɨ̀ saŋə ni mɨ̀sə̀ʼ məd yeʼe nàʼ ɨghɨ mbe nɨ wɨ̀ kwaŋɨ.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Ɨ̀fàʼì 27:3

À nyaʼa əni ze nɨ beenɨ, tɨ̀ nyaʼa pè ə Sidòn. Juliùs nyaʼa ghɨ̀ ɨ̀chɔ̀m ənɨ ə Pɔ̂l, sàŋ əməd ni wɨ̀ wo əsɨ mbi mɨ̀sə̀ʼ ɨmbə̀ʼ mbɨ naʼ ɨghɨ mbe nɨ wɨ̀ nyaʼa kəbɨ.

Mə̀Hibrù 11:37

Mbɨ nyaʼa tumbɨ mbɨ mɔʼɔ ənɨ əti, sandɨ mbɨ mɔʼɔ ɨba be ənɨ əsɔ̌, zwiirɨ mbɨ mɔʼɔ ənɨ ɨbi bid. Mbɨ mɔʼɔ mbɨə nyaʼə tìŋə̀ gôb rɨ njɨ̀g bə̀ tìŋə̀ gôb rɨ gywɨ ghanə yènə̀. Mbɨ mɔʼɔ mbɨə nyaʼa chub ənɨ ɨkwaŋ, mbɨ nwèndɨ̀ tɨkyerɨ-ɨwu mbɨ mɔʼɔ bə̀ chə mbɨ mɔʼɔ kwàʼ ɨchî rɨbɔ̀ŋ.