Jems 5:9 - Meta’

⁹ Mbɨ bɔŋgɔb, tɨ mbə̀ ghambɨ ə mbə bɔŋgɔb ɨmbə̀ʼ tɨ Ŋwìə̀ saʼ i əwən. Mbə̀ zə, wə̀d we nɨ bɨrɨ saʼ ɨsɨg fə sɨ i ɨchû nəb!

Ikan feg

⁹ Ìmbum məfi fɔrɔ ìtum njàbi, imbə̀ʼ mbə̰ zḭʼḛ awən mə̀mbin, nji Ŋwiye biri saʼ awən. Məd we ne biri saʼ wə̀d ijìm we se zàmbi yeʼe!

Jems 5:9 הפניות הצלבה

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

Matìyò 24:33

À yɨ əndəŋ əndəŋ ni mbə̀ mɨ zə ɨnû mbɔ̂ jìm, mbə̀ kyerɨ ni nyùmə̀ we nɨ Wan Wə̀d bɨrɨ yeʼe fə tiinɨ, əne wɨ̀ fə sɨ i ɨchû ɨkam.

1 Pità 4:9

Mbə̀ nɨŋ mbə bɔŋgɔb ɨŋga tə nəb. Àyɨə mbə mɨ nɨŋ, tɨ mbə dumbɨ ə.

Gàlesìyà 5:26

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

1 Pità 4:5

Mbɨ bɨrɨ gha ɨnû mbe nɨ mbɨ fə ghɨ əmbɨ ə məd we nɨ fə tekɨ ɨnyod nɨ saʼ bə̂d mbe nɨ yeʼ ɨka mbɨ mbe nɨ fə kwɨ.

Gàlesìyà 5:14

ɨmbə̀ʼ ɨghəm nɨ tɨkə rɨjìm fə fɔtɨ əton ɨkə mɔʼ. Ɨkə we mɔʼ yɨ ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod.”

1 Kɔrèn 10:11

Ɨnû mbɔ̂ nyaʼa ghɨ̀ ənɨ mɨ̀mə̌d ɨghabɨ ənweenɨ əmbɨ ə bə̂d cherə. Mbɨ nyaʼa bə̀ ŋwàʼnɨ̀ ɨmbə̀ʼ mbà mbe nɨ yeʼ ɨkǎ ənɨ ə nyùmə̀ wɔ̂ nɨ ɨsɨg ə sɨə wo nwìə̀.

Mk 13:29

À yɨ əndəŋ əndəŋ ni mbə mɨ zə ənɨ ɨnû mbɔ̂ ə ghɨ̀ə̀, mbə̀ kyerɨ ni nyùmə̀ we nɨ Wan wə̀d bɨrɨ wɨrɨ yeʼe fə tiinɨ, əne wɨ̀ fə sɨ i ɨchû ɨkam.

2 Kɔrèn 9:7

Wə̀d mɔʼ mɔʼ berɨ nàʼ àmei ɨchî nɨ wɨ̀ fə tekɨ ɨŋga i fîŋ ni tə bɨrɨ nàʼ. Tɨ wɨ̀ naʼ i yènə̀ dùmbɨ̀ə̀. Tɨ wɨ̀ bɨ naʼ i ɨghabɨ ni à yɨ mbɨ nyeŋ əməd nyeŋɨ, ɨmbə̀ʼ ɨghəm nɨ Ŋwiə̀ wɨə ghaʼə wə̀d we nɨə nàʼ ɨghɨ mbɨ ɨghaʼi ɨŋga i fîŋ.

Mk 6:19

Əze ə nyaʼa ghɨ̀ ni Hèrɔdiàs yim əməd ɨŋga i fîŋ. Əne wɨ̀ nyaʼa kə̀b ni njɨ tə zwiirɨ əməd, àyɨə chəi ənɨ tɨ̀ wɨ̀ nyaʼa ghɨ̀ əne

Ɨnû 3:20

Zə, mə təm ɨchû nəb ɨ goŋgɨ, wə̀d mɔʼɔ mɨ zu mɨ gɨ̂, fiʼ ɨchû nəb, mə bɨrɨ nyɨ ɨŋga nəb tɨ̀ jɨg ɨnɔ̂n.

Jems 4:12

Wə̀d nɨə nàʼə̀ rɨkə bə̀ saʼə mɨsaʼi mei we mɔʼ. Àmei məd we tɨ̀ wɨ̀ chɨ̀ bə̂d rəŋgəʼ. Àmei məd we tɨ̀ wɨ̀ bə̀ nimnɨ bə̂d. Əne àwɔ̀ kɨə we nɨ saʼ we aŋgɔb ə?

Jems 5:7

Mbɨ bɔŋgɔb, mbə̀ yim fîŋ pè əni ze nɨ Ə̀nùŋɨ̀sɨg bɨrɨ wɨrɨ yeʼe. Mbə̀ zə, wə̀d nɨə fàʼə̀ mbeŋ wɨə wòmə̀ ni ɨghɨjɨg kɔʼ ə mbeŋ. Ɨ wɨə yimə fîŋ wòmə̀ kɔ rɨ ənɨ mbə̀ŋ chubɨ wò pè ənɨ mbə̀ŋ ə sobə.

Jems 5:10

Mbɨ bɔŋgɔb, mbə̀ kɔndɨ bə̂d ɨ̀kə̀n mbe nɨ nyaʼə ghà ɨnû ənɨ ɨkum Ə̀nùŋɨ̀sɨg. Mbə̀ nɨŋ ənweenɨ rɨ əmbɨ mɨ̀mə̌d nɨ yim fîŋ əton ə ŋgəʼ.