Jems 2:21 - Meta’

²¹ Ənɨ chəi Abràham nyaʼa ton nɨ naʼ i wan we nɨ mbɨ nyaʼə tɔŋ ənɨ ə Aizìk ənɨ əghɨ ə̀fà əmbɨ ə Ŋwìə̀, ɨmbə̀ʼ Ŋwìə̀ nyaʼa nɨŋ ni wɨ̀ fə ghɨ̀ ənû nɨ kuʼnɨ ə?

Ikan feg

²¹ Imbə̀ʼ à ya anyumə̀ ne ìwa mbaʼ te aneg Abràham ya nàʼi ŋwan məd icheg aghi àfàtì abə Ŋwiye, ne Ŋwiye ya niŋi gha məd fə təm kòʼ?

Jems 2:21 הפניות הצלבה

Jn 8:39

Mbɨ nyaʼa wììrɨ̀ ɨ bɔ ni, “Abràham yɨ a mbǎʼ.” Yeso nyaʼa ghà əmbɨ mɨ̀mə̌d ni, “Mbə mɨ kàŋ yeʼ bɔn Abràham, njɨ mbə bɨrɨ ghɨ ɨnû mbe nɨ Abràham nyaʼə ghɨ̀ə̀.

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Matìyò 12:37

À yɨ ənɨ e ɨŋgam nɨ à bɨrɨ jɨg ɨsaʼi. À yɨ bə̀ ənɨ e ɨŋgam nɨ mbɨ bɨrɨ zɨ ɨsaʼi ɨgwɨ ne.”

Jems 2:24

Əne à fə zə ni Ŋwiə̀ wɨə benə ni wə̀d ə təm kùʼnɨ̀ ɨmbə̀ʼ ɨnû chɔ̀m mbe nɨ wɨə ghɨ̀ə̀, kaʼ àmei ɨmbə̀ʼ ɨbenɨ tə̀zìʼ wi.

Jems 2:18

Wə̀d mɔʼɔ bɨrɨ gha ni, “À benɨ, àyɨə mə wɨə ghɨ̀ə̀ ɨnû chɔ̀m.” Wɨ̀ mɨ ghà əne, mə bɨrɨ gha ɨ bɔ ni, “Chwi e ɨbenɨ ɨ num nɨ chəi ɨnû chɔ̀m mbe nɨ àwɔ̀ ə ghɨ̀ə̀, əne mə bɨrɨ chwi mɨ ɨbenɨ ɨ ne ənɨ ɨnû chɔ̀m mbe nɨ mɨə ghɨ̀ə̀.”

Rm 4:12

Abràham yɨə bə̀ ə mbǎʼ kyeŋ əmbɨ ə bə̂d mbe nɨ mbɨ ne mɨ̀mə̌d. Ka àmei ni mbɨ fə ne mɨ̀mə̌d, à yɨə bə̂ ni ɨ mbɨə beenɨ əbɔʼ ɨbenɨ we nɨ a mbǎʼ kyeŋ Abràham nyaʼa berɨ bɔŋ mbɨ nyaʼa sɨə ne əməd.

Rm 4:1

À kɨə ye nɨ tɨ̀ rɨ̀ ghà ni Abràham, a mbǎʼ rəŋwe, nyaʼa berɨ ɨchî nɨ wɨ̀ nyaʼa nuŋ fîŋ ɨgun ə Ŋwiə̀ ə?

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

Jn 8:53

À wa chè a mbǎʼ Abràham nɨ nyaʼa kwɨ ə? Bə̂d ɨ̀kə̀n Ŋwiə̀ nyaʼa bə̀ kwɨ. Əne à kɨə kəb gha ni tə yɨə we ə?”

Lk 16:30

Wə̀d mbɔ̂n we nyaʼa ghà ni, 'Chə̂, kyɨə Abràham mɨ mbǎʼ, àyɨə wə̀d mɔʼɔ mɨ nɔ̀ʼ rɨ əbɔʼ bə̂d mbe nɨ fə kwɨ wò əsɨ mɨ̀mə̌d, mbɨ bɨrɨ beŋ tə fîŋ.'

Lk 16:24

Wɨ̀ nyaʼa zə əne tɔŋ əməd ni, 'Mɨ mbǎʼ Abràham, dììrɨ əmɨ chà ə Lazarɔ̀s ni wɨ̀ chub ətu ə fi ɨŋga mɨnib zùtɨ̀ mɨ ɨnemɨ, ɨmbə̀ʼ ɨghəm nɨ mə wɨə kàŋə̀ zəə ŋgəʼ ɨŋga ɨwid wɔ̂.'

Lk 1:73

ɨchî nɨ wɨ̀ nyaʼa kaʼ əmbɨ Abràham, a mbǎʼ rəŋwe

Matìyò 3:9

Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Mə̀Hibrù 11:17

À yɨ ɨbenɨ nyaʼa ghɨ̌ ni Abràham naʼ ə Aizìk ənɨ əghɨ ə̀fà ənɨ ə nyùmə̀ we nɨ Ŋwìə̀ nyaʼa kwaʼnɨ əməd. Məd we nɨ Ŋwìə̀ nyaʼa kaʼ ɨnû mbe ɨ bɔ nyaʼa fə tekɨ ɨnyod nɨ naʼ i wan we mɔʼ ənɨ əghɨ ə̀fà.