Fìlipì 1:23 - Meta’

²³ Ɨnû mbɔ̂ be mbɨ ɨgwɨ num. Zɨə kàŋ se nɨ chɔʼ əzɨ ə fibɨ̀. Ənû nɨ mə̀ kaŋ kə̀b yɨ ni mə̀ saŋ ɨsɨg wɔ̂ wò chubɨ mbɨ Kristo. Əze yɨ ənû nɨ bɔŋ chè.

Ikan feg

²³ Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Fìlipì 1:23 הפניות הצלבה

2 Kɔrèn 5:8

Ee, ɨnû mbe nɨ tɨ̀ benɨ yɨ mbɨ rəsìʼ, əne tɨ̀ bɨrɨ kə̀b saŋ nyamnyod zɔ̂, ɨmbə̀ʼ chub ɨŋga nyamnyod fi mbɨ Ə̀nùŋɨ̀sɨg.

Ɨnû 14:13

Ŋwìə̀ zɨ əbɔrəbɔd ɨgun ə bə̂d mbe nɨ kwɨ ənɨ mbɨ yeʼ ənɨ ɨfɔtɨ mbɨ Ə̀nùŋɨ̀sɨg! Əzwî ə ghà ni, “Ee, à yɨə kàŋ əne. Mbɨ bɨrɨ zwiirɨ tɨ ənɨ ɨ̀fàʼì mbe nɨ mbɨə fàʼə̀, ɨmbə̀ʼ ɨghəm nɨ ɨnû mbe nɨ mbɨ fə ghɨ̌ bɨrɨ beenɨ əbɔʼ mɨ̀mə̌d!”

Ɨ̀fàʼì 7:59

Ənɨ mbɨ nyaʼə tumbɨ ə Stɨfɨ̀n əne, wɨ̀ nyaʼa kɔ̀ŋgɨ̀ ə Ŋwiə̀ ghà ni, “Ə̀nùŋɨ̀sɨg Yeso, nɨŋ mɨ əzwî!”

Lk 23:43

Yeso nyaʼa ghà ɨ bɔ ni, “Mə ghà rəsìʼ ɨ ne ni tə̀chɔ̀ŋ à bɨrɨ chubɨ mbɨ num ə Paradaìs. ”

2 Timotì 4:6

À yeʼ ɨmbə̀ʼ əmɨ, nyùmə̀ fə kuʼi nɨ mbɨ bɨrɨ naʼ əmɨ ənɨ əghɨ ə̀fà. Nyùmə̀ fə kùʼi nɨ mə̀ bɨrɨ saŋ ɨsɨg.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

1 Tèsàlonikà 4:17

Mbe nɨə zwemə, Ŋwìə̀ sɨ nɨŋ mba mbe nɨ yeʼ ɨkǎ nɨ sɨ buʼ ɨgwɨ ɨsɨg ni tɨ̀ wo fɔtɨ mbɨ mɨ̀mə̌d ɨŋga pàʼ əne bòmnɨ̀ mbɨ Ə̀nùŋɨ̀sɨg ɨŋga ɨfə. Əne tɨ̀ bɨrɨ sɨə chubə mbɨ Ə̀nùŋɨ̀sɨg koŋ.

Jn 14:3

Ənɨ mə̀ wo tekɨ əsɨ ɨ nən, mə bɨrɨ wɨrɨ yeʼe pè nɨŋ əwən ni mbə̀ yeʼe mbɨ num, ɨmbə̀ʼ əsɨ ze nɨ mə yeʼ əŋgu, mbə bɨrɨ bɨ yeʼ əŋgu.

Lk 12:50

Mə bɨrɨ nɨŋ mɨnib mɔʼɔ, əne chəi mɨ fîŋ bɨrɨ chub ənɨ əbɔrəbɔd pè ənɨ mə fə maanɨ!

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Lk 8:38

Bɔŋ wɨ̀ nyaʼa sɨə wòə̀, mbaŋə̀ ze nɨ ɨzwî rɨbɔ̀ŋ mbe nyaʼa jwɨ rɨŋga məd nyaʼa buʼ ɨbɔ ni tə beenɨ əbɔʼ məd. Àyɨə wɨ̀ nyaʼa ton i, ghà ni,

1 Tèsàlonikà 2:1

Mba bɔŋgɔb, mbə fə kyerɨ ə ni ɨchî nɨ tɨ̀ nyaʼa yeʼe mò əwən, rɨ nyaʼa chè i ətu ə̀kǒ.

2 Kɔrèn 6:12

Chəi ɨnwǐ ənɨ ɨchî nɨ tɨ̀ ghaʼ əwən, àyɨə chəi mbə ghaʼ əwa ɨchî nɨ tɨ̀ ghaʼ əwən.

Fìlipì 1:24

Àyɨə zɨə bɔ̀ŋ ni mə̀ chub ɨkǎ ɨmbə̀ʼ weerɨ əwən.