Jems 4:8 - Ikan feg

⁸ Mbə̀ tindi iban Ŋwiye, wì biri tindi iban inən. Mbə̰ mbe ne ghìyə̀ inug tibɔ̀ŋ, mbə̀ so ìmbən ibo! Mbə̰ mbe ne beri fìŋ ibe ibe, mbə̀ so ìtən fìŋ!

Meta’

⁸ Mbə̀ tindɨ ɨban ə Ŋwiə̀, əne wɨ̀ bɨrɨ bɨ tindɨ ɨban nən. Mbə̀n mbe nɨə ghɨ̀ ɨnû rɨbɔ̀ŋ, mbə̀ so mbə ɨbɔ! Mbə̀n mbe nɨ berɨ fîŋ rɨ̀be, mbə̀ zeŋnɨ tə fîŋ!

Jems 4:8 הפניות הצלבה

Mə̀Hibrù 10:22

tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

Matìyò 12:33

Yeso ya chè imbìghè gha, “Àghò mə kon azed chɔm, fitam məd biri yaʼ ìfi chɔm. Àghò mə kon azed tibɔ̀ŋ, fitam məd biri bə̀ yaʼ ìfi tibɔ̀ŋ. Tesiʼ ya gha, azed ya mbe kyère ane fitam.

1 Timotì 2:8

Mə kə̀b gha isiŋi ijìm ne bəd fète angu ni ghumni Ŋwiye, mbaŋà ijìm waʼ agaŋ bə̀ sàŋì achɔb se nɔ̀ ibo zḛ zḛ ikaŋ, chàʼrà Ŋwiye.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

Jems 1:8

Iku wə̀d gho̰ ya wə̀d ne beri fìŋ tibe. Chəyi wì ya zìyè atog ane anug afibì.

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Matìyò 15:2

“Aton ne chəyi ìmbe mə̀mə̀nənùg ya nɔ̀ŋɔ̀ mə̀nɔ̀ʼɔ̀ aben ne ìmba itog bəd inga aben ya nɔŋi àkə imbə̀ʼ aghə? Chəyi mbɔb mbe sò ibo bɔŋ se jə̀ghə icheg ne ìmba mə̀nɔ̀ʼɔ̀ chwi.”

Matìyò 27:24

Anyumə̀ ne Payilèd ya zə̰ gha chəyi yaya ywìrè anug mɔ̀ʼɔ ne tì məd ywìrì ghì chèyi ni gha, zìye mə̀ ywìrì ghò imbìghè ni ghàm, bəd biri bùg ndum, wì ya niŋ mənib sò ìmbi ibo imbìghè abə inɔ̰ bəd mbe, si ghà inɔb gha, “Chəyi ìfum ìfeg inga iwu wə̀d gho̰! À ya mbə̰ kyeri anug imbə̀ʼ iwu məd!”

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.