Marcos 14:13 - Manobo Western Bukidnon

¹³ Ne midsug̵ù ni Jesus is dezuwa zutun te menge sumusundan din ne migkeg̵iyan din te, “Hendiyan kew te inged ne egkeuma niw is maama he ed-uwit te umuy he nepenù te wahig.

Marcos 14:13 הפניות הצלבה

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hibriyuhanen 4:13

Is Megbevayà, kenà sikandin egkeelesan te minsan hengkey. Egkeehè din layun is minsan hengkey he ed-ul-ulahan ta. Ne ke minsan hengkey is ed-ul-ulahan ta, iyan sikandin edsusi.

Juan 15:14

Menge emig̵u ku sikiyu ke edtumanen niw is idsug̵ù ku keniyu.

Mateo 8:9

Netuenan ku heini su iring te zuen ebayàbayà kedì, ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha he medhendini ne edhendini en; ne edsug̵uen ku zaan is sulug̵uen ku ke zuen ebpeveelan ku ne ebeelan din en. Ne iring din ded daan diyan te kenikew su is egkeg̵iyen nu ne egkehimu en.”

Juan 2:5

Ne is iney zin, migkeg̵iyan din is menge sulug̵uen te, “Tumana niw is minsan hengkey he sug̵ù din keniyu.”

Marcos 14:12

Ne zutun neume en is nehuna he andew te Pista te Kegkeena te Supas he Wazè Din Tapey. Iyan haazà andew te kedlepaa te menge Hudiyu te ibpemuhat he nati he kerehidu he egkeenen dan dutun te Pista te Kedlevayi. Ne zutun mid-insaan si Jesus te menge sumusundan din te, “Hendei is egkesuatan nu he valey he edhilutuan dey wey zey meteg̵ana is idlavung nu te Pista te Kedlevayi?”

Marcos 14:14

Tundug kew kandin pehendiyà te valey he edselezan din, ne keg̵iyi niw is teg̵ig̵aked dutun te valey te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’