Gelasya 4:19 - Manobo Western Bukidnon

¹⁹ Henduen be te menge anak ku en sikiyu su minahal ku sikiyu. Iring te edlised is bahi ke ed-anak, egkereg̵enan a zaan te ked-isipa ku keniyu su egkesuatan ku he meg̵aan niw itug̵ut he iyan ebayàbayà keniyu si Kristu.

Gelasya 4:19 הפניות הצלבה

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

Ipisu 4:13

Pinaag̵i kayi egkehimu human he egkesevaha kiw te kedtuu tew wey kegketueni tew te menge ulaula te Anak te Megbevayà. Ne zutun egkepurung egkeheg̵et is kedtuu tew ki Jesus ne zutun wazà kurang te menge ulaula tew iring te wazà daan kurang te menge ulaula ni Kristu.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ipisu 4:24

Kinahanglan he edhimuwen kew he veg̵u en he etew he iyan sikan is beg̵u en he linimbag pinaag̵i te zagwey te Megbevayà. Egketuusan heini is beg̵u he etew pinaag̵i te menge tutuu wey metazeng he ulaula he ibpeulaula keniyu te Megbevayà.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

Kulusas 3:10

Ne g̵untaan midhimu ki en te Megbevayà he veg̵u en he etew he edhimuwen din he iring te kandin. Umba midhimu ki zin he veg̵u su wey ta mepurung mesavut ke hentei sikandin.

Pilipus 2:5

Kinahanglan he iring is isip niw te isip ni Jesu Kristu.

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.

Pilimun 1:10

edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

Kulusas 1:27

su egkesuatan din he sikitew is menge g̵aked din, ne egkesayud kiw ke hengkey is utew lavew he meupiya he edhimuwen din diyà te langun he menge etew. Ibpesayud din en kenitew he edlumunan kiw ni Kristu ne tenged kayi egketuenan tew he edtulusen kiw keuzemà.

Kulusas 2:1

Umba egkeg̵iyen ku heini su egkesuatan ku he metueni niw ke maan is ebpenigudu a edhag̵ù tenged keniyu wey tenged daan te menge tumutuu ziyà te inged he Leudisiya wey is minsan hentei he tumutuu ziyan he iring keniyu wazè pa mekekilala kedì.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.

1 Juan 2:12

Ebpesuratan ku sikiyu, menge anak ku, su nengepesaylu en is menge salè niw tenged ki Kristu.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

Pilimun 1:19

Ahaa nu is kedsurata ku kayi: Iyan a si Pablo ebayad. Asal netuenan nu he zekelà daan is utang nu kedì su pinaag̵i kediey nekeangken ka te untung he wazè din pidtemanan.

Lucas 22:44

Ne utew si Jesus dutun neseeng ne midheg̵etan din is ked-ampù din te Megbevayà ne edteg̵aktak is rimuseng din he iring te lengesa.

2 Kurintu 12:14

Ed-endaman ku en is kedhendiyan ku ne iketelu en heini is kebpenumbaley ku ziyan te keniyu. Ne iring ded te nehuna, kenà egkehimu he ebuyù a keniyu te selapì. Kenè ku egkesuatan is selapì niw, kekenà, egkesuatan ku he mahala a keniyu ziyà te g̵ehinawa niw. Nehimu a he amey niw su pinaag̵i kedì neketuu kew te Megbevayà. Ne kenà egkehimu he ebuyuan is menge vatà te amey zan, kekenà, iyan ebuyù is menge vatà.

1 Tiselunika 2:7

Mibpurungan dey sikiyu; iring key te iney he metulanged te menge anak din.

3 Juan 1:4

Iyan utew ku igkelipey is kegkezineg ku te tudtul he edtuman en te tutuu he tuluuwen is menge anak ku te kedtuu.