שמואל א 10:7 - Masoretic Text 1524

⁷ והיה כי תבאינה האתות האלה לך עשׂה לך אשׁר תמצא ידך כי האלהים עמך׃

תנ"ך וברית חדשה בתרגום מודני

⁷ וְהָיָ֗ה כִּ֥י (תבאינה)* תָבֹ֛אנָה* הָאֹת֥וֹת הָאֵ֖לֶּה לָ֑ךְ עֲשֵׂ֤ה לְךָ֙ אֲשֶׁ֣ר תִּמְצָ֣א יָדֶ֔ךָ כִּ֥י הָאֱלֹהִ֖ים עִמָּֽךְ׃

Westminster Leningrad Codex

⁷ וְהָיָ֗ה כִּ֥י תבאינה הָאֹת֥וֹת הָאֵ֖לֶּה לָ֑ךְ עֲשֵׂ֤ה לְךָ֙ אֲשֶׁ֣ר תִּמְצָ֣א יָדֶ֔ךָ כִּ֥י הָאֱלֹהִ֖ים עִמָּֽךְ׃

תנ"ך וברית חדשה בתרגום דליטש

⁷ וְהָיָ֗ה כִּ֥י (תבאינה)* תָבֹ֛אנָה* הָאֹת֥וֹת הָאֵ֖לֶּה לָ֑ךְ עֲשֵׂ֤ה לְךָ֙ אֲשֶׁ֣ר תִּמְצָ֣א יָדֶ֔ךָ כִּ֥י הָאֱלֹהִ֖ים עִמָּֽךְ׃

שמואל א 10:7 הפניות הצלבה

בראשית 21:20

ויהי אלהים את הנער ויגדל וישׁב במדבר ויהי רבה קשׁת׃

שמואל ב 7:3

ויאמר נתן אל המלך כל אשׁר בלבבך לך עשׂה כי יהוה עמך׃

איוב 31:25

אם אשׂמח כי רב חילי וכי כביר מצאה ידי׃

שמות 4:8

והיה אם לא יאמינו לך ולא ישׁמעו לקל האת הראשׁון והאמינו לקל האת האחרון׃

קהלת 9:10

כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃

ישעיה 7:14

לכן יתן אדני הוא לכם אות הנה העלמה הרה וילדת בן וקראת שׁמו עמנו אל׃

דברים 20:1

כי תצא למלחמה על איבך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃

יהושע 1:5

לא יתיצב אישׁ לפניך כל ימי חייך כאשׁר הייתי עם משׁה אהיה עמך לא ארפך ולא אעזבך׃

יהושע 1:9

הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃

שפטים 6:12

וירא אליו מלאך יהוה ויאמר אליו יהוה עמך גבור החיל׃

שפטים 9:33

והיה בבקר כזרח השׁמשׁ תשׁכים ופשׁטת על העיר והנה הוא והעם אשׁר אתו יצאים אליך ועשׂית לו כאשׁר תמצא ידך׃

שמואל א 2:34

וזה לך האות אשׁר יבא אל שׁני בניך אל חפני ופינחס ביום אחד ימותו שׁניהם׃

שמואל א 20:13

כה יעשׂה יהוה ליהונתן וכה יסיף כי ייטב אל אבי את הרעה עליך וגליתי את אזנך ושׁלחתיך והלכת לשׁלום ויהי יהוה עמך כאשׁר היה עם אבי׃

שמואל א 3:19

ויגדל שׁמואל ויהוה היה עמו ולא הפיל מכל דבריו ארצה׃