ישעיה 40:2 - Masoretic Text 1524

² דברו על לב ירושׁלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃

תנ"ך וברית חדשה בתרגום מודני

² דַּבְּר֞וּ עַל־לֵ֤ב יְרֽוּשָׁלִַ֨ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֺנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס*

Westminster Leningrad Codex

² דַּבְּר֞וּ עַל־לֵ֤ב יְרֽוּשָׁלִַ֨ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֺנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס

תנ"ך וברית חדשה בתרגום דליטש

² דַּבְּר֞וּ עַל־לֵ֤ב יְרֽוּשָׁלִַ֨ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֺנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל־חַטֹּאתֶֽיהָ׃ ס*

ישעיה 40:2 הפניות הצלבה

בראשית 34:3

ותדבק נפשׁו בדינה בת יעקב ויאהב את הנער וידבר על לב הנער׃

דברי הימים ב 30:22

וידבר יחזקיהו על לב כל הלוים המשׂכילים שׂכל טוב ליהוה ויאכלו את המועד שׁבעת הימים מזבחים זבחי שׁלמים ומתודים ליהוה אלהי אבותיהם׃

תהלים 32:1

לדוד משׂכיל אשׁרי נשׂוי פשׁע כסוי חטאה׃

תהלים 85:3

(85:4) אספת כל עברתך השׁיבות מחרון אפך׃

שמות 22:3

(22:2) אם זרחה השׁמשׁ עליו דמים לו שׁלם ישׁלם אם אין לו ונמכר בגנבתו׃

קהלת 3:4

עת לבכות ועת לשׂחוק עת ספוד ועת רקוד׃

ישעיה 12:1

ואמרת ביום ההוא אודך יהוה כי אנפת בי ישׁב אפך ותנחמני׃

ישעיה 14:3

והיה ביום הניח יהוה לך מעצבך ומרגזך ומן העבדה הקשׁה אשׁר עבד׃

ישעיה 27:9

לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃

ישעיה 33:24

ובל יאמר שׁכן חליתי העם הישׁב בה נשׂא עון׃

ישעיה 35:4

אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃

ישעיה 43:25

אנכי אנכי הוא מחה פשׁעיך למעני וחטאתיך לא אזכר׃

ישעיה 44:22

מחיתי כעב פשׁעיך וכענן חטאותיך שׁובה אלי כי גאלתיך׃

ישעיה 49:25

כי כה אמר יהוה גם שׁבי גבור יקח ומלקוח עריץ ימלט ואת יריבך אנכי אריב ואת בניך אנכי אושׁיע׃

ישעיה 51:17

התעוררי התעוררי קומי ירושׁלם אשׁר שׁתית מיד יהוה את כוס חמתו את קבעת כוס התרעלה שׁתית מצית׃

ישעיה 53:5

והוא מחלל מפשׁענו מדכא מעונתינו מוסר שׁלומנו עליו ובחברתו נרפא׃

ישעיה 53:6

כלנו כצאן תעינו אישׁ לדרכו פנינו ויהוה הפגיע בו את עון כלנו׃

ישעיה 54:15

הן גור יגור אפס מאותי מי גר אתך עליך יפול׃

ישעיה 54:17

כל כלי יוצר עליך לא יצלח וכל לשׁון תקום אתך למשׁפט תרשׁיעי זאת נחלת עבדי יהוה וצדקתם מאתי נאם יהוה׃

ישעיה 55:7

יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃

ישעיה 6:7

ויגע על פי ויאמר הנה נגע זה על שׂפתיך וסר עונך וחטאתך תכפר׃

ישעיה 61:7

תחת בשׁתכם משׁנה וכלמה ירנו חלקם לכן בארצם משׁנה יירשׁו שׂמחת עולם תהיה׃

ישעיה 66:13

כאישׁ אשׁר אמו תנחמנו כן אנכי אנחמכם ובירושׁלם תנחמו׃

ירמיה 16:18

ושׁלמתי ראשׁונה משׁנה עונם וחטאתם על חללם את ארצי בנבלת שׁקוציהם ותועבותיהם מלאו את נחלתי׃

ירמיה 17:18

יבשׁו רדפי ואל אבשׁה אני יחתו המה ואל אחתה אני הביא עליהם יום רעה ומשׁנה שׁברון שׁברם׃

ירמיה 29:11

כי אנכי ידעתי את המחשׁבת אשׁר אנכי חשׁב עליכם נאם יהוה מחשׁבות שׁלום ולא לרעה לתת לכם אחרית ותקוה׃

ירמיה 51:10

הוציא יהוה את צדקתינו באו ונספרה בציון את מעשׂה יהוה אלהינו׃

איכה 4:22

תם עונך בת ציון לא יוסיף להגלותך פקד עונך בת אדום גלה על חטאתיך׃

יחזקאל 16:42

והנחתי חמתי בך וסרה קנאתי ממך ושׁקטתי ולא אכעס עוד׃

דניאל 11:35

ומן המשׂכילים יכשׁלו לצרוף בהם ולברר וללבן עד עת קץ כי עוד למועד׃

דניאל 12:4

ואתה דניאל סתם הדברים וחתם הספר עד עת קץ ישׁטטו רבים ותרבה הדעת׃

דניאל 12:9

ויאמר לך דניאל כי סתמים וחתמים הדברים עד עת קץ׃

דניאל 9:12

ויקם את דבריו אשׁר דבר עלינו ועל שׁפטינו אשׁר שׁפטונו להביא עלינו רעה גדלה אשׁר לא נעשׂתה תחת כל השׁמים כאשׁר נעשׂתה בירושׁלם׃

דניאל 9:2

בשׁנת אחת למלכו אני דניאל בינתי בספרים מספר השׁנים אשׁר היה דבר יהוה אל ירמיה הנביא למלאות לחרבות ירושׁלם שׁבעים שׁנה׃

הושע 2:14

(2:16) לכן הנה אנכי מפתיה והלכתיה המדבר ודברתי על לבה׃

הושע 2:16

(2:18) והיה ביום ההוא נאם יהוה תקראי אישׁי ולא תקראי לי עוד בעלי׃

חבקוק 2:3

כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃

צפניה 3:15

הסיר יהוה משׁפטיך פנה איבך מלך ישׂראל יהוה בקרבך לא תיראי רע עוד׃

זכריה 1:13

ויען יהוה את המלאך הדבר בי דברים טובים דברים נחמים׃

זכריה 1:15

וקצף גדול אני קצף על הגוים השׁאננים אשׁר אני קצפתי מעט והמה עזרו לרעה׃

זכריה 9:12

שׁובו לבצרון אסירי התקוה גם היום מגיד משׁנה אשׁיב׃