זכריה 12:5 - Masoretic Text 1524

⁵ ואמרו אלפי יהודה בלבם אמצה לי ישׁבי ירושׁלם ביהוה צבאות אלהיהם׃

תנ"ך וברית חדשה בתרגום מודני

⁵ וְאָֽמְר֛וּ אַלֻּפֵ֥י יְהוּדָ֖ה בְּלִבָּ֑ם אַמְצָ֥ה לִי֙ יֹשְׁבֵ֣י יְרוּשָׁלִַ֔ם בַּיהוָ֥ה צְבָא֖וֹת אֱלֹהֵיהֶֽם׃

Westminster Leningrad Codex

⁵ וְאָֽמְר֛וּ אַלֻּפֵ֥י יְהוּדָ֖ה בְּלִבָּ֑ם אַמְצָ֥ה לִי֙ יֹשְׁבֵ֣י יְרוּשָׁלִַ֔ם בַּיהוָ֥ה צְבָא֖וֹת אֱלֹהֵיהֶֽם׃

תנ"ך וברית חדשה בתרגום דליטש

⁵ וְאָֽמְר֛וּ אַלֻּפֵ֥י יְהוּדָ֖ה בְּלִבָּ֑ם אַמְצָ֥ה לִי֙ יֹשְׁבֵ֣י יְרוּשָׁלִַ֔ם בַּיהוָ֥ה צְבָא֖וֹת אֱלֹהֵיהֶֽם׃

זכריה 12:5 הפניות הצלבה

תהלים 144:1

לדוד ברוך יהוה צורי המלמד ידי לקרב אצבעותי למלחמה׃

תהלים 18:32

(18:33) האל המאזרני חיל ויתן תמים דרכי׃

תהלים 18:39

(18:40) ותאזרני חיל למלחמה תכריע קמי תחתי׃

תהלים 46:1

למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃

ישעיה 1:10

שׁמעו דבר יהוה קציני סדם האזינו תורת אלהינו עם עמרה׃

ישעיה 1:23

שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃

ישעיה 1:26

ואשׁיבה שׁפטיך כבראשׁנה ויעציך כבתחלה אחרי כן יקרא לך עיר הצדק קריה נאמנה׃

ישעיה 28:5

ביום ההוא יהיה יהוה צבאות לעטרת צבי ולצפירת תפארה לשׁאר עמו׃

ישעיה 28:6

ולרוח משׁפט ליושׁב על המשׁפט ולגבורה משׁיבי מלחמה שׁערה׃

ישעיה 29:10

כי נסך עליכם יהוה רוח תרדמה ויעצם את עיניכם את הנביאים ואת ראשׁיכם החזים כסה׃

ישעיה 32:1

הן לצדק ימלך מלך ולשׂרים למשׁפט ישׂרו׃

ישעיה 45:24

אך ביהוה לי אמר צדקות ועז עדיו יבוא ויבשׁו כל הנחרים׃

ישעיה 60:17

תחת הנחשׁת אביא זהב ותחת הברזל אביא כסף ותחת העצים נחשׁת ותחת האבנים ברזל ושׂמתי פקדתך שׁלום ונגשׂיך צדקה׃

ירמיה 30:21

והיה אדירו ממנו ומשׁלו מקרבו יצא והקרבתיו ונגשׁ אלי כי מי הוא זה ערב את לבו לגשׁת אלי נאם יהוה׃

ירמיה 33:26

גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃

יואל 3:16

(4:16) ויהוה מציון ישׁאג ומירושׁלם יתן קולו ורעשׁו שׁמים וארץ ויהוה מחסה לעמו ומעוז לבני ישׂראל׃

זכריה 10:12

וגברתים ביהוה ובשׁמו יתהלכו נאם יהוה׃

זכריה 10:6

וגברתי את בית יהודה ואת בית יוסף אושׁיע והושׁבותים כי רחמתים והיו כאשׁר לא זנחתים כי אני יהוה אלהיהם ואענם׃

זכריה 12:4

ביום ההוא נאם יהוה אכה כל סוס בתמהון ורכבו בשׁגעון ועל בית יהודה אפקח את עיני וכל סוס העמים אכה בעורון׃

זכריה 12:6

ביום ההוא אשׂים את אלפי יהודה ככיור אשׁ בעצים וכלפיד אשׁ בעמיר ואכלו על ימין ועל שׂמאול את כל העמים סביב וישׁבה ירושׁלם עוד תחתיה בירושׁלם׃

זכריה 14:14

וגם יהודה תלחם בירושׁלם ואסף חיל כל הגוים סביב זהב וכסף ובגדים לרב מאד׃

שפטים 5:9

לבי לחוקקי ישׂראל המתנדבים בעם ברכו יהוה׃