זכריה 10:5 - Masoretic Text 1524

⁵ והיו כגברים בוסים בטיט חוצות במלחמה ונלחמו כי יהוה עמם והבישׁו רכבי סוסים׃

תנ"ך וברית חדשה בתרגום מודני

⁵ וְהָי֨וּ כְגִבֹּרִ֜ים בּוֹסִ֨ים בְּטִ֤יט חוּצוֹת֙ בַּמִּלְחָמָ֔ה וְנִ֨לְחֲמ֔וּ כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים׃

Westminster Leningrad Codex

⁵ וְהָי֨וּ כְגִבֹּרִ֜ים בּוֹסִ֨ים בְּטִ֤יט חוּצוֹת֙ בַּמִּלְחָמָ֔ה וְנִ֨לְחֲמ֔וּ כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים׃

תנ"ך וברית חדשה בתרגום דליטש

⁵ וְהָי֨וּ כְגִבֹּרִ֜ים בּוֹסִ֨ים בְּטִ֤יט חוּצוֹת֙ בַּמִּלְחָמָ֔ה וְנִ֨לְחֲמ֔וּ כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים׃

זכריה 10:5 הפניות הצלבה

שמואל ב 22:43

ואשׁחקם כעפר ארץ כטיט חוצות אדקם ארקעם׃

שמואל ב 22:8

ותגעשׁ ותרעשׁ הארץ מוסדות השׁמים ירגזו ויתגעשׁו כי חרה׃

מלכים ב 9:33

ויאמר שׁמטהו וישׁמטוה ויז מדמה אל הקיר ואל הסוסים וירמסנה׃

תהלים 18:42

(18:43) ואשׁחקם כעפר על פני רוח כטיט חוצות אריקם׃

תהלים 20:7

(20:8) אלה ברכב ואלה בסוסים ואנחנו בשׁם יהוה אלהינו נזכיר׃

תהלים 33:16

אין המלך נושׁע ברב חיל גבור לא ינצל ברב כח׃

תהלים 44:5

(44:6) בך צרינו ננגח בשׁמך נבוס קמינו׃

תהלים 45:3

(45:4) חגור חרבך על ירך גבור הודך והדרך׃

ישעיה 10:6

בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃

ישעיה 25:10

כי תנוח יד יהוה בהר הזה ונדושׁ מואב תחתיו כהדושׁ מתבן במי מדמנה׃

ישעיה 31:1

הוי הירדים מצרים לעזרה על סוסים ישׁענו ויבטחו על רכב כי רב ועל פרשׁים כי עצמו מאד ולא שׁעו על קדושׁ ישׂראל ואת יהוה לא דרשׁו׃

ישעיה 41:12

תבקשׁם ולא תמצאם אנשׁי מצתך יהיו כאין וכאפס אנשׁי מלחמתך׃

ישעיה 41:25

העירותי מצפון ויאת ממזרח שׁמשׁ יקרא בשׁמי ויבא סגנים כמו חמר וכמו יוצר ירמס טיט׃

ישעיה 8:9

רעו עמים וחתו והאזינו כל מרחקי ארץ התאזרו וחתו התאזרו וחתו׃

יחזקאל 38:15

ובאת ממקומך מירכתי צפון אתה ועמים רבים אתך רכבי סוסים כלם קהל גדול וחיל רב׃

עמוס 2:15

ותפשׂ הקשׁת לא יעמד וקל ברגליו לא ימלט ורכב הסוס לא ימלט נפשׁו׃

מיכה 5:8

(5:7) והיה שׁארית יעקב בגוים בקרב עמים רבים כאריה בבהמות יער ככפיר בעדרי צאן אשׁר אם עבר ורמס וטרף ואין מציל׃

מיכה 7:10

ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃

חגי 2:22

והפכתי כסא ממלכות והשׁמדתי חזק ממלכות הגוים והפכתי מרכבה ורכביה וירדו סוסים ורכביהם אישׁ בחרב אחיו׃

זכריה 12:4

ביום ההוא נאם יהוה אכה כל סוס בתמהון ורכבו בשׁגעון ועל בית יהודה אפקח את עיני וכל סוס העמים אכה בעורון׃

זכריה 12:8

ביום ההוא יגן יהוה בעד יושׁב ירושׁלם והיה הנכשׁל בהם ביום ההוא כדויד ובית דויד כאלהים כמלאך יהוה לפניהם׃

זכריה 14:13

והיה ביום ההוא תהיה מהומת יהוה רבה בהם והחזיקו אישׁ יד רעהו ועלתה ידו על יד רעהו׃

זכריה 14:3

ויצא יהוה ונלחם בגוים ההם כיום הלחמו ביום קרב׃

זכריה 9:13

כי דרכתי לי יהודה קשׁת מלאתי אפרים ועוררתי בניך ציון על בניך יון ושׂמתיך כחרב גבור׃

דברים 20:1

כי תצא למלחמה על איבך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים׃

יהושע 10:14

ולא היה כיום ההוא לפניו ואחריו לשׁמע יהוה בקול אישׁ כי יהוה נלחם לישׂראל׃

יהושע 10:42

ואת כל המלכים האלה ואת ארצם לכד יהושׁע פעם אחת כי יהוה אלהי ישׂראל נלחם לישׂראל׃

שמואל א 16:18

ויען אחד מהנערים ויאמר הנה ראיתי בן לישׁי בית הלחמי ידע נגן וגבור חיל ואישׁ מלחמה ונבון דבר ואישׁ תאר ויהוה עמו׃