במדבר 16:46 - Masoretic Text 1524

⁴⁶ (17:11) ויאמר משׁה אל אהרן קח את המחתה ותן עליה אשׁ מעל המזבח ושׂים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃

במדבר 16:46 הפניות הצלבה

דברי הימים א 27:24

יואב בן צרויה החל למנות ולא כלה ויהי בזאת קצף על ישׂראל ולא עלה המספר במספר דברי הימים למלך דויד׃

תהלים 106:29

ויכעיסו במעלליהם ותפרץ בם מגפה׃

תהלים 141:2

תכון תפלתי קטרת לפניך משׂאת כפי מנחת ערב׃

ויקרא 10:6

ויאמר משׁה אל אהרן ולאלעזר ולאיתמר בניו ראשׁיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישׂראל יבכו את השׂרפה אשׁר שׂרף יהוה׃

ויקרא 9:24

ותצא אשׁ מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם׃

חבקוק 3:5

לפניו ילך דבר ויצא רשׁף לרגליו׃

מלאכי 1:11

כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃

במדבר 1:53

והלוים יחנו סביב למשׁכן העדת ולא יהיה קצף על עדת בני ישׂראל ושׁמרו הלוים את משׁמרת משׁכן העדות׃

במדבר 11:33

הבשׂר עודנו בין שׁניהם טרם יכרת ואף יהוה חרה בעם ויך יהוה בעם מכה רבה מאד׃

במדבר 18:5

ושׁמרתם את משׁמרת הקדשׁ ואת משׁמרת המזבח ולא יהיה עוד קצף על בני ישׂראל׃

במדבר 25:13

והיתה לו ולזרעו אחריו ברית כהנת עולם תחת אשׁר קנא לאלהיו ויכפר על בני ישׂראל׃

במדבר 25:8

ויבא אחר אישׁ ישׂראל אל הקבה וידקר את שׁניהם את אישׁ ישׂראל ואת האשׁה אל קבתה ותעצר המגפה מעל בני ישׂראל׃

במדבר 8:19

ואתנה את הלוים נתנים לאהרן ולבניו מתוך בני ישׂראל לעבד את עבדת בני ישׂראל באהל מועד ולכפר על בני ישׂראל ולא יהיה בבני ישׂראל נגף בגשׁת בני ישׂראל אל הקדשׁ׃

דברים 9:22

ובתבערה ובמסה ובקברת התאוה מקצפים הייתם את יהוה׃