1 Timɔtɛ́ɛ 6:18 - Kɑɑ Fí

¹⁸ Cú mbɔ̌ pɔ́p ŋɡɔ pɔ́p ɡɛ nu sʉ́Ꞌnɛ. NɛfɑꞋ mɛfɑꞋ sʉ́Ꞌnɛ pɔ́ yɔ́p fuꞋ, ŋɡɔ pɔ́p zíꞋ nɛɡɑp pɔ́, ńdɔk yúu pɔ́p ńcẅɛ́lɛ́ pʉɔ.

1 Timɔtɛ́ɛ 6:18 הפניות הצלבה

Ɛ́bɛlʉʉ 13:16

Kɔɔ pʉʉ likŋɛ nɛɡɛ nu sʉ́Ꞌnɛ mbɑ nɛlɔk yúu mi pʉʉ ɡẅɛɛnɛ ńcẅɛ́lɛ pʉɔ, mbíꞋŋɡɔ nɛɡɛ mîmɑ́ mɛnu ɛ́ lii-pɔꞋ yi ɛ́ pɔŋnɛ Sɛ́.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?

Pʉɔ-Lɔ́mɑ 12:8

FuꞋ-ŋu pɔ́ nɛníꞋ mɛtʉʉ-pɛcɔ́ pʉɔ, ɑ ńníꞋ. Ŋu lɑɑ ḿbɔ́ ŋ́ɡɑ́ yúu mbɔ̌ ŋu, ɑ ɡɑ́ kɛ́ sɑ́ŋ. Ŋu lɑɑ ḿbɔ́ ŋu ẅí ɑ niitɛ́nɛ cúꞋlɛ, ɑ niitɛ tɛ ńjí yúu mi ɑ ɡɛnɛ yɛ́tɛ́. Ŋu lɑɑ ḿbɔ́ ńcẅɛ́lɛ pɛpúŋ, ɑ cẅɛ́lɛ́ nɛ́ tʉ́m sʉ́Ꞌnɛ.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Lúkɑ́shi 12:21

Yɛ́su cɔ́kŋɛ ńcú ŋɡɔ: «Yɔ nu yi ɛ́ ɡɛnɛ ŋu ẅi ɑ lɑknɛ fuꞋ ńcúꞋlɛ nɛ́ fúꞋlɔ́ŋ lɑ́, lɑ́ ḿbɛn ḿbɔ́ nǔu mík-Sɛ́ ḿbɔɔ ŋɡɑŋyúu pɔ́.»

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Pʉɔ-Lɔ́mɑ 12:13

Yúu lɑɑ ńjɑ́k mbɔ̌ pɔ́ɔpɛ́mɑ́, pʉʉ pʉɔ-Kɛlístɔ, pʉʉ cẅɛ́lɛ́ wɔ́p. Pʉʉ ńnɑ́ŋ ńcẅɛ́ɛ pʉɔ-túu sʉ́Ꞌnɛ.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

1 Kɔlɛ̂ŋtɛ 16:2

Ɛ́ pɔŋ ŋɡɔ ɛ́ nɑ́ŋ ḿbɔ́ mbɑ wɛ́tɛ́ sɔ́ndii lɑ́, mbɑ wɛ́tɛ́ ŋu wʉʉ, ɡʉ nǔu yúu mi ɑ ɡẅɛɛnɛ, ńdʉŋtɛ ḿbɛ́ɛ yɛcɔ́ ndɛn-ŋkɑ́p nǔu, ńdẅɛꞋ ndɑ́ yɛ́, ńjí ŋɡɔ pɛ́ kɛ́ ɡɛ ńzẅíꞋlɛ tɛ n tɔ́ lɑ pɛ́ mɑꞋ ntsup pɔ́.

3 Jɑ̂ŋ 1:11

Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

ŊwɑꞋnɛ-Gɑŋntúu Yɛ́su Kɛlístɔ 9:36

Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.

1 Pyɛ̂ 3:11

Ɛ́ pɔŋ ŋɡɔ ɑ lʉ́ɔꞋ nu kɛpɔŋ, ŋ́ɡɛ pɔ nu sʉ́Ꞌnɛ, ńdɔɔ mbɔ́tnɛ, ńcʉŋɛ nzʉʉ yɛ́.

ŊwɑꞋnɛ-Gɑŋntúu Yɛ́su Kɛlístɔ 11:29

Aɡɑbus cú pɑ́Ꞌɑ, pʉɔ-Kɛlístɔ pɔ́ yɛcɔ́ lɛ́Ꞌ ńzɑ́p ŋɡɔ mbɑ wɔ̌ lɑ́ ɡɑ́ yɛ́ yúu mi ɑ kuꞋnɛ nǔu, pɛ́ túu, ńdɔk ńcẅɛ́lɛ́ pɔ́ɔpɛ́mɑ́ pi pɔ́p tswɛ́nɛ tsɛt pɑk-ŋɡɔŋ-Judɛ̂.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

Mɑtʉ̈ɔ 5:42

Ŋu ɡɑ́ yúu mbɔ̌ ŋu ẅí ɑ sɛ́ ńdɔ́ɔ yúu mbɔ̌ wɛ́. Kɔɔ ŋu kɛ́ ńtɛ́m ŋkwɛn ŋ́ɡɑ́ mbɔ̌ ŋu ẅí ɑ píkŋɛnɛ ŋɡɔ ɑ fɔ wɛ́ nɛ́ yúu.»

Lúkɑ́shi 3:11

A tsɔ́Ꞌ mbɔ̌ pɔ́p ŋɡɔ: «Ŋu wʉʉ lɑ́ɑ ŋ́ɡẅɛɛ mɛndẅí mɛ́mbɑ́, ɑ ɡɑ́ tɑ́Ꞌ mbɔ̌ ŋu ẅi ɑ zɛ ḿbɔɔ yɛcɔ́ ɡẅɛɛ. Ŋu ẅi ɑ ɡẅɛɛnɛ yúujʉ́, ɡɑ́ yɛ ŋu ẅí nji sɛ́ ńzɑ́ŋ wɛ́.»

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,