1 Tɛsɑlɔník 2:13 - Kɑɑ Fí

¹³ Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

1 Tɛsɑlɔník 2:13 הפניות הצלבה

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Pʉɔ-Lɔ́mɑ 10:17

Pɛkŋɛ lɔk pɑ́Ꞌɑ ńjʉ́ɔ ŋɡɔ, nɛzɑ́p tʉ́m nǔu Kɛlístɔ fú pɔ nǔu Ŋkʉʉ ẅí ŋu zúꞋnɛ. Ŋu ɡɔ́ ńzúꞋ ẅîwɑ́ Ŋkʉʉ, mbɔ ŋu cúnɛ.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.

1 Pyɛ̂ 1:25

Lɑ́, sẅiŋɛ-tsɑpʉɔ ɡʉ ńdɑ́Ꞌ ńtʉ́ʉ pɔ pɔ́Ꞌɔ, nǔu mɛŋɡuꞋ mɛŋɡuꞋ. Yîyɑ́ sẅiŋɛ ɛ́ yi pʉʉ kɑ zúꞋnɛ tsɛt Ŋkʉʉ Sʉ́Ꞌnɛ ẅí pɛ́ kɑ cẅinɛ mbɔ̌ pʉʉ.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

ŊwɑꞋnɛ-Gɑŋntúu Yɛ́su Kɛlístɔ 13:48

Pʉɔ pí pɔ́p kɑ́ pɔ́ pɑyúdɑ pɔ́ zúꞋ yɔ nu, ńtsɑ́ɑtɛ tɛꞋ, ŋ́ɡúꞋlɛ sẅiŋɛ-tsɑpʉɔ. Pʉɔ pi pɔ́p tsɛtsɛt pɔ́p, mbɔ Sɛ́ tsɔ́Ꞌ wɔ́p pɑ́Ꞌ pɔ́p pɛ́ pɔ́p ɡʉ ŋ́ɡẅɛɛ luk kɛ́mɛ, zɑ́p tʉ́m yɔ́p nǔu Yɛ́su.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

Lúkɑ́shi 8:21

A tsɔ́Ꞌ ŋɡɔ: «Mɑ́ wɑɑ pɔ́p pɔ́ɔpɛ́mɑ́ pɑ́ɑ pʉɔ pinɛ pɔ́p zúꞋnɛ nu-Sɛ́, Ḿbɛn ŋ́ɡɛ pɑꞋ sẅiŋɛ ɛ̂yɑ́ sɛ́ ḿbíkŋɛ.»

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Mɑtʉ̈ɔ 10:40

Ŋu kúkŋɛ wʉ́ʉ, mbɔ ɑ kúkŋɛ pɔ wɑ́ɑ, ŋu pɛn ŋ́kúkŋɛ wɑ́ɑ, mbɔ ɑ kúkŋɛ pɔ ŋu ẅí ɑ kɑ túunɛ wɑ́ɑ.

Jɑ̂ŋ 17:17

Lɔk nu nɛ́nẅín yú ŋ́ɡɛ pɔ́p tsʉꞋ pʉɔ pú tɛ ɛ́sẅíi nu. Sẅiŋɛ yú ɛ́ nɛ́nẅín.

Jɑ̂ŋ 15:3

«Yúu mi ŋ kɑ zíꞋnɛ wʉ́ʉ kɑ lɑ́Ꞌ mɔ ŋ́ɡɛ pʉʉ pɔ́ sʉ́Ꞌnɛ.»

Lúkɑ́shi 8:11

A tsʉ́Ꞌ nɛkyɛ́Ꞌtɛ yɔ sɑknɛkɛt ńcú ŋɡɔ: «Yúu pinɛ lɔk ḿbɔ́ sẅíŋɛ-Sɛ́.

Mɑtʉ̈ɔ 10:20

mbíꞋŋɡɔ pʉʉ ŋ́ɡʉnɛ ńzɛɛ ńdɑ́Ꞌ ńcú nu pɔ́. Zẅikŋɛ-Tɑ̌ɑ wʉʉ ɡʉnɛ ńdɑ́Ꞌ ńdɔk wʉ́ʉ ńcú nu.

2 Pyɛ̂ 3:2

Pʉʉ kẅíitɛ sẅiŋɛ yi pɑcẅiŋkʉʉ-Sɛ́ pɛ́ Lɛ́ɛnɛ́nɛ kɑ zɑ́Ꞌnɛ njí ńcú, mbɑ nɛpʉ́ʉ ni ɡɑŋntúu-Yɛ́su kɑ zíꞋnɛ wʉ́ʉ, ɛ́fú mbɔ̌ Tsɑpʉɔ ɑ pɔ́ ŋu ẅí ɑ ɡɛnɛ pɛkŋɛ luk.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

ŊwɑꞋnɛ-Gɑŋntúu Yɛ́su Kɛlístɔ 16:14

Wɛcɔ́ tɑ́Ꞌ pɔ́ tsɛtsɛt pɔ́p, pɛ́ fúŋ wɛ́ ŋɡɔ Lítíyɑ. Mbɔ ɑ kɑ fú tʉ́sɔŋ-Tiyɑtil. A tɑ́ŋtɛ yɛcɔ́ pɛpɑŋ ndẅí ɛ́ pɔŋ tɛꞋ. Mbɔ ɑ kɑ pɛ́m nu-Sɛ́-pɑyúdɑ. Pɛk pɔ́ ńcú nu, ɑ niitɛ ńzẅíꞋlɛ kwɑꞋ sʉ́Ꞌnɛ, mbíꞌŋɡɔ Tsɑpʉɔ kɑ tsɔ́Ꞌ tʉ́m yɛ́ pɑ́Ꞌ ɑ ɡʉ ńtʉ̈ɔ́ŋɛ nɛtúutɛ nɛ́ ńniitɛ zẅíꞋlɛ nu yí Pɔ̂l sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 10:33

A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 2:41

Pʉɔ tɛ ńzɑ́ɑ kɑ zúꞋ nu yí Pyɛ̂ cúnɛ, ḿbɛ́m, pɛ́ nuꞋ wɔ́p ŋki. Pɛ́ kɑ nuꞋ pʉɔ ŋki lɛ́Ꞌ ɛ̂yɑ́ tɛ mbɔ ɛ́ pɔ́ yúu ntsɑ́Ꞌ yɛ́tɑ́t. Pɔ́p kẅiꞋ tsɛtsɛt pɑpɛ́m Yɛ́su.

ŊwɑꞋnɛ-Gɑŋntúu Yɛ́su Kɛlístɔ 8:14

Gɑŋntúu-Yɛ́su ɡɛ ńnɑ́ŋ Yɛlúsɑlɛm, ńzúꞋ pɑ́Ꞌ pʉɔ-Sɑmɑlîi pɛ́mnɛ sẅíŋɛ-Sɛ́, ńtúu Pyɛ̂ pɔ́p Jɑ̂ŋ mbɔ̌ pɔ́p.

Lúkɑ́shi 5:1

Yɛ́su pɔ́ yɛcɔ́ lɛ́Ꞌ, ńtʉ́ʉ mbʉʉ nɛtʉŋ-ŋki pɛ́ fúŋnɛ Jɛnɛzɑlɛ̂t. Nɔɔ-lɑ́Ꞌ tɛ ńzɑ́ɑ tɔ́ nɛjɔ́ŋ yɛ nɛzúꞋ nu-Sɛ́, ńzɑ́ɑ zɑ́ɑnɛ tɛ pɛ́ tsʉꞋ ɛ́fyɛ́t wɛ́ fyɛ́tnɛ.

Ɛ́bɛlʉʉ 4:2

Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.