Hechos 3:17 - Porciones del Nuevo Testamento

¹⁷ Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba.

Hechos 3:17 הפניות הצלבה

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Hechos 13:27

Jerusalénne bꞌebara nokꞌorã ãzhidꞌe bawarauba kꞌawuadꞌa ẽbasia Jesúsdꞌebema sãwũãta, Daizezeba bedꞌeata jarabibarirãba Jesúsdꞌebema jaradꞌapeadꞌata ewari ẽnaʉ̃badaza le bꞌesidꞌa sãwũãta kꞌawuadꞌa ẽbasia. Aramaʉ̃ne maʉ̃rãba jaradꞌapeadꞌata arimaẽ berabꞌaribisidꞌa beabibʉdaba.

Juan 16:3

Maʉ̃ta odꞌaya ũdukꞌawadꞌa ẽãba mʉ Zezeta miã mʉta.

Romanos 11:2

Daizezebara izhidꞌerã kenabꞌari ẽã, ãzhira na wedꞌauba jʉrʉkuasia. ¿Kꞌawuadꞌa ẽka Elía ʉ̃rʉ̃ bꞌʉ tabꞌʉdꞌe jara bꞌʉra, Daizeze kĩrãbita Israel ʉ̃rʉ̃ bĩ ẽã bedꞌea mawũãsi ẽka?

Hechos 26:9

Wãrãnebai mʉãrã ne jõma oita krĩchasia Jesús Nazaredꞌebemane ĩjã bꞌera kiaweita.

Hechos 7:40

Mawũẽ Aarónʉã mawũãsidꞌa: Daiba ne zhi zromane edadꞌaita daia odedꞌekarua daita jʉre edemarẽã. Jari Moiséra dai Egipto druadꞌeba jʉrewedꞌara kꞌawuadꞌa ẽã sãwũã berabꞌaribʉrʉra.

Juan 7:52

Mawũãĩ panaʉ̃ mawũãsidꞌa: ¿Bʉsidꞌa Galileadꞌebemakꞌa? Daizeze bedꞌeata bia estudiadua, mawũãrã kꞌawuaya Galileadꞌebara piradrʉkꞌata Daizezeba bedꞌeata jarabibarira.

Lucas 23:13

Mobebʉrʉ Pilatobara ãba trʉ̃kuasia sacerdoterã nokꞌorãta, zhãrã nokꞌorãta, zhãrã bawara.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Hechos 22:5

Sacerdote wagꞌaubara kꞌawua bꞌʉa mʉ maʉ̃ kꞌaudꞌa bꞌadꞌara, kꞌawua bꞌea nokꞌorã jõmaʉ̃ba, ãzhara mʉãã kꞌarta diasidꞌa Jesúsdꞌebema ĩjã bꞌera mʉãrã jidasia bꞌʉta dazhirã ʉrerãta bꞌera. Mawũẽ mʉrã Damascoedꞌa wãsia mama bꞌesidꞌa Jerusalén pʉwʉrʉedꞌa jidakua weita, aramaʉ̃ne pua kꞌawua odꞌamarẽã.

Hechos 28:21

Mawũãĩ jarirãbara mawũãsidꞌa: Daibara Judea druadꞌebara kꞌarta jidadꞌa ẽã bʉdꞌebema. Miã mebẽrã iabꞌabidꞌa ze ẽã bʉ jidꞌera o bʉ bĩ ẽã jaradꞌera.