San Lucas 10:7 - Manityanati Tupax

⁷ Abasikia au axɨmanu pox, apasusiu nanaiña axɨna ane uimia amutuburibo, ityopiki axti naki ane yachɨkoiti ane toxiobo ɨmoti ityobo. Tapɨ amamenakaño ubau poka.

Manitanati Tuparrü

⁷ Arrtü alojabo año au taman porrü, abasiquia acamanu. Auba y aucha arrüna torrio aume uimia. Itopiqui arrti naqui trabajador tiene que apacama ümoti. Tapü amamenca au pocatai.

San Lucas 10:7 הפניות הצלבה

2 Timoteo 2:6

Axti naki masamunuti ñanaunx, tari kusɨrɨboti atoxi ɨmoti aruki axɨna iyebo auki niyoxti.

Gálatas 6:6

Axti naki ane manunekatax ɨmoti yokɨtɨpɨ axɨba omixhia manityakax, tari yachebati aruki nenaxixhti ɨmoti naki uiche aiñununekanati.

San Lucas 9:4

Axtɨ apiñatai au taman pox, abasikia akamanu ichepe axtɨ amekatityo aukimanu.

San Marcos 6:10

Nanti ɨmoma: –Axtɨ apiñatai au taman pox, abasikia akamanu ichepe axtɨ amekatityo aukimanu.

1 Timoteo 5:13

Omenotityo umamenkatai ubau poka, auki taruku nomemaxikiatax. Chityoneantaipɨ nomemaxikiatax, ta ausɨrataityo nuburax axɨba chomixhampɨ, opisamute axɨna chɨkoñopɨtɨ ñome apisamune.

Hechos 16:34

Auki sɨrotitɨ aɨbuma au nipoxti nauki a'ama, akamanu ichepe nanaiña axɨbama aɨtoxti taruku nipukɨnunkuxɨma ityopiki ikokoromati Tupax.

Hechos 16:15

Auki ɨrio aɨbu nanaiña axɨmanuma aboma au nipox, auki nantɨ suiñemo: –Axtɨ ñemanauntu axaño amukanaño uxia axɨna nixhakokonaunku ɨmo Nupu Tupax, ausiapata au nipo. Tyone mankio nuxia somopɨnanaki nauki subasikia akamanu.

Hechos 16:40

Naukiche tɨtaesɨburuma aukimanu kauta amonkoma amanamampo, sɨromatɨ au nipo Lidia, naukiche tɨmanityanama aɨbuma axɨmanuma ikokoromati Jesús, auki sɨromatityo.

San Lucas 10:6

Axtɨ akamanu aboma axɨbama uxia uiti Tupax ɨmoma, axɨna nixhankaxɨma ɨmo axɨna uxia iyebo ɨmoma. Axtɨ chɨsanempɨ, axaño champɨ ensoro amopɨnanaki.