San Juan 5:23 - Manityanati Tupax

²³ nauki namanaiña aiñanaunumati Aɨtoxti takana ñanaunkuxɨma ɨmoti Yaɨtoti. Axti naki chiñanaunutipɨ Aɨtoxti, chiñanaunutipityo Yaɨtoti, naki uiche aikɨpuruti.

Manitanati Tuparrü

²³ Sane nauquiche iñanaunumañü macrirrtianuca isiatai tacana ñanauncurrüma ümoti Iyaü. Arrübama chiñanaunumapüñü, chiñanaunumatipito Iyaü, naqui uiche aicüpuruñü.

San Juan 5:23 הפניות הצלבה

1 Juan 2:23

Axti naki chikokorotipɨ Jesús, champɨityo axtɨ ikokoroti Tupax, tapɨti naki ikokoroti Jesús, ta ikokorotityo Yaɨtoti.

San Lucas 10:16

“Naki onsapetioti nabura, onsapetioti nisura. Tapɨti naki chiyasuriurutipɨ año, iñemo axɨna sane uiti. Naki sane uiti iñemo, sane uiti ɨmoti naki uiche aikɨpuruñɨ.”

2 Juan 1:9

Axti naki xhanxti aiñanti pese ñanunekakaxti Cristo, champɨti Tupax chepeti. Tapɨti naki sɨsioti aɨbu axɨmanu ñanunekakaxti, anati chepeti Yaɨtoti chepetityo Aɨtoxti.

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

Hebreos 1:6

Au kiatax narɨkɨkixh, naukiche aityusiankanati naki kusɨrɨboti Aɨtoxti iku axɨna kɨx, nantɨ iku Nikorox: “Tari namanaiña axɨbama ángeles auki napes anauma ɨmoti.”

Efesios 6:24

Tari uiti aikunusɨankanati año namanaiña axɨbama taruku nikuasɨrɨkɨxti Yɨriabux Jesucristo ɨmoma.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

Romanos 8:9

Tapɨ axaño chausɨborikiaikipɨ isiuki nixhantɨmo naukɨtɨpɨ, ta isiuki noñemaxti Espíritu Santo, tyopiki axti Espíritu auki napes anati aukɨtɨpɨ. Axti naki champɨti nesaxti Espíritu Cristo kɨtɨpɨti, chanatipɨ chepeti Cristo.

1 Corintios 10:31

Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.

Romanos 6:22

Tapɨ kaɨma, tautaesɨbuka pɨnanaki nomɨnantɨ, apaserebikia kaɨma ɨmoti Tupax. Apisamute axɨna uxia ɨmoti. Au nityakɨrux iyebo aboi au napes, kauta champɨ nityakɨru nausɨboriki.

San Juan 16:14

Uiti ñana aityusiankati nisɨriaka, ityopiki yasutiuti ñana axɨna ane sobi nauki aityusiankati ausukarɨ.

1 Corintios 6:19

¿Unka tusiu aume axɨna naukɨtɨpɨ tyone nipoxti Espíritu Santo axɨna toxio aume uiti Tupax, sane naukiche axti Espíritu Santo po'osoti aukɨtɨpɨ? Axɨna naukɨtɨpɨ chɨtɨpɨ naubesatoe,

San Mateo 12:21

Namanaiña mañoñɨnka ikuki axɨna kɨx ñana onkomatɨ ɨmoti.”

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

2 Corintios 5:19

Axti Tupax anankati aɨbuti Cristo ixhimiakatati aɨbutiatoe axɨba nomɨnantɨ ui namanaiña. Auki ikɨpuruti somɨ suburaboi axɨba omixhia nuraxti.

2 Corintios 1:9

Sukanasomɨ kaɨmampae ityabairoma oñɨ. Ui axɨna sane atusi suiñemo tapɨ ananto soboi somonkatɨ suiñemoantoe, ta ɨmoti Tupax naki uiche sɨborikoma tato axɨbama tɨkoiñoma.

1 Corintios 1:3

Tari axti Tupax naki Uyaɨ chepeti Yɨriabux Jesucristo aukurusɨka uimia aixhimiakama nomɨnantɨ aboi.

San Juan 14:1

Auki nanti Jesús ɨmoma axɨmanuma nesaxti apóstoles: Tapɨ ausucheka, amonsotɨ ɨmoti Tupax amonkatityo iñemo.

San Mateo 10:37

“Axti naki taruku nikuaxti ɨmoti yaɨtoti ichepe nipiakɨtoti xhopɨnanakiñɨ, chɨkoñopɨtɨ ɨmoti ayetitɨ isiuñɨ.

2 Corintios 5:14

Axɨna nukuasɨrɨkɨ ɨmoti Cristo sɨsio suisɨtɨpɨ naukiche tɨtusiu suiñemo koiñoti taman tyaku namanaiña, sane naukiche namanaiña koiñoma.

1 Corintios 16:22

Axtɨ anati naki chɨkuasɨrɨtipɨ Yɨriabux Jesús ɨmoti, ¡tari pauxamanati uiti Tupax!

Romanos 15:12

Nantityo sane ñakonomosoxti naki profeta Isaías: “Ityusiankanɨ ñana nityakɨbaɨtuxti Jesé, atɨraiti ñana nauki yɨriabuxti ɨmo mañoñɨnka ikuki axɨna kɨx, axɨma ñana onkomatɨ ɨmoti.”

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

San Juan 17:10

Nanaiña axɨna ane sobi ta naesaityo, nanaiña axɨna ane obi ta niyesaityo. Axɨna nisɨriaka uimia aityusiankama.

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

2 Pedro 1:1

Axɨñɨ Simón Peru yaserebikia ɨmoti Jesucristo anankañɨntyo isiuti, nixhakionko tanu ɨmoma axɨbama ikokoromati Jesús takana axɨsomɨ, tyopiki axti naki Tupax oemo chepeti Jesucristo uxia ñapanaunkuxti.

San Mateo 15:8

‘Axɨbama mañoñɨnka iñanaunumañɨ ui naruxɨmantai, tapɨ nausasɨxɨma ane iche xhopɨnanakiñɨ.