San Juan 4:42 - Manityanati Tupax

⁴² Auki namatɨ ɨmo axɨmanu paɨx: –Kaɨmampae sopikokota, chɨtɨpɨ ui axɨna urapoi suisukarɨ, ta ui axɨna somonkoi axɨsomɨ nuraxtiatoe tusiu suiñemo ñemanauntu tyonenti naki uiche aityaesɨmunuti axɨna kɨx eanaki nomɨnantɨ.

Manitanati Tuparrü

⁴² Namatü ümo manu paürrü: —Caümampae sopicococati champürrtü ui arrüna urapoi suisucarü, si no ui arrüna somoncoi nurarrtiatoe. Caüma tusio nurria suiñemo ta tonenti Cristo, naqui uiche taesüburuma macrirtianuca icuqui na cürrü eanaqui nomünantü.

San Juan 4:42 הפניות הצלבה

1 Juan 4:14

Axɨsomɨ sumastai axti Tupax bakɨpuruti ɨmoti Aɨtoxti nauki ataesɨbuma namanaiña axɨbama ikuki axɨna kɨx.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

1 Timoteo 4:10

Tyopiki axɨna sane uiñata nuxia narukux oemo bapachekaityo nikiubu oñɨ, tyopiki oñonkatɨ ɨmoti Tupax, tyonenti naki uiche ane maximiakatax ɨmo namanaiña, ɨmomampae axɨbama ikokoromati.

2 Corintios 5:19

Axti Tupax anankati aɨbuti Cristo ixhimiakatati aɨbutiatoe axɨba nomɨnantɨ ui namanaiña. Auki ikɨpuruti somɨ suburaboi axɨba omixhia nuraxti.

Hechos 4:12

Champɨti kiatax uiche ane maximiakatax oemo, ityopiki iku axɨna kɨx, tyonentiatai axti naki ane nɨriakaxti aixhimiakati nomɨnantɨ osoi.

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

San Juan 4:29

–Ausiapata amasarai taman noñɨnx urapoi sukarɨñɨ nanaiña axɨna uxiante sobi. ¿Ensapɨ chityonempɨ axɨmanu Mesías?

San Lucas 2:32

Tyonenti takana basarux kuara ñana ɨmo namanaiña iku axɨna kɨx tyonenti ñana ipukɨnunkubuma axɨbama aɨtaiki auki Israel.”

San Juan 11:17

Naukiche iñataiti Jesús au Betania, tɨtabe cuatro naneneka nakaxti Lázaro kɨtu.

San Mateo 1:21

Mariax, anati taunainki ipiaɨmakax, aiña ɨriboti Jesús. Sane nɨrixhti ityopiki uiti ñana taesɨburuma namanaiña eanaki nomɨnantɨ.”

San Juan 4:41

sɨrɨmanama axɨbama ikokoromati naukiche onkoimia axɨna nuraxtiatoe.

Hechos 5:31

Atɨraiti tato uiti Tupax auki aityɨmokonoti au nepanaunkuxti, Yɨriabuxti uiti naki uiche utaesɨbuka ñopɨnanaki nominainte, nauki axɨbama auki Israel aiñokoma nomɨnantɨ sane ixhimiakatati Tupax nomɨnantɨ uimia.

Hechos 13:23

Tamanti axɨpekukimia axɨmanuma nityakɨbaɨtuxti David tyonenti Jesús, naki bakɨpukux ɨmoti uiti Tupax, nauki ataesɨbuma eanaki nomɨnantɨ axɨbama auki Israel, takana axɨna nuraxti tɨkañe.

1 Juan 2:2

Uiti Tupax moximiakana nomɨnantɨ osoi axɨbaityo nomɨnantɨ ikuki axɨna kɨx tyopiki axti Cristo ityoximianatiyɨ auki noñemaxtiatoe nauki akonti utaku.