San Juan 14:9 - Manityanati Tupax

⁹ Aiñumuti Jesús nuraxti: –Felipe, tɨkoboi niyaka auna abaxɨpeku, ¿kaɨmainki chasuputakapɨñɨ? Axti naki asaratiñɨ, asaratityo naki Iyaɨ. ¿Kausane ankirio nauki ityusiankanati Iyaɨ ausukarɨ?

Manitanati Tuparrü

⁹ Aiñumuti Jesús, nanti ümoti: —Onsoi Felipe: Tücoboi niyaca auchepe. ¿Causane chapisuputacapüñünqui? Itopiqui arrti naqui asaratiñü, asaratitito naqui Iyaü. ¿Causane anquirio rropünanaquiñü nauqui itusiancanati naqui Iyaü ausucarü?

San Juan 14:9 הפניות הצלבה

Colosenses 1:15

Axti Cristo tyonenti Aɨtoxti Tupax, aukiapae ñemonkox tɨkañe tanankati pɨnanaki axɨna kɨx. Tyonenti naki nausɨpɨtuxti Tupax naki chubasakatipɨ.

San Juan 12:45

Axtɨ anati naki asaratiñɨ, asaratityo naki uiche aikɨpurutiñɨ.

San Juan 14:7

Axtɨ ausuputakañɨ, ausuputakatityo ñana Iyaɨ. Auki na kaɨma chauki tausuputakati chaukityo tamasakati.

Hebreos 1:3

Tyonenti naki yarusɨrɨx nanentakaxti Tupax, tyoneantoe nakaxti Tupax naki uiche bosɨboriko nanaiña axɨba abe iku axɨna kɨx ui nɨriaka nuraxti. Naukiche tɨkicheseña nokɨtɨpɨ uiti pɨnanaki nomɨnantɨ, tɨmonsoti au nepanaunku nityɨmoxti Tupax au napes,

San Juan 10:30

Axɨñɨ ichepeti Iyaɨ kunauntañantai subaka.

San Juan 1:14

Axti maniki Manityakax oñɨnkati po'osoti auna uyaxɨpeku. Axoñɨ bastai niyarusɨrɨkɨxti, axɨna toxio ɨmoti uiti Yaɨtoti, ityopiki tyonenti kunauntañati Aɨtoxti, ityusiankatati usukarɨ axɨna nipukɨruxti takanaintyo axɨna ñemanauntu.

Filipenses 2:6

Axti Cristo tyonentiatoe Tupax, chubatiotipɨ niyarusɨrɨkɨxti.

San Juan 14:20

Au axɨmanu nanenes ñana, tusiu aume axɨñɨ yaka ichepeti Iyaɨ, tapɨ axaño abakaityo ichepeñɨ, axɨñɨntyo yaka auchepe.

San Marcos 9:19

Aiñumuti Jesús: –¡Axaño mañoñɨnka champɨ napakokonaunku! ¿Auchepɨpae iñokonaño apanauntaka? ¿Auchepɨ ñana aye aboi? Apikiasti tauna maniki ñaɨma.

San Lucas 12:56

¡Axɨbama chapisamutempɨ axɨna aburapoi! Axaño tusiu nuxia aume kausane naka napes ichepe kɨx, ¿kausanempɨ amukanaño chapipiakapɨ apichepekanio axɨba naskɨbeka ausukarɨ?

1 Corintios 15:12

Axtɨ axɨna suburapoi tyone axɨna sɨborikoti tato Cristo, ¿kausane aboma abaxɨpeku axɨbama namatɨ, axɨbama tɨkoiñoma chɨsɨborikopɨma tato?

San Juan 8:19

Ñankitioma pɨnanakiti –¿Kauta nakaxti aɨma? Aiñumuti Jesús nuraxɨma: –Axtɨ ausuputakapɨñɨ, ausuputakatipityo Iyaɨ.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.