Apocalipsis 2:9 - Manityanati Tupax

⁹ Tusiu iñemo natakisɨrɨkɨ champɨ nenaxi, ñemanauntu au nastaxti Tupax axɨkɨ taruku nenaxi. Tusiuityo iñemo axɨba chomixhampɨ nuraxɨma akɨtɨpɨkɨ axɨbama namatɨ tyonema judíos, ñemanauntu tyonema nesaxti apóstoles chobores.

Manitanati Tuparrü

⁹ Tusio iñemo arrüna nautaquisürücü auqui niyaca, y arrüna naupoberequi auna icu na cürrü, pero ta rricurrü año au napese. Tusio ito iñemo arrüna ñanitacarrüma aume bama namatü israelitarrüma, y tacane iñanaunumati Tuparrü, abu chüsanempü. Arrüma icocotama nurarrti choborese.

Apocalipsis 2:9 הפניות הצלבה

Apocalipsis 3:9

Astai ñana axɨna niyachɨkoi aɨbuma axɨmanuma mañapanka ikokoromati chobores. Namatɨ ta tyonema judíos, abo chɨsanempɨ, sobi bachesoiyoma aesakɨ, nauki atusi ɨmoma taruku nakuasɨrɨkɨ iñemo.

2 Corintios 8:9

Tyopiki tɨtusiu aume axti naki Yɨriabux oemo Jesucristo, ui nukuasɨrɨkɨ ɨmoti, abo chiyaupɨ nenaxixhti iñatati takanati naki champɨ nenaxixhti autopiki, yakɨna ui axɨna taruku nityakisɨrɨkɨxti axaño taruku namenaxi.

Romanos 9:6

Chensoropɨ nɨriakax axɨna nuraxti Tupax ɨmo axɨbama auki Israel. Tyopiki chɨtɨpɨ namanaiña axɨbama aɨtoxti Israel ñemanauntu tyonema auki Israel.

2 Corintios 6:10

Takana axtɨ suisucheka, abo taruku suipukɨnunku. Takana axtɨ taruku suichakisɨrɨkɨ, tapɨ makiataka ane nenaxɨxhimia soboi. Takana axtɨ champɨ isane suiñemo, abo ane nanaiña suiñemo.

1 Timoteo 6:18

Aikɨpusuma nauki aisamunema axɨna uxia, tari chiyaupɨ nenaxixhimia oboi axɨbama omixhia isamutema, tari makumananaunxɨma tarukuityo nipukɨruxɨma.

San Lucas 4:18

“Axti Espíritu uiti Yɨriabux anati sɨtɨpɨñɨ, ityopiki ikunusɨankanatiñɨ nauki yɨrotɨ yupu axɨba omixhia manityakax ɨmo axɨbama takisɨrɨma. Ikɨpurutiñɨ suraboi nityaesɨbukuxɨma axɨbama amanamampo axɨbama supusu nauki asaramatɨ tato sobi. Ataesɨbuma sobi axɨbama takisɨrɨma ui makiataka.

Apocalipsis 2:2

Tusiu iñemo nanaiña axɨna aisamute. Isuputakai natakisɨrɨkɨ kuata nachɨkoi axɨnaintyo aruku nuxia aemo, tusiu iñemo atakisɨrɨka uimia axɨbama chuxiampɨ nisɨborikixhimia. Tusiuityo iñemo ta aiñata makokotox ɨmoma axɨbama mapañama anunekama au nisɨri, tabɨko obi ñapantuxɨma.

San Lucas 6:20

Asaratitɨ Jesús ɨmo axɨbama nesaxti apóstoles, nanti ɨmoma: “Taikiana chiyaupɨ naupukɨnunku axɨbama autakisɨrɨka, ityopiki aume ñana atoxi nɨriakaxti Tupax.

Romanos 12:12

Tari taruku naupukɨnunku ui axɨmanu toxiobo ñana aume. Tari taruku narukux aume axtɨ autakisɨrɨka. Tapɨ ane nanenes chameankapɨ.

Romanos 5:3

Chityoneantaipɨ, upukɨnunkaityo oboi nutakisɨrɨkɨ. Tyopiki tusiu oemo ui axɨna nutakisɨrɨkɨ chuɨkapɨtɨ isiu kiatax mapanaunkux,

1 Timoteo 1:13

Tɨkañe chuxiampatai sobi ɨmoti Jesucristo, taruku nixhunku ɨmoti. Tapɨti Tupax pukɨrusuti chakuñɨ, tyopiki axɨñɨ chisuputakatikipɨ Cristo chɨtusiupɨtyo iñemo isane axɨna isamute.

1 Tesalonicenses 3:4

Naukiche subakaiki tɨkañe auchepe, tɨsuburapoi ausukarɨ ta abe ñana axɨba chɨtamampatai. Axaño tɨtusiu aume, sane uxiante.

2 Corintios 8:2

Axɨpekuki nautakisɨrɨkɨ ui axɨmanu makokotox aume, taruku naupukɨnunku. Axɨna champɨ namenaxi, sɨrɨmana napakumanata takana axtɨ tarukapae namenaxi.

Romanos 8:35

¿Ensapɨ anati naki uiche aikiaɨburuti oñɨ pɨnanaki nukuasɨrɨkɨ ɨmoti Cristo? ¿Nutakisɨrɨkɨ, axtɨ tɨborikomantai oemo, axtɨ matanekaka ñɨnana makiataka, nokɨrɨpɨ, axtɨ champɨ nusaibi, axtɨ ityabairoma oñɨ?

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.

San Lucas 22:65

Unumati oboi axɨba chɨtamampɨ nuraxɨma kɨtɨpɨti.

San Lucas 12:21

Sane uxiante ɨmoti ñoñɨnx naki iñaɨbutati nenaxixhti tyakutiatoe, tapɨ kutakikiboti Tupax chiyaupɨ nityakisɨrɨkɨxti.”

Romanos 2:17

Axɨkɨ nɨri judíoxɨkɨ, onkatɨ ɨmo bakɨpukux uiti Moisés, onkatɨ ɨmoti Tupax aemo.

Hechos 26:11

Taruku nityakisɨrɨkɨxɨma sobi au nanaiña axɨmanio sinagogas nauki aiñokoma ñakokonaunkuxɨma, taruku nichɨbori kuatama yɨkatɨ isiuma axtɨ besɨburuma au pikiataka poka tanu ichee.

Hechos 14:22

Au axɨmanio poka manityanama nuxia aɨbu axɨmanuma ikokoromati Jesús, makuansomokonoma ɨmoma tapɨ iñokotama ñakokonaunkuxɨma, namatɨ ɨmoma, nauki aye osoi esati Tupax taruku nutakisɨrɨkɨ ui axɨbama chuxiampɨ ɨmoma.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

Apocalipsis 1:9

Axɨñɨ Kuan, isaruki año isiukiti Cristo, tyopiki axaño takana axɨñɨ oñonkatɨ ɨmoti. Ui axɨna ñonkatɨ ɨmoti, iyebo ñana sobi axɨmanu nanentakax esati Tupax takana axaño, ichakisɨrɨka nauki tapɨ ichapeneka oboi. Tyopiki surapoi nuraxti Tupax xhanityakaityo kɨtɨpɨti Jesucristo ikɨpurumañɨ au axɨmanu kɨx ane tux tyupeku nɨrixh Patmos.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.

Apocalipsis 2:24

Tapɨ axaño namanaiña axɨbama aboma au Tiatira, axɨbama champɨ ɨmoma axɨmanu manunekatax, champɨityo axtɨ tusiu ɨmoma axɨmanu niyarusɨrɨkɨ nipiakaxti chobores, sukanañɨ aume axɨna nixhakɨpuku.