3 Juan 1:3 - Manityanati Tupax

³ Taruku nipukɨnunku naukiche iñataimia axɨbama usarukityaiki uraboimia sukarɨñɨ ta axɨkɨ sɨsiokɨ aɨbu nakokonaunku ɨmo axɨna ñemanauntu ñanunekakaxti Jesucristo oemo.

Manitanati Tuparrü

³ Tarucu nipucünuncu, nauquiche iñataimia bama mümanama usaruquitaiqui. Urapoimia isucarüñü arrüna nacoconauncu ümo arrüna ñemanauntu manunecatarrü. Aiñata nasüboriqui isiuqui.

3 Juan 1:3 הפניות הצלבה

2 Juan 1:4

Taruku nipukɨnunku tyopiki aboma axɨbama isuñukama abaxɨpekuki isamutema nisɨborikixhimia isiuki axɨna ñemanauntu, takana yakɨpukuxti oemo Tupax naki Uyaɨ.

2 Juan 1:2

Aukuasɨrɨka iñemo tyopiki axɨna ñemanauntu ane au nuyausasɨ axɨna sɨsio usaɨbu ɨmo nanaiña naskɨbeka.

3 Juan 1:4

Champɨ kiatax uiche taruku nipukɨnunku axɨna tusiu iñemo axɨbama isaɨtaiki ikokotama axɨna ñemanauntu ñanunekasaxti Tupax oemo.

Filipenses 1:4

Axtɨ xheanka, xhankikia aɨbu nipukɨnunku tyaku namanaiña.

Hechos 1:15

Au axɨmanio naneneka nanti Peru ɨmoma axɨmanuma ikokoromati Jesús oberabarama akamanu, saimia ciento veinte nububikixhimia, nanti ɨmoma:

1 Corintios 13:6

Tapɨ upukɨnunka ui axɨna chuxiampɨ isamutema ɨmo makiataka, upukɨnuna ui axɨna ñemanauntu.

Gálatas 6:10

Sane naukiche, axtɨ chebo oemo, tari uisamune axɨna uxia ɨmo namanaiña, ɨmomampae axɨbama ikokoromati Jesús ochepe.

3 Juan 1:2

Isaruki Gayo, xhankikia pɨnanakiti Tupax, nauki uxia nasɨboriki, xhankikiaityo pɨnanakiti nauki uxia aemo au nanaiña axɨna aisamute, nauki uxiaintyo nakɨtɨpɨ.

3 Juan 1:5

Axɨkɨ saruki, uxia axɨna aisamute tyopiki asakatɨ tyaku makiataka axɨbama ikokoromati Cristo, axɨbamampae kuamatɨ auki kiatax narɨkɨkixh.

3 Juan 1:10

Sane naukiche axtɨ yɨkatɨ tanu yasaraño, ikuansomokokati, tyopiki chuxiampɨ nuraxti oemo. Chityoneantaipɨ, chasaratitɨpɨ ɨmoma axɨbama ikokoromati Jesús auki kiatax narɨkɨkixh. Axtɨ anati naki xhanxti asuriuruma au nipoxti, chuxiampɨ ɨmoti penekotityo uiti axɨpekukimia axɨbama ikokoromati Jesús.