1 Juan 5:1 - Manityanati Tupax

¹ Namanaiña axɨbama ikokotama axti Jesús tyonenti Mesías, tyonenti aɨtoxti Tupax. Axti naki kuasɨrɨti ɨmoti naki aboma aɨtoxti, kuasɨrɨmaintyo ɨmoti axɨbama aɨtoxti.

Manitanati Tuparrü

¹ Namanaiña bama icocotama, que arrti Jesús tonenti Cristo, tonema bama aütorrti Tuparrü. Arrtü cuasürüti oemo taman ñoñünrrü, tiene que acuasürüma ito oemo bama aütorrti.

1 Juan 5:1 הפניות הצלבה

1 Juan 2:29

Axaño tusiu aume, axti Jesucristo isamutenti nanaiña axɨna uxia ɨmoti Tupax, tari atusityo aume ta namanaiña axɨbama isamutema axɨna uxia ɨmoti Tupax tyonema axɨbama aɨtoxti.

San Juan 8:42

Aiñumuti Jesús nuraxɨma: –Axtɨ ñemanauntupɨ aɨtoxti Tupax año, isuasɨrɨkapɨ aume, ityopiki axɨñɨ isekatɨ esakiti Tupax. Chisekapɨtɨ ui niñoñemantoe, uiti Tupax aikɨpurutiñɨ.

1 Juan 4:7

Masarukityaiki, tari ukuasɨrɨ oemoantoe, tyopiki axɨna makumananaunkux kuatɨ esakiti Tupax. Axti naki makumananaunx tyonenti aɨtoxti Tupax ta isuputaratityo Tupax.

1 Juan 3:14

Axoñɨ auki nokonko uɨkatɨ ɨmo nosɨboriki, tusiu nuxia oemo tyopiki kuasɨrɨma oemo axɨbama usarukityaiki. Axti naki chɨmakumananauntipɨ ta takana axtɨ tɨkoiñoti.

1 Juan 5:4

Tyopiki axti naki aɨtoxti Tupax tapeneko uiti nomɨnantɨ ikuki axɨna kɨx. Axti naki onkotitɨ ɨmoti Jesucristo chɨtapenekotipɨ oboi nomɨnantɨ.

1 Juan 4:20

Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

1 Juan 3:9

Champɨti taman aɨtoxti Tupax isamutenti axɨna nominainte, tyopiki ane kɨtɨpɨti nisɨborikixhti Tupax. Sane naukiche champɨ chɨchebopɨ ɨmoti aisamunenti axɨba nomɨnantɨ tyopiki tyonenti aɨtoxti Tupax.

San Juan 3:3

Nanti Jesús ɨmoti: –Ñemanauntu sukañɨ aemo axti naki chɨkuatatipɨ tato iku kɨx, chiyebopɨ uiti asaraiti nɨriakaxti Tupax.

San Mateo 16:16

Aiñumuti Simón Peru nuraxti: –Axɨkɨ tyonenti Mesías, Aɨtoxti Tupax naki sɨborikoti.

1 Juan 2:10

Axti naki kuasɨrɨti kiatax ɨmoti anati au nanentax, champɨ isane uiche atapeneti.

San Juan 15:23

Axɨbama chuxiampɨ uimia iñemo, chuxiampityo uimia ɨmoti Iyaɨ.

1 Juan 4:2

Sane tusiu aume ñakuti naki ane nesaxti Espíritu Tupax kɨtɨpɨti: namanaiña axɨbama ikokotama ta axti Jesucristo kuatati takanati naki ñemanaunkuxatoe ñoñɨnx, ane noñemaxti Espíritu uiti Tupax kɨtɨpɨti.

1 Pedro 1:3

Uiñanaunati Tupax Yaɨtoti Yɨriabux Jesucristo, ui yarusɨrɨx nipukɨruxti kiatax kaɨma axɨna nosɨboriki tyopiki sɨborikoti tato Jesucristo. Tyone axɨna kɨmenuche baxɨperaka,

Santiago 1:18

Axti Tupax sane nixhankaxti, toxio uiti osɨborikibo oboi axɨmanio ñemanauntu nuraxti, nauki axoñɨ ukusɨrɨka yupu nanaiña axɨba nisamukuxti.

San Juan 6:69

Axɨsomɨ tɨsopikokota nura, tɨtusiu suiñemo ta axɨkɨ Aɨtoxti Tupax.

1 Juan 3:17

Axtɨ tamanti naki taruku nenaxixhti astaiti ane nixhantɨmoti yarukityoxti, tapɨti champɨ isane toxio uiti ɨmoti, au nausasɨxti champɨ ñakumananaunkuxti Tupax.

Hechos 8:36

Isiu axɨmanu kutubiux iñataimia kauta ane tux, nanti maniki yɨriabux ɨmoti. –Auna ane tux. ¿Kausane chaunimiakapɨ iñemo?

San Juan 1:3

Auki axɨmanu manityakax, isamutenti Tupax nanaiña axɨba abe. Champɨ axɨna ane chɨtɨpɨ uiti aisamunenti.

1 Juan 5:5

Axti naki ikokotati axti Jesús ta tyonenti Aɨtoxti Tupax, tapeneko uiti nomɨnantɨ ikuki axɨna kɨx.

1 Juan 5:18

Tusiu oemo axɨbama aɨtoxti Tupax, chisamutempɨma axɨba nomɨnantɨ, tyopiki axti Aɨtoxti Tupax asaratitɨ tyakuti tapɨ tapenekoti uiti chobores.

San Lucas 7:5

tyopiki kuasɨrɨ ɨmoti axɨna nokɨ'ɨ uitityo aisamunenti suiñemo axɨna sinagoga.

Hechos 8:37

Nanti Felipe ɨmoti: –Axtɨ ñemanauntu aikokota, champɨ kausane. Aiñumuti sane: –Axɨñɨ ikokota tyonenti Jesucristo Aɨtoxti Tupax.