1 Juan 3:8 - Manityanati Tupax

⁸ Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

Manitanati Tuparrü

⁸ Itopiqui arrti naqui masamunu nomünantü, baserebioti ümoti choborese, itopiqui arrti choborese nomünantü nacarrti auqui maübo. Pero arrti Jesús, naqui Aütorrti Tuparrü, cuati icu na cürrü nauqui aiñarrimiatati nanaiña arrüba chomirriampü nisamucurrti choborese.

1 Juan 3:8 הפניות הצלבה

Hebreos 2:14

Saneityo, takana masiomanka aukiti tamanti yaɨtoxɨma tamaintyo nipiakɨtoxɨma, tyoneantoe nikɨtɨpɨxɨma takanaintyo notoxɨma axɨbama yaɨtoxɨma, sanentityo Jesús ane tɨkañe nikɨtɨpɨxti anentyo notoxti takana axoñɨ, sane ui nikonkoxti koiñoti uiti maniki ane nɨriakaxti atabaiti, axti naki ta tyonenti chobores.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

Colosenses 2:15

Kaɨburu uiti Tupax nɨriakaxɨma axɨbama machoboreka ane nɨriakaxɨma iku axɨna kɨx, uiti Cristo champɨ nɨriakaxɨma sukarɨ namanaiña, naukiche sɨromatɨ uiti tomoenoma kauta tusiankana nikusɨuxti.

Romanos 16:20

Sane axti Tupax naki uiche uxia nabaka konto ñana sɨroti chobores uiti ñokiana naupope. Tari uiti ikunusɨankanati año axti Yɨriabux Jesucristo.

San Juan 16:11

Axti naki ɨmoche manityomokotox uiti Tupax: tyonenti naki yɨriabux iku axɨna kɨx, axti naki tiyasutiuti nityakisɨrɨkɨxti.

San Juan 12:31

Kaɨma axɨbama ikuki axɨna kɨx iñatai ɨmoma axɨna tyakɨrux nanenes, kaɨma penekoti tyɨrɨpo naki bakɨpuru iku axɨna kɨx.

2 Pedro 2:4

Axti Tupax chañekanapɨma uiti axɨmanuma ángeles isamutema nomɨnantɨ, ta penekoma uiti au infierno akamanu sɨsioma uiti au tomikianene, tomoenoma ui karenax kɨmenu axɨmanu ñana tyakɨrux nanenes.

San Marcos 1:24

–¿Kausane asikia suisuata, Jesús auki Nazaret? ¿Ayekatɨ nauki aityabairosomɨ? Isuputakɨ, tusiu iñemo axɨkɨ champɨ naipɨnate ɨmoti Tupax.

Efesios 2:2

au nausɨboriki, tyopiki amekatɨ yusiu ñapanaunkuxɨma axɨbama ikuki axɨna kɨx, apisamute noñemaxti Chobores naki yɨriabuxti iku axɨna kɨx yɨriabuxtityo ɨmoma makiataka machoboreka naki bakɨpuruti ɨmoma axɨbama chɨmakokonaumpɨma ɨmoti Tupax.

San Lucas 10:18

Nanti Jesús ɨmoma: –Ñemanauntu, yasakatɨ ɨmoti chobores nipiakikixhti auki napes takana axtɨ masɨnaka.

1 Juan 3:10

Tɨtusiuma ñakusanema axɨbama aɨtoxti Tupax ñakusanemaintyo axɨbama aɨtoxti chobores, tyopiki axti naki chisamutentipɨ axɨna uxia chɨkuasɨrɨtipɨ yarukityoxti ɨmoti, chityonentipɨ aɨtoxti Tupax.

San Mateo 13:38

tapɨ axɨmanu ñanaunx tyone axɨna kɨx. Axɨmanio omixhia sɨrobo kɨtu tyonema axɨbama uxia nisɨborikixhimia, tapɨ axɨmanu chuxiampɨ naxchopɨro tyonema axɨbama chuxiampɨ nisɨborikixhimia,

Apocalipsis 20:10

Tapɨti maniki chobores, uiche atapenema, penekoti au axɨmanu narubaityu pes aɨbu azufre, axɨmanu kauta peneko axɨmanu numukianx ichepeti maniki chɨtɨpɨ profeta. Akamanu ñana champɨ nityakɨru nityakisɨrɨkɨxɨma au sapes takanaintyo au tobixh.

1 Juan 5:19

Tusiu oemo ta aɨtoxti Tupax oñɨ, tapɨ axɨbama makiataka iku axɨna kɨx aboma kiana nɨriakaxti chobores.

1 Juan 3:5

Axaño tɨtusiu aume axti Jesucristo kuatati iku kɨx tɨkañe nauki aikiaɨbuti nomɨnantɨ, champɨ nomɨnantɨ uiti.

Apocalipsis 20:15

akamanuintyo penekoma namanaiña axɨbama champɨ nɨrixhimia iku axɨmanu kichonimiakax ɨmo sɨborikixh.

SAN JUDAS 1:6

Axɨbamaintyo ángeles chɨmakokonaumpɨma, onkono uimia nipoxɨma, amanamampo uiti Tupax kauta tarukapae tomikianene chepe axtɨ iñatai ñana axɨmanu nanenes ñana.

San Mateo 4:3

Axtɨ sɨrotitɨ chobores esati Jesús nauki aiñanti ñakokotoxti ɨmoti, nanti ɨmoti: –Axtɨ ñemanauntu axɨkɨ Aɨtoxti Tupax, akɨpu ñome axɨba kanka nauki apisamunaño pan.

San Mateo 12:28

Axtɨ axɨñɨ penekoma sobi machoboreka uiti Espíritu nesaxti Tupax, tyone axɨna nantɨ nɨriakax auki napes tɨtane abaxɨpeku.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

Hebreos 9:26

Axtɨ sanempɨ, axti Cristo chaiyataipɨ nikonkoxti aukiapae maɨbo uxiane kɨx. Tapɨ kaɨma axɨna tɨsaimia nityakɨru axɨba naskɨbeka, axti Cristo tamantai niyɨkɨx ityusiankanatiyɨ ɨmo nanaiña naskɨbeka, ityoximianatiyɨ takana makumanatax ityopiki axɨba nomɨnantɨ osoi.

1 Juan 1:2

Axɨmanu sɨborikixh ityusiankanɨ: axɨsomɨ sumastai supanityaka kɨtɨpɨ, suburapoi ausukarɨ axɨna sɨborikixh champɨ nityakɨrux, tyone ananka chepeti Uyaɨ auki ityusiankanɨ usukarɨ.