Biblia Todo Logo
תנ״ך מקוון

- פרסומות -




1 Juan 2:7 - Manityanati Tupax

7 Masarukityaiki, axɨna bakɨpukux xhakonomoka aume chɨtɨpɨ aɨbo: tyone axɨmanu tɨkañe apasutiu aukiapae maɨbo. Axɨna bakɨpukux nanankax tyone axɨna tɨtusiu aume.

ראה את הפרק עותק

Manitanati Tuparrü

7 Masaruquitaiqui, champürrtü rracüpuca aume taman bacüpucurrü nuevurrü, ta rraconomoca aume icütüpü arrüna bacüpucurrü tanancatai auqui maübo. Chauqui tamoncoi.

ראה את הפרק עותק




1 Juan 2:7
22 הפניות הצלבה  

Tyone axɨna manityakax amonkoi auki maɨbo: tari ukuasɨrɨ oemomatoe.


Axɨmanu yakɨpukuxti oemo ta nauki uikokoroti Jesucristo naki Aɨtoxti, nauki ukuasɨrɨtyo oemoantoe takana yakɨpukuxti Jesús.


Sane naukiche apiñaɨbu au nabausasɨ axɨmanu manityakax amonkoi auki maɨbo apikokoroti Jesús. Axtɨ axɨna amonkoi auki maɨbo sɨsio au nabausasɨ, axaño abaka chepeti Aɨtoxti chepetityo Yaɨtoti.


“Amonkoityo axɨna nantɨ sane: ‘Tari akuasɨrɨti aemo axti naki uxia uiti aemo atɨbori ɨmoti naki chuxiampɨ uiti aemo.’


Tomoenoti uimia sɨromatɨ aɨbuti au Areópago, namatɨ: –Suixhanka atusi suiñemo axɨna nanunekaka sane.


“Toxio sobi aume axɨna aɨbo bakɨpukux: Aukuasɨrɨ aumeampatoe. Sane takana naukuasɨrɨkɨ iñemo.”


Masarukityaiki, sukanasomɨ aume axɨna sane, tusiu suiñemo ta axaño chapiñokotapɨ napakokonaunku, ta amonkatɨ nuxia ɨmoti Tupax. Tyone axɨna koñotɨ apisamune, tyopiki sane ane maximiakatax aume.


Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.


Masarukityaiki, axtɨ nuyausasɨ champɨ urapoboibo okɨtɨpɨ, sane oñonkatɨ ta axti Tupax champɨityo urapoboiboti oemo.


Masarukityaiki, tapɨ apikokota nuraxɨma axɨbama namatɨ profetaxɨma, apiña makokotox ɨmoma, nauki atusi axtɨ ñemanauntu axɨmanu nuraxɨma. Tyopiki iku axɨna kɨx sɨrɨmanama axɨbama mapañama anityama au nɨrixhti Tupax.


Masarukityaiki, tari ukuasɨrɨ oemoantoe, tyopiki axɨna makumananaunkux kuatɨ esakiti Tupax. Axti naki makumananaunx tyonenti aɨtoxti Tupax ta isuputaratityo Tupax.


Masarukityaiki, axtɨ axti Tupax sane nukuasɨrɨkɨ ɨmoti, axoñɨntyo tari sane nukuasɨrɨkɨ oemoantoe.


Axti Jesucristo toxio uiti oemo axɨna bakɨpukux: axti naki kuasɨrɨti Tupax ɨmoti, tari akuasɨrɨtityo yarukityoxti ɨmoti.


לעקוב אחרינו:

פרסומות


פרסומות