1 Juan 1:6 - Manityanati Tupax

⁶ Axtɨ usukana oñɨ usaka chepeti, tapɨ nosɨboriki ane au tomikianene, mapanka ta chuisamutempɨ axɨna ñemanauntu.

Manitanati Tuparrü

⁶ Arrtü usucana oñü que usaca ichepeti Tuparrü y anati au nuyausasü, pero seguibo oñü nubavivi eana tomiquianene, o sea eana nomünantü, ñapanrrü oñü au nosüboriqui ui arrüna sane nubachücoi. Chübaviviquiapü isiu arrüna ñemanauntu manunecatarrü.

1 Juan 1:6 הפניות הצלבה

1 Juan 4:20

Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

1 Juan 2:4

Tapɨ axtɨ anati naki nanti: “Axɨñɨ isuputakati Tupax”, tapɨ yakɨpukuxti chikokotatipɨ, taruku ñapantuxti, chɨnantipɨ axɨna ñemanauntu.

1 Juan 1:10

Axtɨ usukana oñɨ ta champɨ nomɨnantɨ osoi, takana axtɨ taruku ñapantuxti Tupax osoi champɨityo axtɨ uikokota nuxia nuraxti.

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

San Juan 12:35

Nanti Jesús ɨmoma: –Sɨsioki abaxɨpeku axɨna basarux, ñome mɨmanantai naneneka. Apikokosoñɨ axɨna yakaiki auchepe. Axtɨ apikokokañɨ amamenka isiu kutubiux axɨna aninki nanentax, tapɨ autabɨkatai ui tomikianene. Tyopiki axti naki amenkoti au tomikianene chɨtusiupɨ ɨmoti kauta niyɨkɨxti.

Santiago 2:14

Masarukityaiki, ¿isane nanenekiche oemo axtɨ usukana oñɨ uikokokati Tupax, axtɨ champɨ uxia uisamute axɨna uiche atusi? Axtɨ sane champɨ maximiakatax aume.

San Juan 12:46

Axɨñɨ, basaruxɨñɨ, isekatɨ iku axɨna kɨx nauki axɨbama ikokoromañɨ tapɨ sɨsioma au tomikianene.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

San Juan 11:10

Tapɨ axtɨ uñamenka au tobixh opopetabaxikia, ityopiki tomikianene.

Santiago 2:18

Axtɨ anati naki nanti: “Axɨkɨ aikokokati Tupax, tapɨ axɨñɨ isamute axɨna uxia. Aityusianka sukarɨñɨ axɨmanu nakokonaunku ɨmoti Tupax ui axɨna champɨ uxia aisamute. Tapɨ axɨñɨ, ityusiankana asukarɨkɨ axɨna nixhakokonaunku ɨmoti Tupax oboi axɨba omixhia isamukio.”

1 Juan 1:8

Axtɨ usukana oñɨ ta champɨ nomɨnantɨ osoi, mapanka oemoantoe chumanityakapɨ axɨna ñemanauntu.

Santiago 2:16

Champɨ nanenekiche ɨmoti axtɨ ukanɨ ɨmoti: “Taikiana uxia naɨkɨ tanu, aiña akɨtɨpɨkɨ naibi a'aityo chepe nabe”, axtɨ chɨtoxiopɨ obi aibiboti takanaintyo utuburiboti.

San Mateo 7:22

Au axɨmanu nanenes ñana sɨrɨmanama axɨbama namatɨ iñemo: ‘Yɨriabux, Yɨriabux, axɨsomɨ supanityaka au nɨri, au nɨrityo supakaɨbuka machoboreka, au nɨri sopisamute axɨba champɨ tɨsumastai.’

1 Timoteo 4:2

Ikokotama ñana nuraxɨma axɨbama chisamutempɨma axɨna namatɨ taruku ñapantuxɨma, axɨbama chonkisiopɨma nikɨsoxɨma tyopiki axɨna chuxiampɨ isamutema.

San Juan 8:55

Ñemanaunkuxatoe, axaño chausuputakatipɨ. Axɨñɨ isuputakati. Isuputakati sane naukiche xhakokonaunka ɨmoti. Axtɨ sukanañɨ chisuputakatipɨ, taruku nixhapantu takana axaño.