1 Juan 1:5 - Manityanati Tupax

⁵ Tyone axɨba omixhia manityakax ñanunekasaxti Jesucristo suiñemo sane naukiche suburapoi ausukarɨ: axti Tupax basarux nakaxti kɨtɨpɨti champɨ tomikianene.

Manitanati Tuparrü

⁵ Tone arrüna manitacarrü somoncoi uiti Jesús: Arrti Tuparrü tacana basarurrti, champü isane tomiquianene esati. (Itopiqui arrüna nomünantü tone tacana tomiquianene.)

1 Juan 1:5 הפניות הצלבה

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

Santiago 1:17

nanaiña axɨba omixhia axɨna besɨro toxio oemo, kuatɨ auki napes, uiti Tupax, naki uiche aisamunenti nostoñeka iku napes. Axti Tupax kunauntañantai nakaxti, champɨ kiatax nakaxti champɨityo mapankax.

San Juan 1:9

Axɨmanu ñemanauntu basarux kuatɨ nauki anentax uixh ɨmo namanaiña iku axɨna kɨx.

San Juan 1:4

Uiti ananka nanaiña sɨborikixh, axɨna sɨborikixh tyone basarux ɨmo namanaiña.

San Juan 9:5

Axɨna yakaiki iku axɨna kɨx, axɨñɨ basaruxɨñɨ ɨmo namanaiña.

Apocalipsis 22:5

Akamanu champɨ ñana tobixh, axɨbama po'osoma ñana akamanu champɨ nɨmocheki uimia basarux, champɨityo nɨmoche uimia nanentaka sux, tyopiki axti Tupax axti Yɨriabux anentax uiti ɨmoma, tapɨ axɨma yɨriabuxɨma ñana ñome nanaiña naskɨbeka.

Apocalipsis 21:23

Axɨmanio poka champɨ nɨmoche oboi sux chepe panx nauki anentax oboi akamanu, tyopiki anentax ui nanentakaxti Tupax, nibiasaruxti tyone axɨmanu Nobixhax.

1 Timoteo 6:16

Kunauntañati naki champɨ nityakɨru nisɨborikixhti, po'osoti kauta axɨna tarukapae nanentakax kautaityo champɨti naki iyebo uiti asaraiti. ¡Taikiana ɨmoti tarukapae manaunkux axɨnaintyo nɨriakaxti! Amén.

1 Juan 3:11

Tyone axɨna manityakax amonkoi auki maɨbo: tari ukuasɨrɨ oemomatoe.

1 Corintios 11:23

Tyopiki axɨñɨ yasutiu axɨna manunekatax uiti Yɨriabux Jesús, auki axɨñɨ iñununekakaño: Axɨmanu tobixh tɨkañe naukiche toxioti Yɨriabux Jesús ɨmo nikonkoxti, yasutiuti mekuti taman pan

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.